Autobus Geltokia - Ezaugarriak eta arauak

Geltokiaren ezaugarriak

Geltokiak 21 nasa erabilgarri dauzka ("U" itxura eginez), bai eta itxaroteko beste 4 nasa ere, erdiko irlatxoaren inguruan. Nasa horiek 9.500 metro koadro hartzen dute guztira, eta -iristen eta irteten direnen artean- orduko 126 autobus kudeatzeko gaitasuna emango digute. Itxaron aretoan dauden informazio panelek iristeko eta irteteko dauden autobusei buruzko informazioa ematen dute, aldian-aldian eguneratua. Itxaron aretoan dauden informazio panelek iristeko eta irteteko dauden autobusei buruzko informazioa ematen dute, aldian-aldian eguneratua. Gainera, oinezkoentzako sarreretatik gertu hiriko garraio publikoari buruzko informazioa ematen da, erabiltzaileei beste garraiobide batzuekiko loturak erraztearren.

Autobusak nasetan

Informazio eman eta txartelak saltzeko hamalau leihatila dituzte geltokian diharduten enpresek; horrez gain, bada informazio gune nagusi bat, oinezkoen sarrera nagusiaren aurrez aurre. Informazio gune nagusi horren alboan bada informazio puntu automatizatu bat, kontsultatutako ordutegi eta maiztasunak inprimatzeko aukera ematen duena. Gainera, Huraxe da urritasunik edo mugikortasun mugatua duten pertsonei harrera egiteko eta laguntza eskaintzeko lekua.

Informazio gehiago geltokiaren planoetan.

Parkinga

Geltokiaren sotoan turismo, motor eta bizikletentzako parking publikoa dago. Iparraldean dago sarrera-irteera, Rafael Alberti kalean (Donostia kaletik etorrita). Gainera, Euskaltzaindia plazan bizikletak aparkatzeko leku ugari daude.

Parkingari buruzko informazio gehiago.

Geltoki irisgarria

Gasteizko autobus geltokia "geltoki izendatua" da. Urritasunen bat edo mugikortasun murriztua duten pertsonei laguntza espezializatua eta doakoa ematen zaiela esan nahi du horrek. Horrez gain, geltoki erabat irisgarria da, edozein pertsona bertara heltzeko eta bertan hara-hona ibiltzeko modukoa. Besteak beste, oinez hauteman daitekeen bidexkak ditu, ikusmen urriko pertsonak billeteak saltzeko leihatiletara eta nasetara gidatzeko. Horrez gain, begizta magnetiko edo indukzio magnetikoko begizta (T modua) egokitu da leku jakin batean, non audiofonoak erabiltzen dituzten pertsonek megafoniako informazioa interferentziarik gabe entzun dezaketen.

Urritasunik edo mugikortasun mugatua duten pertsonei eskainitako arretari buruzko informazio gehiago.

Gizalege-arauak eta Geltokiaren erabilera onaren arauak

Geltokiaren erabiltzaileek oro, eta, bereziki, bidaiatzekotan direnek, gizalegez jokatu beharko dute bertan, eta, une oro, geltokiko langileek ematen dizkieten jarraibideak bete. Berariaz egongo da debekatuta:

  • Erretzea, geltoki osoan, kai-barrenak barne.
  • Autobusentzako bidean sartzea edo hartan barrena zirkulatzea, esan nahi baita geltoki barruko joan-etorrietarako horretarako baimendutako lekuak baliatu beharko direla, ibilgailuen mugimenduekin interferentziarik ez sortzeko.
  • Baimendu gabeko lekuetara sartzea.
  • Irteera nagusiak nahiz larrialdikoak oztopatzea, bertan eseriz nahiz luzatu edo berandutuz.
  • Baimenik gabe saltzea.
  • Bizikletaz eta, oro har, oinez ez den beste edozein garraiobidez zirkulatzea.

Informazio gehiago Autobus Geltokiaren araudian (pdf formatuan)

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?            

Nahi baduzu, iruzkinak egin ditzakezu.
Nahitaezkoa da identifikatzea.

Gaia publikoa izatea aukeratzen baduzu, gainontzeko herritarrek zuk idatzitakoa eta udalak emandako erantzunak irakurri ahalko dituzte; baita iruzkinak egin ere. Gaia pribatutzat jotzen baduzu, zuk bakarrik izango duzu gai horretarako sarbidea eta udalak emandako erantzunak irakurtzeko aukera. Gaia idaztean identifikazio kodea emango zaizu.

Aldartea

Harremanetarako beste kontaktu bat: