Udalaren gomendioak baso-suteen arriskuen aurrean
Suteak arazo larriak dira. Baso-masetan kalte handiak eragiten dituzte eta arrisku larriko egoerak sor ditzakete. Baso-suteen aurkako borrokaren alderdi garrantzitsuenetako bat prebentzioa da. Badakizu hamar sutetik bederatzi saihets daitezkeela?
Suteak izateko arrisku handiko egunetan, haizeak eta klima normala baino lehorragoa izaten da. Edozein txinparta edo sugarrak, txikia izanda ere, hondamendia eragin dezake.
Kontsultatu udalaren prebentzio-neurriak suteak saihesteko:
- Ez egin surik ingurune naturalean, baimendutako aldietan horretarako prestatutako eremuetan izan ezik.
- Onena mendian surik ez piztea da, baina baimenduta badago, lur garbian eta toki ireki batean egin ezazu, eta suaren inguruan harriak jarri.
- Ziurta ezazu sua guztiz itzalita dagoela, txingar txikiena nahikoa izan daiteke berriz pizteko.
- Ez bota inolako objekturik ibilgailuetatik errepidera.
- Ez utzi inolako hondakinik mendian.
- Ez bota pospolorik edo zigarro-mutxikinik, ezta paperik, plastikorik, beirarik edo sua sorrarazi dezakeen bestelako hondarrik edo material erregarririk ere.
- Informatu eta jarraitu agintarien debekuak dagozkion sute-alertetan.
- Saitu nekazaritza eta basogintza lanik ez egiten.
- Ez ibili motordun ibilgailuekin baso-pistetan.
- Ez erabili eta ez sartu material piroteknikorik ingurune naturalean.
- Mendi-ibiliak egiteko, batez ere umeekin edo pertsona nagusiekin bazoaz, seinalatuta dauden bideetatik ibili.
- Baso-suteak izateko arriskua dagoen garaietan, komeni da lurra eta izan ditzakeen ebakuazio-bideak ondo ezagutzea. Saiatu beti ikuspen handiko eremuetan ibiltzen.
- Deitu 112 zenbakira sute bat aurkitu bezain laster, eta zehaztu ahalik eta gehien kokapena eta ikusitako ezaugarriak.
- Urrundu ahal duzun neurrian sute-guneetatik eta kokatu arriskutik kanpoko lekuetan:
- Baso sute batetik gertu bazaude, saia zaitez urruntzen, alboetatik eta landare gutxien duten aldeetatik.
- Haizearen norabideari erreparatu, aldatuz gero suteak inguratzeko arriskua baituzu. Hori eragozteko, beti haizearen norabidearen kontra joaten saiatu.
- Ez joan sakan edo sakonunetarantz, ez eta aldapa gora ere suak gorantz egiten badu.
- Burua zapi batez estali, ke eta bero handia izango baita.
- Lasai egon, ez korrika egin, eta zapaltzen duzun lurrean arreta jarri.
- Ez oztopatu larrialdi-ibilgailuen zirkulazioa ibilgailu partikularrekin.
- Ez saiatu oinez edo ibilgailuz igarotzen suak edo keak hartutako lekutik, ikusmen falta dela eta istripuren bat izan baitezakezu.
Suteak zure jarreraren araberakoak dira
Zure laguntza eta konpromisoa behar ditugu gure ingurune naturala zaintzeko. Ez piztu surik, ez bota zigarrokinik eta ez utzi hondakinik mendian. Eta deitu beti 112ra. Zenbat eta kontzientziazio handiagoa, hainbat eta sute gutxiago.
Autozaintzarako gomendioak eta oinarrizko aholkuak
Gomendatzen dugu eguneratzen diren iragarpenak jarraitzea Euskalmet (euskalmet.euskadi.eus) webgunearen bidez Baso suteen arrisku indizean, eta Twitter bidez (@Euskalmet eta @112_SOSDeiak).
Informazio gehiago: 112 larrialdiak | Udalaren gomendioak, tenperatura altuen abisuaren aurrean
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.