Tranbia: Otsailera arte 12 urte beherakoek doan bidaiatu ahal izan dute txartel pertsonalizaturik gabe baina identifikazio-dokumentua eraman behar dute adina egiaztatzeko. Otsailetik aurrera txartel pertsonalizatua balidatu beharko dute eta, bakarrik bidaiatzen badute, baimena ere eraman beharko dute.

12 urtetik beherakoentzat BAT txartel hobariduna, TUVISAn eta tranbian doan bidaiatzeko

Autobusa eta tranbia doakoak dira 0-11 urte bitarteko haurrentzat (barne). Doan bidaiatzeko, autobusean BAT txartel pertsonalizatua eduki behar da 5 urtetik aurrera, eta, tranbian, 6 urtetik aurrera. Txartela balidatu behar da bidaia baino lehen.

Adin horretatik behera, gomendagarria da txartela izatea, bidaiaren egiaztagiria izateko eta, Tuvisaren kasuan, tiketik atera behar ez izateko eta zerbitzua arintzeko.

BAT txartel pertsonalizatuak Vitoria-Gasteizko Tranbiaren Bezeroei informazioa emateko bulegoan eta Gasteizko Udalean eros daitezke.

Jarraian, udalean nola egin azalduko dizugu.

Nola eskatu txartela

Amak, aitak edo tutoreak egin behar du eskaera, galdetegi hau betez:

Online-eskaera

Ezin baduzu online-eskaera egin, gizarte-etxeetako autotramitazio makinen bidez eskatu dezakezu, edo Herritarrei Laguntzeko Bulego batera joan (San Martingo Bulegoa izan ezik), hitzordua hartuta.

Haurrak jada txartel pertsonalizatua baldin badu

Haurrak jada BAT txartel pertsonalizatua baldin badu (argazkiduna), ez du beste bat eskatu beharko: hori erabilita, doan bidaiatuko du TUVISAko autobusetan eta tranbian. BAT txartela erabili daitekeen gainontzeko garraioetan, dagokion tarifa kobratuko zaio. Horretarako, jakina, saldoa izan beharko du txartelean.

Txartelaren kostua

  • BAT txartel orokorra baldin baduzu (argazkirik gabe), doan pertsonalizatu dezakezu. Kasu horretan, Tranbiaren Bulegoan jaso beharko duzu (Antso Jakituna kalean). Hala ere, eskaeran Herritarrentzako Bulego bat aukeratu beharko duzu, batzuetan beharrezkoa baita lehenago dokumentazioa eramatea.
  • BAT txartel orokorrik ez baduzu edo daukazuna pertsonalizatu nahi ez baduzu, beste BAT pertsonalizatu bat eska dezakezu. Hiru euro ordaindu beharko dituzu, bi bide hauetako baten truke:
    • Txartel bidez, Herritarren Arretarako Bulego batean, BAT txartela jasotzen duzunean.
    • Diru-sarrera eginez. Aukera hori aukeratzen baduzu, ordainketa-dokumentu bat bidaliko dizugu, diru-sarrera egin dezazun. Egiaztagiria aurkeztu beharko duzu BAT txartela jasotzen duzunean, Herritarrei Arreta Emateko Bulego batean.

Noiz eta nola jaso txartela

Eskabidea online egin ondoren, mezu bat bidaliko dizugu posta elektronikora, jarraitu beharreko urratsak jakinarazteko.

Informazio gehiago

BAT txartel motei eta tarifei buruzko informazioa kontsultatu dezakezu.

Halaber, eskuragarri dituzu ohiko galderak.

Zalantzak baldin badituzu, Herritarrei Laguntzeko telefonora deitu dezakezu: 010 (edo 945 16 11 00).

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.