San Anton eguna
Urtarrilaren 17an San Anton eguneko zozketa herrikoia egiten da. Diru-bilketaren onuradun San Prudentzio egoitzako bi pertsona arduratzen dira zenbakiak ateratzeaz eta Udalak salgai jarritako 30.000 txartelen artean zortea banatzeaz.
| Zk. | Saria | Zenbaki saritua |
|---|---|---|
| 1 | Txerri iberikoaren eta tokiko produktuekin osatutako sorta | 16960 |
| 2 | Bidaia egiteko 1500 euroko opari txartela | 6486 |
| 3 | Tokiko artista batek sortutako lan grafikoa | 6324 |
| 4 | “Monty Rock” trekking bizikleta | 19487 |
| 5 | Ordenagailu eramangarria (15,6” - 8 GB - 1TB) | 8586 |
| 6 | 42 hazbeteko telebista eta soinu barra bana | 17700 |
| 7 | Kirol jantziak erosteko opari txartela | 9339 |
| 8 | Liburuak eta komikiak erosteko bonoa | 2702 |
| 9 | Askotariko mahai jokoez osatutako sorta | 12355 |
| 10 | Laboral Kutxako Etxebizitza asegurua (urte bete) | 14423 |
*Sariak hiru hilabeteko balioa du.
- San Anton eguneko zozketako oinarriak
- San Antoneko errifa egiteko baimena, Eusko Jairlaritzako Joko eta Ikuzkizunen Zuzendaritzarena
San Anton Txiki
Zozketa horrekin batera, hainbat ekitaldi burutzen da San Anton Txiki ospakizunaren barruan. Txokolatezko bi txerri zozketatzen dira Espainia plazan 1994 urteaz geroztik, hiriko Haur eta Lehen hezkuntzako ikastetxeen artean, tradizio gasteiztar hori haur eta gazteen artean zabaltzeko asmoz. 2024ko irabazleak honako hauek izan dira: Marianistas (Haur Hezkuntza) eta San Viator (Lehen Hezkuntza).
Urtero, zozketa egin ondoren, jaia egin ohi da plazan Udal Folklore Akademiaren musika, haurrentzako jolas-gunea eta zezen suzkoarekin.
San Anton Abad zozketaren historia
1781etik, hiriko babes-etxeak eta San Prudentzio egoitzak antolatzen zuten San Anton eguneko zozketa herrikoia. Denborak aurrera egin duen heinean eta babes-etxea desagertu denez, Kultura Zerbitzuak hartu du zozketa kudeatzearen ardura, tradizioa gordetzearren.
- 1778ko abuztuaren 3an sortu zen babes-etxea Carlos III erregearen zedula baten bidez, eta Real Junta de Diputación a Pobres izenekoak zuzendu zuen.
- 1781eko urtarrilaren 17an izan lehenengo zozketa eta haren xedea izan zen babes-etxea mantentzen laguntzea. Bertatik, haurrak, alderraiak, txiroak... pasa ziren.
- Lehen saria beti izan da txerria, eta beste garai batzuetan 4 txerri ere zozketatu izan dira.
- Gaur egun ez da txerria zozketatzen arazo legalak direla eta; zozketaren sinbolo gisa gorde eta San Pedro elizan bedeinkatzen dute.
- 1828tik 1836ra ez dago jasota inon zozketa burutu zenik.
- 1985ean, Gizarte Ongizaterako Foru Erakundearen menpe gelditu zen egoitza.
- Gaur egun, San Anton abadearen egunean egiten da zozketa, hots, urtarrilaren 17an, arratsaldeko 18:00etan, udalbatzaren aretoan, notarioa aurrean dagoela eta udal agintariak zein San Prudentzio egoitzako ordezkariak bertan direla. Egoitza horretako bi bizilagunek ateratzen dituzte bolak.
- 1994tik, urtero urtarrilaren 17an, Udaletxean egiten den zozketa horrekin batera, hainbat ekitaldi burutzen da San Anton Txiki ospakizunaren barruan.
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.