Principal Antzokiko Obrak

"Principal Antzokia arauetara egokitzeko eta hobetzeko" obren helburuak dira, batetik, antzokia konfort- eta segurtasun-baldintza egokiez janztea, eta, bestetik, antzokiaren ezaugarri teknikoak hobetzea, hartara orain arte bideragarriak ez ziren ikuskizunak hartu ahal ditzan. Horrez gain eraikinaren energia-eraginkortasuna hobetu nahi denez gero, Passivhaus estandarrari jarraituz egingo dira birgaitze-lanak.

Egokitze-lanak amaitu ostean, Gasteizek kultur ekipamendu modernoa izango du, irisgarria, energetikoki efizientea, eta instalazio berri eta zabalagoekin jantzia.

1. Informazioa eta komunikazioa

Komunikazio-plan bat osatu da, obren fase guztietan lanek ukitu ditzakeen orori aldian-aldian beharrezko informazioa emateko.

Kontsultatu Komunikazio-planaren dokumentua

Bertan azaltzen dira komunikazio-kanalak:

2. Faseak

Proiektua hiru fasetan garatuko da:

1. fasea: Aurretiazko jarduerak

Obren hasieran, barnealdean munta txikiko lanak egitea aurreikusi da: obraren ezarpena (hasi aurretik egin beharreko lanak), mantendu beharreko elementuak babestea, altzariak kentzea, instalazioak altxatzea, laginketak egitea, etab.

Lan horiek amaituta, lur-mugimenduei eta eraiste-lanei ekingo zaie.

2. fasea: Egitura eta inguratzailea egokitzea

2025ean helduko zaio obraren fase kritikoenari, konplexutasun teknikoari dagokionez, egiturazko egokitzapenari: kaxa eszenikoa handitzea, sotoa egitea, platea eta goiko pisuetako aulki-gunea eraberritzea, eta agertoki-ostea handitzea. Bien bitartean, aurrera jarraituko da inguratzailea hobetzeko eta instalazio berriak paratzeko lanekin.

Fase 3: Antzokiaren eta bulegoen barru-egokitzapena

Fase horretan antzokiaren bulegoen lokala egokituko da, eta antzokiaren barruko akaberei ekingo zaie, eta kontserbazio- zein zaharberritze-lanak egingo dira antzokiari berezko sena ematen dioten elementuetan (palkoak, agertoki-ahoa eta platearen sabaia).

Obraren azken hilabeteetan, antzokiko jarduera garatzeko berariazko ekipamendu teknikoa hornitu eta instalatuko da.

3. Zaharberritze-lanen jarduketa esanguratsuenak

• Besaulki-patioa: hobetu egingo da publikoaren irisgarritasuna eta erosotasuna.
• Irisgarritasuna areto barruan pertsona ororentzat, halako moduan non irisgarritasun unibertsala bermatuko baita.
• Sarrera nagusia: mugikortasun urriko pertsonek arazorik gabe sartuko dira.
• Dorre eszenikoa handitzea eta bertako sarbideak hobetzea: xedea instalazio eszenikoen funtzionamendua eta maniobra-gaitasuna zein prestazioak hobetzea da.
• Eszenatokia eta orkestra-pezoia: agertokiak gaur egun duen malda kenduko da, ez baita dantza-ikuskizunetarako batere egokia, eta berritu egingo da orkestra-pezoia, halako moduan non 4 konfigurazio desberdin prestatu ahalko diren.
• Agertoki-ostearen gaineko espazioa eta dorre eszenikoa handitzea: hartara, instalazio tekniko eta mekaniko berriak paratu ahalko dira leku horretan.
• Erabilera askotarako aretoa: egungo bulegoak alboko lokalera aldatuko dira. Hartara, erabilera askotarako aretoa sortuko dugu leku horretan, dantza-aretorako edo tamaina txikiagoko errietaldietarako erabili daitekeena.
• Bulego eta aldagela berriak: lehen banketxe izandako alboko lokalean jarriko dira.
• Paramentuak zaharberritzea: zaharberritze-lana, palkoetako, agertoki-ahoko eta platearen sabaiko elementu adierazgarriak zaharberritzeko jarduketa.

4. Proiektuaren irudiak

5. Proiektuaren datuak

Dosierra: 2023/CO_AOBR/0007

Egoera: hasiera, 2024ko azaroaren 22an

Gauzatzeko epea: 30 hila

Kontratista: U.T.E. Tecsa - Ocisa

Proiektuaren aurrekontua: 11.225.333,75 euro

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.