Lakuako Bizanean topaketen lorategia sustatzea

Bozketa fasearen ondoren, 2022 eta 2023ko aurrekontuekin gauzatuko diren aukeratutako proiektuetatik kanpo gelditu zen.

Vitoria-Gasteiz Hobetuz ekimenean Kalimba kultur elkarteak aurkeztutako proposamena.

Eremua: Asialdi eta topaketarako guneak

Auzoa(k): Arriaga-Lakua

Gutxi gorabeherako kostua: 70.000 €

Zertan datza?

Lakua-Arriagako Bizan inguratzen duen hesi osoa kentzea proposatzen da, lorategia irisgarria izan dadin komunitate osoarentzat. Eremu hori, hesirik gabe, erreferentziazko topagune eta elkarbizitza-gune bihur liteke auzoan edozein adin eta baldintzatako pertsona guztientzat, kontuan hartuta duen kokapen bikaina, inguruko denda eta ikastetxeei esker.

Lekua abegikorragoa izan dadin eta urtean zehar ahalik eta denbora luzeenean erabili ahal izateko, karpa bat jartzea proposatzen dugu, eguzkitik eta euritik babesteko, eta eserlekuak jartzea, pertsonen arteko komunikazio ona ahalbidetzeko moduan.

Non egingo litzateke?

Lakua-Arriagako Bizan inguratzen duen lorategian.

Zer ekarpen egiten du?

Oztopoak –kasu honetan, fisikoak–, kalean pertsonen arteko topaketa hobeak ahalbidetzeko. Gure ustez, gure auzoko Bizan zentroak hesituta jarraitzen duen bitartean, nolabait, "adinekoentzako" eta "adinekoen gauzak", eta beraz, gazteentzat erakargarriak ez direnak, egiteko toki esklusiboa izatearen pertzepzioa indartzen da. Hobekuntza da espazio hori edozein adin eta baldintzatako pertsonak elkartzeko leku gisa ulertzea.

Lakua-Arriagako Bizan kokaleku zoragarrian dago topaketak eta harreman-bizitza sustatzeko, jende asko ibiltzen den oinezkoentzako kale batean dago, eta hainbat ikastetxe daude bertan, tranbiaren eta autobusaren geltokitik oso gertu dago, eta tabernak eta saltokiak ditu inguruan; auzoko gunerik aktiboenetako batean dago.

Adinekoek ekarpen handia egin diezaiokete komunitateari, bizitzako esperientziak dituztelako, eta aberastasun erreferentzialak direlako belaunaldi gazteagoentzat; azken horiek ere ekarpen handia egin dezakete, errealitatearen beste ikuspegi batekin. Elkar osatu eta aberastu dezakete.

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.