Industria - Industria lurra

Gasteizek industria izaera nabarmena du, eta industria-lurrak 1.500 hektarea inguru hartzen du, zortzi industrialdetan banatuta.

Zerbitzuak

Lursailak eta pabilioiak bilatzeko zerbitzua

Gasteizko Udaleko Industria Enpresen Zerbitzuak Gasteizko industrialdeetan jarduerarik gabeko lursail eta pabilioiak bilatzeko zerbitzua eskaintzen du.

Informazio gehiago:

• Zerbitzua eskatzeko formularioa.
• Posta elektronikoa: industria@vitoria-gasteiz.org

Arabako lurzoru industrialaren plataforma

GIS plataforma, Arabako industria-higiezinen eskaintzari buruzko informazioa emateko .

Vitoria-Gasteizko Udala (GILSA), SPRILUR, Arabako Parke Teknologikoa, Araba Garapen Agentzia eta CTV erakundeek eskaintzen dituzten higiezinei buruzko informazioa jasotzen du.

Informazio gehiago: Industria ezarpenetarako gune erabilgarriak Araban

Arreta zerbitzua: Herritarren postontzia eta 010

Gasteizko Udalak industrialeetan ezarritako enpresen eskarientzako arreta zerbitzua eskaintzen du, Herritarren postontzia eta 010 (945 16 11 00) telefono zenbakiaren bitartez. Elkarrizketarako kanal honek industrialdeetan kokatutako enpresetatik jasotzen diren iradokizun guztiei erantzuteko aukera ematen du, enpresentzako erakargarritasun handiagoa izan dezaten. Zerbitzua industria-eremuetarako prospekzioekin osatzen da eta gaiak Industria Mahaira ekartzen dira.

Industrialdeak

Ehari-Gobeuko industrialdea

Gasteizko ipar-mendebaldean kokatutako Ehari-Gobeuko industrialdeak 215 ha. ditu. Hirian industria-ekoizpenean diharduten enpresen ehuneko handiena bertan dago.

Informazio gehiago: Ehari-Gobeuko industrialdea

Arriagako industrialdea

Arriagako industrialdeak 117 hektareako azalerako lursaila betetzen du Gasteizko ipar-mendebaldean. Industria eta merkataritza izaera nabarmena du, eta iparraldean jarduerak ezartzeko industria-lur ugari du.

Informazio gehiago: Arriagako industrialdea

Gamarra-Betoñuko industrialdea

Gasteizko iparraldean kokatuta dagoen Gamarra-Betoñuko poligonoak 187 ha inguru ditu, eta A-1 errepidearen lotunea du sarbide. Jardueren aniztasuna da haren bereizgarri nagusia, industria-ekoizpena eta merkataritza-jarduerak nagusi direlarik.

Informazio gehiago: Gamarra-Betoñuko industrialdea

Betoñu-Larraganako industrialdea

Betoñu-Larraganeko industrialdeak 105 ha inguruko azalera betetzen du Gasteizko iparraldean. Hirian historia luzeenetako bat duen poligonoa da, eta bertan kokatutako 200 inguru enpresak txikiak eta ertainak dira.

Informazio gehiago: Betoñu-Larraganako industrialdea

Ansoleta-Oreitiasolo-Jauregilandako industrialdea

Gasteizko hego-ekialdean kokatutako multzo hau nahiko berria da. Hiru zonaldeen artean tokiko 250 enpresa txiki hartzen dituzte, izaera mistoa dutenak; industria, merkataritza eta eraikuntza nabarmentzen dira jardueretan.

Informazio gehiago: Ansoleta-Oreitiasolo-Jauregilandako industrialdea

Armentiako industrialdea

Gasteizen dauden zortzi industrialdeetatik hego-mendebaldean dagoen Armentiakoa da txikiena, bai azaleragatik (22 ha inguru) bai areto, jarduera eta enpresen kopuruagatik. Armentiako industrialdea merkataritza-jarduera handietan dago espezializatuta, batez ere, ibilgailuen salmentan.

Informazio gehiago: Armentiako industrialdea

Jundizko industrialdea

Jundizko enpresa parkea Europako industrialde handienetako bat da, 642 hektareako azalera hartzen baitu, eta kalitate handiko urbanizazioa du. Komunikazioetarako gune estrategiko batean kokatutako poligonoa da, eta garraiorako eta logistikarako baliabideak eskaintzen ditu.

Informazio gehiago: Jundizko industrialdea

Arabako Parke Teknologikoa

Miñaon, Gasteiztik 9 km-ra, kokapen estrategikoan dagoen Arabako Parke Teknologikoak 14 ha. inguruko azalera du. Bertan, sektore berritzaileetako enpresek dute egoitza, hala nola, aeronautika, bioteknologia, energia, ingurumena, automobil-industria..., hau da, balio erantsia duten produktu eta zerbitzuak.

Informazio gehiago: Arabako Parke Teknologikoa

GeoVitoria no funciona sin javascript.

Inguruan dauden industrialdeak

Arabako industrialdeak

Araba Garapen Agentziaren bidez, Arabako Foru Aldundiak baliabide hauek eskaintzen ditu:

• Industria lursailak gune hauetan: Agurain, Asparrena-Donemiliaga, Casa Blanca 2, Galzar, Goiain, Okondo, San José de los Llanos 2, Subillabide.
• Industria pabiloiak Subillabiden.

Informazio gehiago: Álava Agencia de Desarrollo

Euskadiko industrialdeak

SPRILUR-Industri Lurzoruaren Sustapen eta Kudeaketarako sozietate anonimoak industriarako lurzoru urbanizatua, industriarako eraikinak eta bulegoak eskaintzen dizkie enpresei gure autonomia erkidegoan.

Informazio gehiago: Sprilur

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.