Ardoak eta upategiak - Turismoa Vitoria-Gasteizen
Mahatsaren bikaintasuna da nazioarteko ospea eta goi kalitateko erreferentzia duten Arabako Errioxako ardoen nortasun bereziaren abiapuntua.
Ezinbestekoa
- Bisitatu Arabako Errioxako upategi bat: Gasteizetik kilometro gutxira, hegoalderantz, Ardoaren Ibilbidea egin dezakezu. Mahastiz jositako paisaiak eta 400 upategi inguruk emango dizute ongietorria, eta, gainera, enotekak, hotelak, museoak eta jatetxeak zain dituzu. Eraikinen artean, estilo tradizionalekoak eta abangoardiako diseinukoak daude, adibidez, Ghery eta Calatrava arkitektoenak. Informazio gehiago:www.rutadelvinoderiojaalavesa.com
- Arabako txakolina: Iparraldera kilometro gutxi batzuk eginez gero, Aiarako bailararen paisaia ederra aurki dezakezu, Arabako txakolinaren sorlekua, alegia, euskal kostaldean ekoitzitako ardo zuri, garbi eta distiratsuarena.
- Txikiteoan edo 'poteoan' joan zaitezke, hau da, ardo- edo garagardo-dosi txikiak (txikitoak edo zuritoak, hurrenez hurren) edatera, eta tabernaz taberna ibiltzera. Poteoan joateko eta pintxoak jateko hainbat aukera dituzu hirian.
- Zoaz enoteka batera eta eskatu adituen gomendioak, ardorik goxoenak zeintzuk diren jakiteko.
- Hiria bisitatzen duzunean urtero ardoarekin lotuta ospatzen den ekitaldiren bat badago, parte hartu: 'Ardoaraba', 'Wine Berria' edo 'Zuria ta kitto', Gasteizen; edota probintziako beste leku batzuetan egiten direnak: Arabako Errioxako mahats-bilketaren festa (irailean) edo Txakolin Eguna (maiatzean).
https://www.flickr.com/photos/vgturismo/sets/72157704516223634
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.