Haurrak, nerabeak eta senitartea – Familia babestea

Zertan datza?

Hauxe da familiak babesteko programen baitako ekimenen xedea: hainbat arrazoi tarteko, beren kargu dituzten haur eta nerabeen zaintza, arreta eta hezkuntza emateko arduradunek, ardura horri erantzun baino, adingabeen garapen pertsonal eta soziala kaltetzen edo kolokan jartzen duten kasuetan (baina ez familiatik bereizteko eskatuko lukeen larritasunez), ondorioz babes gabetasun egoera larria eragiten dieten adingabeei beren etxeetan bizitzen jarrai dezaten laguntzea.

Familiak babesteko programen baliabideen bitartez psikologia, gizarte eta heziketaren arloetako laguntza ematen zaie familia horiei, behar duten laguntza egokia tarteko, adingabekoen zaintzan dagozkien ardurei erantzun ahal diezaieten, eta beren funtzioak bete ahal ditzaten.

Hauek dira kudeatzen ditugun baliabideak:

• Laguntza eta garapen egokiturako programa (LGE).
• Bidatu programa.
• Gizarte- eta hezkuntza-zentroak.
• Salburua gizarte eta hezkuntza zentroa.
• Lanerako prestakuntzarako gizarte eta hezkuntza zentroa.

Hona Familiak babesteko programaren xedeak

• Haur edo nerabeei beren familia eta gizarte ingurune naturaletik dagozkien oinarrizko beharrak beteko direla bermatzea.
• Babesgabetasun egoera gainditzea, eta berriro ager dadin saihesteko baldintzak ezartzea.
• Familiaren batasunari eusten laguntzea.
• Haur edo nerabeen aita, ama edo, haren tutoretza duen edo haren zaintzaz arduratzen den pertsonak guraso-zereginak egoki bete ditzaten gaitzea edo haren gaitasunak osatzea.
• Babesgabetasun egoerak haur edo nerabeari eragin dizkion ondorioak konpontzea.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.