Ingurugiro Gaietarako Ikastegia - Hiri baratze ekologikoak

Baratzeak

Udal baratzeak

Vitoria-Gasteizko hiri baratzeen ekimenaren hasierako asmoa izan zen hiriaren inguruan, askotan jabari publikoko ibai eta erreka ertzeetan, ordenarik gabe ugaritzen ari ziren baratze txikien ordezko izatea. Hiriaren periferian ingurumen berreskurapeneko lanak egiten ari ziren eta Eraztun Berdea sortzen ari zen neurrian, modu irregularrean okupatutako baratze haiek bertan behera utzi ziren eta jarduera ordenatua sortu zen. 1998an Olarizuko udal baratzeak eratu ziren, hasierako urrats modura. Gaur egun, toki horretan udal mintegia dago.

2007an, berriz, Urarteko baratzeak (Abetxuku) sortu ziren, Gasteizko Eraztun Berdea iparraldetik hedatzeko Zadorraren ertzeetatik legez kanpoko baratze ugari kendu zelarik lursailen eskaera handia baitzegoen. Udal baratze horiek la Gasteizko hiri baratzeen erabilera arautzeko udal ordenantza bete behar dute. Lurra lantzeko aukera ematen diete gasteiztarrei, baratzezaintza ekologikoaren arloan betiere, eta mota askotako pertsona eta kolektiboei zuzendutako hainbat hezkuntza eta prestakunta jarduera eta programak egiten dira bertan.

Urarteko baratzeak (Abetxuku)

Urarteko baratzeak baratzezaintza ekologikoa garatzeko ekipamendua dira eta Zadorrako parkean daude, Abetxukun.

Espazio honek 60.000 m2 hartzen ditu, eta honela banatzen da: 75 m2-ko banakako 228 lursail, baratzezaintza ekologikoa irakasteko 450 m2-ko baratze kolektibo bat, talde edo kolektiboei zuzendutako 1.500 m2-ko beste gune bat (lursailetan banatua), dibertsitate funtzionala duten pertsonentzako 4 laborantza-mahai, ureztatzeko uraskak espazioan zehar sakabanatuta, eta mahai eta aulkiz hornitutako atsedenlekuak. Horiez gain, zerbitzuetarako bi eraikin ditu, non produktu eta lanabesen biltegia, armairuak eta aldagelak, ikasgela-lantegia eta informazio bulegoa kokatzen baitira.

Irabazi asmorik gabeko zenbait talde ari dira Urarten, nekazaritzaren eta basogintzaren alorretan, hezkuntza, gizarte harremanak, komunitatea, terapiak, esperimentazioa, prestakuntza eta beste hainbat esparru lantzeko. Gaur egun, taldeentzako lursailetan talde hauek ari dira proiektuak garatzen: Abetxukuko Uribe-Nogales auzokideen elkartea, Xilema-U.R.S.S. fundazioa, Abegia, BioAlai, Abetxukuko Ekimen Etxea elkartea, Egibideko zereginen ikaskuntzarako gela, CEAR, Down Araba Isabel Orbe elkartea, Calasanz-Escolapios ikastetxea, Autismo Araba elkartea, Arabako Ospitale Psikiatrikoa, Itxaropena elkartea, Slow Food elkartea eta ASAFES.

  • Helbidea: Pozoaldea kalea (Abetxuku).
  • Hartzaileak: lursailak esleitu zaizkien pertsonak, jardueretan parte hartzen dutenak eta herritarrak oro har.
  • Ordutegia:
    • Urriaren 1etik martxoaren 31ra arte: 09:00 – 18:15
    • Apirilean 1etik irailaren 30era arte: 08:30 – 21:30
  • Tutoretzak:
    • Urriaren 1etik martxoaren 31ra arte: Astelehen, asteazken eta ostiraletan, 08:00etatik 15:00etara; astearte eta ostegunetan, 12:00etatik 19:00etara.
    • Azaroaren 1etik otsailaren 38ra arte: Astelehen, asteazken eta ostiraletan, 09:00etatik 14:00etara; astearte eta ostegunetan, 12:00etatik 17:00etara.
  • Harremanetarako: 695 782 497, cea@vitoria-gasteiz.org eta/edo baratzeak@galemys.com

https://www.flickr.com/photos/38143943@N08/sets/72157711344733576(Beste leiho batean irekiko da)

Kudeaketa komunitarioko udal baratzeak

En el año 2014, la iniciativa vecinal en el barrio de Zabalgana promovió la creación de un nuevo modelo de huerto urbano municipal basado en una colaboración entre el Ayuntamiento y la ciudadanía. En este modelo, el Ayuntamiento adjudica mediante concurso la autorización del uso de un espacio público habilitado para la práctica de la horticultura urbana. Por su parte, la entidad ciudadana a la que se le otorga la autorización de uso asume la gestión del espacio que será utilizado para actividades relacionadas con la horticultura ecológica así como para otras actividades relacionadas con el encuentro vecinal y el desarrollo comunitario del barrio.

