Kidez Kide 2025-2026: gazteak, lankidetza, eta kulturarteko bizikidetza
Kidez Kide Gasteizko Udaleko Gazteria eta Garapenerako Lankidetzako zerbitzuek sustatutako programa da, Gasteizko eta beste herrialde batzuetako gazteak harremanetan jartzen dituena.
Programa 14 eta 18 urte bitarteko gazteei zuzenduta dago, baldin eta Derrigorrezko Bigarren Hezkuntzako 2. zikloa, Batxilergoa edo Lanbide Heziketa egiten ari badira edo aisialdiko taldeetan parte hartzen badute.
Metodologia aktibo eta parte-hartzaileen bidez, gazteak taldeka biltzen dira, aurrez aurre eta modu birtualean, beren esperientziak, interesak, kezkak eta/edo problematika komunak partekatzeko eta horiei buruz hausnartzeko, lankidetza, bizikidetza eta elkartasuna bezalako balioak sustatuz.
Horrela, parte hartzen duten gazteak beren hezkuntza-prozesuaren protagonista bihurtzen dira, eta prozesu hori ikasturtean zehar taldeetan sortu dituzten ekimen artistikoen eta sozio-kulturalen aurkezpenarekin amaitzen da.
Kidez Kide 2024 – 2025 Bideoa
2025-2026 ikasurtea
Ikasturte honetan programa urritik ekainera bitartekoa izango da eta 7 saiotan garatuko da. Saioak ikastetxe bakoitzean egingo dira, parte hartzen duen taldearen gelan, aurrez-aurre eta on-line saio bateratuak ere gauzatuko dira, ikasleek elkar ezagutzeko eta elkarri eragiteko aukera izan dezaten.
Programa Gasteizko 4 ikastetxetan eta Ibagueko (Kolonbia), Gasteizekin senidetutako hiria, 4 hezkuntza-erakundetan gauzatzen ari da: IES Francisco de Vitoria BHI, IES Zabalgana BHI (6 gela), IES Los Herrán BHI eta IES Miguel de Unamuno BHI; San Isidro, José Antonio Ricaurte, Alberto Santofimio Caicedo, Ciudad de Ibagué eta Antonio Nariño.
Ikasleek MATIZ elkartearen laguntza eta euskarri teknikoa izango dute, baita Kolonbia- Euskadi elkartearen lankidetza ere.
Parte hartu nahi duzu?
Hurrengo edizioetan parte hartu nahi baduzu, bidali iezaguzu posta elektroniko bat eta parte-hartzeko baldintzak azalduko dizkizugu: yiraeta@vitoria-gasteiz.org
Aurreko ikasturteak
2024-2025 kurtsoan IES Francisco de Vitoria BHI, IES Zabalgana BHI, IES Los Herrán BHI (3gela) eta IES Miguel de Unamuno BHI Gasteizko ikastetxeek eta Ibagué (Kolonbia) hiriko San Isidro, José Antonio Ricaurte (2 gela), Alberto Santofimio Caicedo, Ciudad de Ibagué eta Antonio Nariño ikastetxeek parte hartu zuten programan.
Argazkiak
https://www.flickr.com/photos/38143943@N08/albums/72177720327457510Bideoak
Informazio gehiago
Programa hau Udaleko Hezkuntza Jardueren parte da.
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.