KIDEZ-KIDE 2022-2023: gazteak, lankidetza, eta kulturarteko bizikidetza

Kidez Kide Gasteizko Udaleko Gazteria eta Garapenerako Lankidetzako zerbitzuek sustatutako udal programa da eta bere helburua beste herrialdeetako gazteei buruzko ezagutza, elkarkidetasuna, bizikidetza eta lankidetza sustatzea da hiriko ikastetxeetako 14 eta 18 urte bitarteko gazteen artean. Horretarako, metodologia aktibo eta parte-hartzaileen bidez hezi egiten ditu, hainbat hezkuntza eta gizarte eragileen laguntza du, eta beste herrialdeetako gazteekin elkar eraginean aritzen da.

Kidez-Kide-ren eskuorria 2021-2022 pdf (laster egongo da eskuragarri 2022-2023ko eskuorria).

Kidez-Kide-ren blogean(Beste leiho batean irekiko da) jarraitu dezakezu programaren garapena.

Programaren helburuak

Kidez-Kide programak 2 helburu nagusi ditu:

  • Guneak sortu nahi ditu beste kontinente bateko gazteekin eta, bereziki, Ibagüé-ko (Gasteizekin senidetuta dagoen Kolonbiako hiria) gazteekin harremanak eta elkarrekiko ezagutza errazteko eta lankidetzarako, eta esperientzien, kezken eta problematiken elkar-trukaketa ahalbidetu.
  • Gazteria mundu globalizatuan ematen diren migrazioen problematikari buruz sentikortzea, baita gure inguruko pertsona migratzaileekiko bizikidetza jarrerak sustatzea ere.

Kidez-Kide programaren momentuak

Ikasturte honetan programa urritik ekainera bitartekoa izango da eta 6 saiotan garatuko da. Saioak ikastetxe bakoitzean egingo dira, parte hartzen duen taldearen gelan, eta on-line saio bateratuak ere gauzatuko dira, ikasleek elkar ezagutzeko eta elkarri eragiteko aukera izan dezaten.

 Kidez-Kide programaren uneak 2021-2022 pdf

Lan-metodologia

Proposamen horiek lantzeko, ikasleek MATIZ elkartearen laguntza eta euskarri teknikoa izango dute, baita Kolonbia-Euskadi eta Kokuk-Proiektu Kurrikularrak elkarteen lankidetza ere. Jakintza alor anitzeko talde horrek sentsibilizazio eta berariazko formakuntza ekintza batzuk abiaraziko ditu.

Kidez-Kide 2021-2022 edizioaren ikastetxe parte hartzaileak

2021-2022 kurtsoan zehar, IES Ekialdea BHI, CPEIPS Sagrado Corazon HLBHIP, IES Mendebaldea BHI, IES Los Herran BHI eta IES Miguel de Unamuno BHI Gasteizko ikastetxeetan lantzen ari da, baita Ibagué (Kolonbia) hiriko Ambiental Combeima, José Antonio Ricaurte, Alberto Santofimio Caicedo, José Joaquín Flórez Hernández eta Antonio Nariño ikastetxeetan ere. Esperientzia hori hurbiletik ezagutu nahi baduzu, gure blogean(Beste leiho batean irekiko da) sartu ahal zara.

Hurrengo kurtsoan parte hartzea gustatuko litzaizuke?

Kidez Kide programan Gasteizko ikastetxeek parte har dezakete (DBH, Batxilergoa, LH eta HHE). Hurrengo edizioetan parte hartu nahi baduzu, bidali iezaguzu posta elektroniko bat eta parte-hartzeko baldintzak azalduko dizkizugu: jsierra@vitoria-gasteiz.org

Kidez Kide 2022: amaierako bideoa

https://www.youtube.com/watch?v=y_Lqb_oK-0Y(Beste leiho batean irekiko da)

Laguntzaileak

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.