Hezkuntza Zerbitzuaren Plan Estrategikoa 2016/2022

" "

1990. urtean, Vitoria-Gasteizko Udala Hiri Hezitzaileen Gutuna idazten lagundu zuen tokiko gobernuetako bat izan zen. Hiri hezitzaileek pertsona guztien hezkuntzarako eskubidea sakonago aztertzen dute. Hala, hezkuntza formala, ez-formala eta informala hartzen ditu barne, batez ere neska-mutikoei eta gazteei bideratuta, baina jarduketa adin ezberdinetako pertsona guztietara zabaltzen duena; izan ere, hezkuntzak eskolaren esparrua gainditzen duela eta bizi osoan garatzen dela uste dugu.

Tokiko gobernuek hezkuntza-esparruan dituzten eskumenak betetzeaz harago, Vitoria-Gasteizko Udala konprometituta dago gure udalerria Hiri Hezitzaile gisa garatzeko. Hala, ezagutzari esker, lortu dugun esperientziari esker eta Hezkuntza Zerbitzuak egindako lanari esker, Hezkuntza Zerbitzuaren Plan Estrategikoa egin dugu (orain aurkezten ari garen hau). Plan horretan, hainbat jardunbide eta helburu nagusi ezarri dira epe luzerako, 2016tik 2022ra bitartean. Plan horren esparruan, dagoeneko helburu operatibo eta ekintza jakin batzuk zehaztu dira 2016/2017 eta 2017/2018 ikasturteetarako. Bi urteko programazio hori ezarri ondoren, emaitzekin eta balorazioekin batera, beste programazio batzuk ezarriko dira 2018/20 eta 2020/22 aldietarako, betiere 2016/22 aldirako zehaztutako helburu nagusiekin bat etorriz eta koherentziaz jokatuz.

Planaren bidez lortu diren emaitzez gain, plana egiteko prozesua bera balio handikoa izan da; izan ere, elkarlanaren fruitua izan da, eta Hezkuntza Zerbitzuan lan egiten duten hainbat pertsonak hartu dute parte (gutxi gorabehera 100 pertsonak). Udal talde politikoekin (2016ko ekainaren 14an) eta Udal Eskola Kontseiluarekin (2016ko urriaren 25ean) ere egin da aurkezpena eta azterketa.

Plan Estrategikoa proposamen integrala da. Horren bidez, hezkuntza-esparruko politika espezifikoan eta zeharkakoan oinarrituta, Hezkuntza Zerbitzuak udalerriko hezkuntzan esku hartzeko prozesua garatu ahal izango du. Prozesu hori gauzatzean, berebiziko garrantzia du, adierazi dugun bezala, lurraldean esku hartzen duten erakundeekin, elkarteekin eta eragileekin lankidetzan aritzea, eta, modu esanguratsuago batean, Eskolarekin, hiriko hezkuntza-sarea eraikitzean, horrek baitu pisu handiena.

Jakin badakigu Hiri Hezitzailea erakundeen, hezkuntza- eta gizarte-eragileen, eta, oro har, herritarren arteko lankidetzan oinarrituta eraiki behar dela. Beraz, oso garrantzitsua da eraikuntza-prozesu horretan guzti-guztiok parte hartzea. Hori dela eta, zure ekarpena edo azalpena ematera animatu nahi dizugu. Horretarako, erabili beherago aurkituko duzun atala.

Plan Estrategikoa pdf

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?            

Nahi baduzu, iruzkinak egin ditzakezu.
Nahitaezkoa da identifikatzea.

Gaia publikoa izatea aukeratzen baduzu, gainontzeko herritarrek zuk idatzitakoa eta udalak emandako erantzunak irakurri ahalko dituzte; baita iruzkinak egin ere. Gaia pribatutzat jotzen baduzu, zuk bakarrik izango duzu gai horretarako sarbidea eta udalak emandako erantzunak irakurtzeko aukera. Gaia idaztean identifikazio kodea emango zaizu.

Aldartea

Harremanetarako beste kontaktu bat: