Film Office Vitoria-Gasteiz - Filmaketa jasangarriak

sostenibilidad industria audiovisual

Ikus-entzunezko industria ingurumen-inpaktu handieneko sektoreetako bat da. Baina, era berean, sentsibilizazio-tresna garrantzitsua ere bada orainaldi jasangarri batera bidean ekintzak inspiratu eta sustatzeko, ekonomiaren, ingurumenaren eta gizarte-ongizatearen arteko oreka bermatuko duen orainaldi batera bidean, hain zuzen.

Film Office-etik jasangarritasuna ikus-entzunezko industriara hurbildu nahi dugu, eta ingurumen-inpaktu positiboa sortuko duten ekoizpen eredu berrietarantz aldatzeko prozesu honetan lagundu nahi dizuegu.

Horregatik, hainbat tresna jarriko ditugu zuen eskura. Helburua da bide horretan gidari edota oinarri izan ditzazuela, zuen ekintzak bultzatzeko eta planeta errespetatzen duen ekoizpen-eredu jasangarriagoa sustatu dezazuen.

Jarduera onen dekalogoa

  1. Komunikazio berdea
    Zehaztu taldean jasangarritasun-plana: xedeak, neurriak eta ekintzak. Jarri informazio-kartelak bulegoan eta platoan, taldea inplikatu eta kontzientziatu dadin. Eman zure jarduera onen berri hedabideetan, eta partekatu ideiak eta jarduerak sektorearekin.
  2. Kokapen arduratsua
    Elkarrengandik ahalik eta hurbilen dauden tokiak aukeratu. Informa zaitez, eta errespetatu kokapenetako ingurumen-arloko ezaugarri eta araudiak.
  3. Garraio eta mugikortasun eraginkorra
    Planifikatu garraio-logistika modu eraginkorrean, bidaiak optimizatzeko. Partekatu ibilgailuak. Informatu taldea garraio publikoak ematen dituen aukerez eta bizikletak alokatzeko guneez.
  4. Tokiko hornitzaileak
    Gizarte- eta ingurumen-politikaren bat ezarrita duten tokiko hornitzaileak hautatu. Sustatu tokiko enplegua.
  5. Otordu-zerbitzu jasangarria
    Erosketetan, hondakinen kudeaketan, ontzien murriztapenean edo ontzi biodegradagarri nahiz berrerabilgarrien erabileran politika jasangarria duten eta hurbileko eta sasoiko produktuekin lan egiten duten tokiko hornitzaileak aukeratu.
  6. Kontsumoa murriztu
    Ahal dela, saihestu filmazio-ekipoak, -materialak edo -elementuak erostea, alokairua sustatuz. Murriztu paperaren erabilera, eta sustatu digitalizazioa. Ezarri garapen jasangarrian oinarritutako erosketa- eta fabrikazio-irizpideak.
  7. Murriztu, berrerabili eta birziklatu
    Sortu hondakinak kudeatzeko plan bat: gaikako bilketa bulegoan eta platoan. Dekoratua, jantziak eta abar alokatu, berrerabili, maileguan eskatu eta bigarren eskukoak erosi. Soberakinak banatu, saldu edo ongintzazko elkarteei eman.
  8. Ura: bizi-iturria
    Saihestu norberak erabiltzeko plastikozko ur-botilak, eta, horien ordez, jarri ur-banatzaileak / ontziak betetzeko guneak, eta sustatu botila eco-friendly pertsonalizatuak, kantinplorak eta abar.
  9. Murriztu energia-kontsumoa
    Sentsibilizatu energia-eraginkortasuneko ohituretan: itzali argiak erabili behar ez direnean, saihestu standby-egoera, eta erabili kontsumo baxuko argi eta bonbillak eta berriz kargatzeko bateriak. Birziklatu materiala horretarako prestatutako tokietan.
  10. Ebaluazioa
    Izendatu Green Runner bat, jasangarritasun-planaren jarraipena egin dezan. Produkzioaren aurretik eta ondoren, ebaluatu zure karbono-aztarna, kalkulagailua

Tresnak

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.