Ataria - Herritarren Zientzia

Ataria, Salburuko hezeguneen interpretazio zentroa

Herritarren Zientzia bannerra

Ongi etorri Gasteizko Udaleko Ingurugiro Gaietarako Ikastegiaren Herritarren Zientziako webgunera. Gune honetan, Ataria Salburuko hezeguneak interpretatzeko zentroa "Herritarren Zientzian Parte Hartzeko Sarea" proiektuaren barruan garatzen ari den kontserbazio eta jarraipen programekin lotutako informazioa guztia aurkituko duzu.

Argibide gehiago nahi baduzu, helbide elektroniko honetara idatz dezakezu: cienciaciudadana@vitoria-gasteiz.org.

https://www.youtube.com/watch?v=B05obn7O4aE(Beste leiho batean irekiko da)

Programen agenda

Atariak antolatutako Herritarren Zientziako programak ondorengo garaietan egingo dira:

Horietako batean izena eman nahi baduzu, idatzi cienciaciudadana@vitoria-gasteiz.org helbidera.

Jarraipen programak, berriz, urte osoan daude zabalik, eta ez da izena eman beharrik.

Zer da Herritarren Zientzian Parte Hartzeko Sarea?

Ingurugiro Gaietarako Ikastegiak, Gasteizko Udaleko Ingurumenaren eta Espazio Publikoaren Saileko Eraztun Berdearen eta Biodibertsitatearen Atalarekin batera, "Herritarren Zientzian Parte Hartzeko Sarea" proiektua jarri du abian, gure udalerrian biltzen den dibertsitate biologikoa jarraitu eta kontserbatzeko xedez. Herritarren artean biodibertsitatearen alorreko hezkuntza sustatzeko asmoz sortu da proiektua, gure natur ingurune hurbilenean bizi diren animalia eta landare talde jakin batzuen ezagutza eta kudeaketa areagotzeko beharrak bultzatuta.

"...aukerarik badu, edozein pertsona irits daiteke "protagonista" izatera, bigarren mailako laguntzaile hutsa izan beharrean."

Juan José Ibáñez, Biologia Zientzietan doktore, eta Desertifikazioari buruzko Ikerketa Zentroko zientzialari titularra (CSIC-Valentziako Unibertsitatea).

Proiektuak helburu hauek ditu: ingurumen jarduerak garatzen laguntzea, herritarrek natur inguruneari buruzko kontzientziazio eta jarraipen kanpainetan parte hartzea, herritarrek kontserbazio kanpainetan lagundu dezaten sustatzea, herritarrek Eraztun Berdearekin harreman handiagoa izan dezaten sustatzea, eta horri buruz duten ezagutza zabaltzea.

Herritarren Zientzian Parte Hartzeko Sareak zazpi kontserbazio programa ditu martxan Gasteizko udalerrian, alor hauetan: orkideak, eguneko eta gaueko tximeletak, odonatuak, hiriko hegaztiak, lurzoruak eta gaueko hegazti harrapariak.

Herritarren zientziaren sarea

Aurrekariak

"Herritarren Zientzian Parte Hartzeko Sarea" 2013an abiatu zen, Eraztun Berdean "Orkideak Kontserbatzeko Programa" sortzearekin batera. 2014an, berriz, udalerriko albitz-belardietan eta moliniak dituzten zelaietan loratzen diren orkideak barne hartu zituen jarraipenak.

Parte hartzaileen kopurua eta fideltasuna handia izan zenez, 2014an bi kontserbazio programa berri sortu ziren, hiri hegaztiekin eta odonatuekin lotutakoak.

Ondoren, 2015ean, Eguneko Tximeleten Kontserbazio Programa abiatu zen, tximeletak ingurune naturalaren egoeraren adierazleak izanik, Gasteizko udalerriko natur espazioak eta parke publikoak kudeatu eta hobetzeko jarraibideak ezartzen lagundu dezakete eta. Ildo berari jarraituz, 2016an bosgarren programa sortu zen: Tximeleta Gautarren Kontserbazio Programa.

2018an Lurzoruen Kontserbazio Programa berria sortu zen, udalerriko nekazaritza lurren ingurumen-egoera eta eboluzioa diagnostikatzearren.

2019an 105 pertsonek hartu zuten parte bideratutako 6 Kontserbazio programetan. 2019an % 93,75eko izan da partaideen fidelitatea; horrek pentsarazten du arrakasta izangi duela Herritarren Zientziak Gasteizen.

2020an Gau-harraparien kontserbazio-programa abiarazi genuen, Zientzia eta Berrikuntza Ministerioaren menpeko Zientzia eta Teknologiarako Espainiako Fundazioaren eta laguntzarekin. Edizio horretan nolabaiteko defizita sumatu da lortutako emaitzen kantitate eta kalitateari dagokienez, baina horren atzean Covid-19aren pandemiari aurre egiteko ezarritako murrizketak daude.

Azkenik, 2021ean berretsi egin behar dugu Herritarren Zientzia Gasteizen programaren sendotasuna; izan ere, 122 partaideen kopuruak orain arteko markak hautsi ditu. Datozen urteetan ere goraka egitea eta gure udalerriaren biodibertsitateaz gozatzen jarraitzea espero dugu.

Parte hartzaileen banaketa programako 2021ean

Parte hartzaileen banaketa programako, tarta

Parte hartzaileen banaketa programako, zutabeak

Parte hartzaileen banaketa urteko

Grafikoa, parte hartzaileen banaketa urteko

Parte hartzaileen banaketa programako eta urteko

Grafikoa, parte hartzaileen banaketa programako eta urteko

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.