UPV/EHUko Letren Fakultateko ikasleentzako borondatezko praktikak enpresan

2024ko uztailaren 9an argitaratua

UPV/EHUko Letren Fakultatean ikasten baduzu (Filologia, Euskal Ikasketak, Ingelesezko Ikasketak edota Itzulpengintza eta Interpretazioko Graduak, Masterra, edo Erasmus bat egitera etorri bazara), hautazko 12 kreditu lor ditzakezu borondatezko praktikak eginez.

Zein izango da zure lana

Hizkuntza bat edo gehiagoren mintza-saioak dinamizatzea 16 eta 35 urte bitarteko gazteekin. Zuk saioen programazioa, dinamizazioa eta jarraipena egingo duzu.

Saioak dinamizatzeko jarduerak prestatu beharko dituzu: debateak, jolasak...

Zein hizkuntza eskaintzen dira

2024-2025 ikasturtean ingelesa, frantsesa, alemana, euskara eta gaztelania eskainiko dira. Ikusi webgunea: https://v-g.eus/hizkuntzakluba

Zein da praktikaren iraupena

Hizkuntza Kluba 2024ko urriaren 14tik martxoaren 28ra bitartean irekita egongo da, eta zu eta taldekideak gustura bazaudete, luzatzeko aukera izango da. Gainera, elkarrekin aztertuko ditugu zure eta gure beharrak eta gehien komeni zaizun ordutegi eta iraupena eskaintzen saiatuko gara.

Interesatzen bazaizu, eman izena

Praktika zure interesekoa bada eta informazio gehiago nahi baduzu, deitu 945 16 13 30 telefono zenbakira edo idatzi mesedez coordinaomij@vitoria-gasteiz.org helbidera.

Eta argi baduzu, ez itxaron gehiago! GAURen Hizkuntza Kluba praktikan izena eman eta posta elektroniko bat bidali bilera bat adosteko eta aukerak aztertzeko.