Green Tourist Card-ek jatetxeen eskaintzak hartuko ditu barne eta erabilera errazagoa izango du

2025eko azaroaren 14an argitaratua

Vitoria-Gasteizko Udalaren Biltzar eta Turismo Zerbitzuak hobekuntzak egin ditu Green Tourist Card-en webgunean(Beste leiho batean irekiko da), txartel turistiko horren eskaintza eta ikusgarritasuna handitzeko eta bere erabilera errazagoa izan dadin:

  • Establezimendu batek eskaintza ugari izan ditzake, bai oinarrizko eskaintzak (finkoak), bai aldi baterako eskaintzak. Horretarako, atxikitako erakundeei erabilera-gida bat eman zaie.
  • Orain, jatetxeek Green Card-en ere sartu ahal izango dituzte beren eskaintzak.
  • Txartela kamera bidez baliozkotzeko aukera: txartelaren erabiltzaileak txartelaren QRa erakusten duenean deskontuaz gozatzeko, establezimenduak baliozkotu egin dezake, bai mugikorraren bidez, bai ordenagailuaren kameraren bidez. Atxikitako erakundeei honi buruzko laguntza-materiala eman zaie.
  • Green Card txartela paperean deskargatzea hainbat turismo-bulegotan: txartela pertsona gehiagori hurbiltzeko asmoz, Gasteizko Turismo Bulegoaren ondoren, proba pilotua hasiko da Bastidako, Eltziegoko eta Arabako Lautadako bulegoetan.
  • Administratzailearen eta enpresaren arteko fluxua erraztuko duten hobekuntzak: datuak modu zuzenagoan, errazagoan eta dinamikoagoan sartzea eta baliozkotzea.

Green Tourist Card-i buruzko informazio gehiago

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.