Olarizu erromeria

Erromeria

XIX. mendetik hona, iraileko Andre Mariaren ondorengo lehen astelehenean (irailak 8), erromeria egin ohi da Vitoria-Gasteizko hegoaldean dauden Olarizuko zelaietan Olarizuko muino gaineko gurutzera igotzeko. Goiz horretan bertan udalerria mugatzen duten mugarrien urteko ibilbidea egiten du udalbatzak; 500 urte baina gehiagoko ohitura administratiboa dena, eta alkatea basozain nagusi eta talde buru dela.

Arratsaldean, jolasak eta aisialdiko jarduerak egoten dira familiako kide guztientzat. Erromeria honekin udako zikloa amaitu eta bildutako uzta eskertzeko nekazarien erritua betetzen da.

Historia apur bat

Mendiaren izenak ez du zer ikusirik gaur egungo gurutzearekin, baizik eta Olarizu Andra Mariaren omenez zegoen ermita bati, egun desagertuta, eta bere existentziaz informazioa dagoena 1465 urteaz geroztik.

Geroago, 1743an, La Dehesa etxea eraiki zen, eta han bizi zen ganaduaren artzain bat, debesan bazkatzen zena eta Gasteizko harategiak hornitzen zituena. 1995ean zaharberritua, Olarizuko lorategi botanikoko bisitarien zentroa hartzen duen eraikin bioklimatikoa da.

2020ko edizioa

Gasteizko Udalak bertan behera utzi du irailaren 14an Olarizuko egunaren inguruan egitekoa zen jai-programa. Egun horretan Gasteizko Eraztun Berdeko leku kuttun horretan ohiko diren jende-pilaketak saihesteko asmoz hartu da erabakia.

Olarizu mendiak eta haren azpiko larrek urtebete itxaron beharko dute, 2021era arte, ohiko erromeria berriz egin arte, bildutako uzta eskertzeko nekazarien erritua gogoratuz. Orduan, berriro izango dira Olarizuko zelaietan jai giroko jarduera guztiak, ohiko babarrun-jana eta igoera jendetsua Olarizuko gurutzera; jai-amaiera Plaza Berrira itzultzeko ibilbidearekin izango da, Udal Musika Bandak, txistulari, atabalari, trikitilari, gaita-jotzaile eta danborrariek zein Erraldoi eta Buruhandien Konpartsak lagunduta.

Alabaina, 2020an ere udalerria mugatzen duten mugarrien urteko ibilbidea egiteko ohiturari eutsiko dio Udalbatzak.

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?            

Nahi baduzu, iruzkinak egin ditzakezu.
Nahitaezkoa da identifikatzea.

Jasotako iruzkinak

Página web: Romería de Olarizu

  • Se os olvida comentar que dicha romería es en honor a la Virgen de Olarizu, cuya ermita, hoy desaparecida, se encontraba en lo alto de la montaña. Cuidar nuestras traiciones sin ocultar u omitir su verdadero sentido, nos enriquece como pueblo.

    Historiadora Normal 2017/05/06 15:26:13 Erantzuna eman zaio

  • Gracias por su colaboración. Hemos añadido en la página de la Romería de Olarizu un apartado que se llama "Un poco de historia", con una breve introducción que enlaza a un contenido que ya existía.

    Udalaren logotipoa Udala 2017/05/16 07:55:22