Zure iritziak axola digu
Nahi baduzu, iruzkinak egin ditzakezu. Nahitaezkoa da identifikatzea.
Nola heldu - Turismoa Vitoria-Gasteizen
Errepidez
Vitoria-Gasteiz Arabako Lautadaren erdialdean dago, Madril eta gainerako Europa lotzen dituen N-1 errepidean. Bilbotik 40 minututara dago, Iruñatik ordubetera, Santanderretik bi ordutara, Zaragozatik hirutara eta Madrildik lau ordu baino gutxiagora.
- Trafiko eta errepideen egoerari buruzko informazioa (Trafikoko Zuzendaritza Nagusia).
- Hirira iristean autoa aparkatzeko eta hirian zehar mugitzeko informazioa.
- Lakuako autokarabanen aparkalekua.
Autobusez
Hiriarteko garraio-enpresen informazioa Gasteizko Autobus Geltokiko web gunean aurki dezakezu. Araban zehar mugitzeko Álava bus zerbitzua dago.
Movelia plataformaren bitartez ere, autobus txartelak on-line bilatu eta eros ditzakezu.
Trenez
RENFEko web gunean trenez bidaiatzeko behar duzun informazio guztia dago: ordutegiak, tarifak eta ibilbideak... Tren geltokian ere badago informazioa.
Hegazkinez
Gasteizko Aireportua (VIT)
Gasteizko aireportua (VIT) Gasteiztik8 km-ra dago, Bilbora (58 km) 45 minutu baino gutxiagoan eta Arabako Errioxa eskualdera eta Hondarribira (121 km) edo Donostiara (116 km) ordubete pasatxoan iristea ahalbidetzen duen leku pribilegiatuan. Forondako Aireportua bezala ere ezaguna, 1994tik nabarmentzen da bere merkantzia trafiko bolumenagatik.
- Konexioak: bidaiarientzako linea erregularrak, Sevilla, Alacant, Malaga (2024ko martxotik aurrera), Palma Mallorcakoa (2024ko martxotik aurrera), Brusela-Charleroi eta Milan-Bergamo aireportuekin lotzen direnak Ryanair airelinearekin. Informazio gehiago: www.vitoriateconecta.com
- Autobus zerbitzua: aireportua hiriarekin lotzen du, Autobuses La Unión zerbitzuaren bidez. Informazio gehiago.
- Radio Taxi zerbitzua: telefonoa 945 27 35 00.
- Aparkalekua: terminaletik metro gutxira dago. Zaintzarik gabeko ibilgailuentzako doako aparkalekua eta autobusentzako aparkalekua da.
- Turismo Bulegoa: aireportuak bisitariei informazioa eskaintzeko bulego bat du.
Aireportuko autobus-, taxi- eta aparkaleku-zerbitzuari buruzko informazio gehiago duen gida praktikoa: castellano 
Gasteizko aireportuari buruzko informazio gehiago
Loiu aireportua (Bilbao)
Bilboko aireportura heltzekotan, Bilboko autobus geltokian uzten zaituen hiri-autobusa (Bizkaibus enpresa) hartu ahal izango duzu, eta hemendik, ordubete eskasean Vitoria-Gasteizera helduko zara.
Bilboko aireportuari buruzko informazio gehiago.