Harrera etxeak

Zer dira?

Gizarte larrialdiko egoeraren baten ondorioz etxebizitzarik gabe geratu diren eta epe laburreko egonaldia behar duten pertsona eta familiei ostatua emateko baliabidea da.

Egonaldia gehienez 4 hilabetez luzatu ahal izango da, salbuespen gisa iraupen bereko luzapen bat egiteko aukerarekin.

Norentzat da?

  • Etxebizitzaz gain psikologia, gizarte eta hezkuntza arloko laguntzarik behar ez duten pertsona eta familientzat.

Kasuak:

  • Ohiko etxebizitza uzteko beharra, aldi baterako erabili ezin delako.
  • Etxegabetzeak, etxetik alde egin behar dutenei egotzi ezin zaizkien arrazoiak direla eta.

Nola baliatu daiteke: Udalaren gizarte-zerbitzuek aurretiaz bideratuta.

Argibideak non eskatu?

  • Norberari dagokion Oinarrizko Gizarte Zerbitzuan (OGZ)
  • Gizarte Larrialdietarako Udal Zerbitzuan (GLUZ)

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.