KIUB - Kontsumitzaileen eta erabiltzaileen elkarteak

Irabazi asmorik gabeko erakunde pribatuak dira kontsumitzaileen eta erabiltzaileen elkarteak eta kontsumitzaileen legezko eskubide eta interesak babestu eta aldeztea dute helburu, baita horiek informatzea, prestatzea eta heztea ere, oro har zein produktu edo zerbitzu zehatzen inguruan.

Kontsumitzaileen eta erabiltzaileen elkartetzat joko dira ere kooperatiben arloko legeekin bat osatuta dauden kontsumitzaileen eta erabiltzaileen erakundeak, zeinen helburuen artean bazkideen hezkuntza eta prestakuntza egon beharko baita nahitaez, gainera xede hori betetzeko funtsa eratu beharko dute.

Zereginak:

  • Kontsumitzaileen legezko interesak aldeztu eta babestea.
  • Kontsumitzaileei haien eskubideen eta betebeharren arloko prestakuntza eta argibideak ematea.
  • Kontsumitzaileen eta erabiltzaileen interesak aldezteko orduan haiek ordeztea; adibidez, ordezten dituzten eskubide eta interesak zuzenean eragiten dituzten arauak lantzeko prozeduretan entzungo zaie, kontsumitzaileen eta erabiltzaileen interes orokorrak babesteko gaien inguruko kontsulta batzordeetan parte hartzeko eskubidea dute, kontsumoko arbitraje sisteman parte hartzen dute arbitroen izendapenaren bidez.
  • Elkarteko bazkideen zein elkartearen beraren eskubide eta interesak epaiketetan defendatzeko behar bezala gaitua izatea.
  • Kontsumitzaile eta Erabiltzaileak Defenditzeko Lege Orokorraren eta beste lege osagarrien testu bateratuarekin bat eratu diren kontsumitzaileen elkarteak izango dira, legeekin bat, kontsumitzaileen eta erabiltzaileen interes orokorren izenean eta haien ordez jarduteko gaitasuna duten bakarrak.

Hirian dauden elkarteak:

AKE Arabako Kontsumitzaileen Elkartea

Helbidea
Aiala Kantzilerra, 11 - 4. esk. B bulegoa
Telefonoa
945 25 17 08

EKA Euskal Herriko Kontsumitzaileen Antolaketa

Helbidea
Frantzia kalea, 21-1.a, 3. bulegoa

EHKB, Euskal Herriko Kontsumitzaileen Batasuna

Helbidea
Jose Lejarreta kalea, 49
Telefonoa
945 26 47 22

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.