Etxebizitza berrien edo bigarren eskukoen ur horniduran alta ematea

Etxebizitzak urez hornitzeko alta kontratua formalizatzea.

Nork

Pertsona fisiko edo juridiko interesdunek, etxebizitza baliatzeko zilegitasun nahikoa dutenek.

Baldintzak

• Beste etxebizitza, areto eta abarrei dagokienez ordaindu beharrekoak egunean izatea.
• Etxebizitza aurretik baliatu bada, ezingo da alta eman aurretik baja eman ez bada.

Documentazioa

• Eskriturak edo etxebizitza baliatzeko zilegitasuna egiaztatzeko agiriak.
• NAN edo IFZren jatorrizkoa edo fotokopia.
• Ordainketak helbideratzeko bankuko kontuaren (20 digitu) titulartasunaren egiaztagiria (originala edo kopia).
• Kontagailua, lotune-eskubideak, bermeak eta ordainaraz daitezkeen gainerako kontzeptuak kontratua formalizatzean ordainduko dira.

Banantzeagatik edo alarguntasunagatik titulartasuna aldatzen bada, ez da kosturik izango eta, gainera, honako hauek aurkeztu beharko dira:

• Epai judiziala eta familia-liburua edo, halakorik ezean, izatezko bikotea dela egiaztatzen duen agiria, banantzea gertatuz gero.
• Heriotza-ziurtagiria eta familia-liburua, alargunen kasuan.

AMVISAk bestelako agiri osagarriak eskatzerik izango du, tramitea zuzen burutzeko beharrezkoa bada.

Oharra: Sustatzaileak dokumentazio guztia bete ondoren bakarrik eska dezake abonatuak alta.

Zenbatekoa

Uraren banaketa eta hornikuntzagatik eta saneamenduagatik ordaindu beharreko tarifak arautzeko ordenantzan ezarritakoa.

Araudia

• Barne instalazioen oinarrizko arauak, 1975-12-09ko Ministro Aginduaren bidez onetsiak.
• Obra lizentzietan emandako alkate dekretu eta ebazpenak eta eraikuntza ordenantzak.
• Vitoria-Gasteizko Udalerrian Uraren Ziklo Osoaren Kudeaketa arautzen duen Ordenantza.
• Uraren banaketa eta hornikuntzagatik eta saneamenduagatik ordaindu beharreko tarifak arautzeko ordenantza.

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.