Estos huertos, lo mismo que los del Anillo Verde, se rigen por la Ordenanza Municipal de Uso de los Huertos Urbanos Municipales de Vitoria-Gasteiz y en ellos se practica la horticultura urbana en ecológico.

Zabalganeko hiri baratzeak

Zabalganeko auzoan dagoen hiri baratzea da, 4.165 metro koadrokoa, udal jabetzakoa. Iruña-Veleia kalearen eta Salvador Dali kalearen artean dago, eta 45-50 metro koadroko 60 lursail ditu, haietako 59 familientzako direnak eta 1 Gurutze Gorria elkartearentzako.

Zabalortu elkartea(Beste leiho batean irekiko da) da espazio hori kudeatzen duena, 2019an deialdi publikoan irabazi zuen erabilera baimenaren ondorioz. Zabalorturen izaera auzotarrentzat izatekoa da, eta bere helburuen artean dago barazkien eta fruten autoekoizpena, prestakuntza eta hezkuntza sustatzea tresna pedagogiko sozial gisa, eta gizarteratzeko espazio izatea.

Kontaktua: zabalortu@gmail.com

Lakuako hiri baratzeak

Kudeaketa komunitarioko bigarren hiri baratzeak Lakuan ezarri ziren, aurrekontu parte-hartzaileak egiteko Mejorando Vitoria-Gasteiz Hobetuz programari esker. Gune horrek 6.000 m2 ditu baratzezaintzarako, eta erdian zuhaizdun plazatxo bat du, piknik mahaiekin hornitua, bai eta biltegi eta garbiketa moduluak eta kanpoko biltegiratze gune bat ere.

Hiri baratze horrek auzoaren azpiegitura berdearen osagaietako bat bihurtu da. Aurreko urteetan Lakua auzoak hainbat aldaketa izan ditu azpiegitura berdearen filosofia jarraiki: lorategietan eta kaleetako erdibitzaileetan landaketak egin dira eta zenbait lursail naturalizatu dira. Guztira 66 lursail ditu, 75 metro koadrotakoa bakoitza, eta horietatik 62 lantzen ari dira. Biltegiratzeko, esperimentaziorako eta aisialdirako guneak ere baditu. Lursailetako 56 familientzako dira eta familia bat baino gehiago egon daiteke haietako bakoitzean. Badaude 6 lursail elkarteentzako direnak, honako elkarteentzako hain zuzen:

2018ko apiriletik Ekoburuz elkarte ekokulturalak(Beste leiho batean irekiko da) dauka baratzearen ardura. Bere proiektuaren izena Lakuakolore(Beste leiho batean irekiko da) da eta bere xedea da bai baratze ekoizpen ekologikoa sustatzea bai auzoaren gizarte dinamizazioa garatzea.

Kontaktua: lakuakolore@rediles.com

Salburuko baso jangarria

Hirugarren espazio hori Viena kalean dago. Baso jangarri bat osatu da bertan, alegia, zuhaitzez osatutako sistema bat, ekosistema naturalak imitatzen dituena, eta frutak, fruitu lehorrak, aranak, barazkiak, onddoak eta beste landare erabilgarri batzuk lantzea ahalbidetzen duena.

Basalburu elkartaek(Beste leiho batean irekiko da) darama espazio horren kudeaketa. Helburua da eredu berriak sortzea kontsumorako, elikadurarako, janariak eta natur baliabideak sortzeko, autokudeaketarako, herritarren parte-hartze, ikasketa, antolaketa eta aisialdirako eta osasuntsuagoak, jasangarriagoak eta arduratsuagoak izango diren moduak garatzea.

Espazioa ez dago lursailka antolatuta; horren ordez, basoa denek elkarrekin kudeatzen dute, proiektuan parte hartzen duten guztien laguntzarekin.

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?            

Nahi baduzu, iruzkinak egin ditzakezu.
Nahitaezkoa da identifikatzea.

Gaia publikoa izatea aukeratzen baduzu, gainontzeko herritarrek zuk idatzitakoa eta udalak emandako erantzunak irakurri ahalko dituzte; baita iruzkinak egin ere. Gaia pribatutzat jotzen baduzu, zuk bakarrik izango duzu gai horretarako sarbidea eta udalak emandako erantzunak irakurtzeko aukera. Gaia idaztean identifikazio kodea emango zaizu.

Aldartea

Harremanetarako beste kontaktu bat: