Sendako ibilbidea - Turismoa Vitoria-Gasteizen

Hiriko ibilbiderik ederrenetariko bat da. Hirigunea eta Armentiako bizitegi-gunea elkartzen dituen oinezkoentzako 3 kilometroko arboladia dugu. Armentian, ondoren San Prudentzioren Basilika erromanikoa ikusi ahal izango duzu.

Ibilbidea

Turismoa - Ibilbideak - Senda

Google Maps-en ikusi(Beste leiho batean irekiko da)

Abiapuntua: Andre Maria Zuriaren plaza

  1. Andre Maria Zuriaren plaza
    Erdi Aroko merkatuaren plaza izan zen, eta hiriko gune nagusia da gaur. Gasteizko Guduaren monumentuak 1813an Napoleones tropak garaitu izana oroitzen du. Halaber, hiriaren izena jasotzen duen landare-eskultura topa dezakegu hemen, Gasteizen jarrera berde eta jasangarriaren ikurra hori. Abuztuaren 4 guztietan milaka pertsona biltzen dira Zeledonen jaitsiera ikusteko. Zeledón Andre Maria Zuriaren omenez egiten diren jaiei hasiera ematen dien pertsonaia da.
  2. Florida
    XIX. mendeko bidaiaren eta espedizio handien interesak, Floridakoa lorategi botaniko bihurtzera bultzatu zuen hiria. Helburu honekin, Gazteizko agintariek gaur egun parkean dauden zuhaitz exotiko gehienak erosi zituzten 1855. urtean Parisko Erakusketa Unibertsalean.
  3. Zulueta jauregia (Senda ibilbidea, 2)
    Jauregi hau Senda ibilbidean aurkitzen da, ehun urte baino gehiagoko platanondoz eta XIX. Mende amaierako etxez inguratutako ibilbide ederra, hain zuzen. 1902an eraiki zuen hotel-etxe funtzioarekin Kuban aberastutako Alfredo de Zulueta lur-jabeak. Lorategia publikoarentzat irekita dago.
  4. Zuloaga etxea (Senda ibilbidea, 15)
    1901ean Julio Saracibar arkitektoak eraikitako eraikin ederra. Errotonda errematatzen duen linterna ez zegoen jatorrizko proiektuan.
  5. Buruko minen etxea (Frai Francisco Vitoria ibilbidea, 2)
    Izen hori dauka fatxada nagusia apaintzen duten atlanteen jarreragatik. 1901ean eraikita Julio Saracíbararkitektoaren lana da baita ere.
  6. Armagintza museoa (Frai Francisco Vitoria ibilbidea, 3)
    Hiriko ale altuko indusketetan aurkitutako Erdi Aroko armak behatu daitezke. Ikusi baita ere XVI. mendeko armadura bilduman dauden arma afrikar eta japoniarrak ere. Gasteizko guduari (1813) eskainitako espazio interesgarri bat du. Gudu horretan egin zuen Porrot Napoleonen armadak.
  7. Sofía etxea (Frai Francisco Vitoria ibilbidea, 6)
    Xehetasun morisko eta indiarrak dituen Jáuregui ederra da, Julio Saracíbar arkitektoak eraikia 1902an.
  8. Ajuria Enea jauregia (Frai Francisco Vitoria ibilbidea, 5)
    Gaur egun Lehendakariaren etxebizitza da, estilo erregionalista duen eraikina da, 1920an eraikia.
  9. Arte Ederren museoa (Frai Francisco Vitoria ibilbidea, 8)
    Agustin-Zulueta jauregia 1902an eraiki zen etxebizitza partikular gisa. Gaur egun 1850-1950 tarteko euskal arteari eskainitako museoa da. Gainera XVIII. eta XIX. Mendeetako Espainiako arte bilduma bikaina du.
  10. San Prudentzio
    Arabako patroiaren eskultura Armentiako sarrerako arku baten azpian kokatzen da, bertan jaio baitzen santua.
  11. San Prudentzio basilika Armentian
    Euskadiko tenplu erromaniko enblematikoenetakoa da (XII. mendea). Apirilak 28, San Prudentzio egunean, erromeria herrikoi garrantzitsua ospatzen da.

https://www.flickr.com/photos/vgturismo/sets/72157672640773927(Beste leiho batean irekiko da)

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren postontziaren bidez.