Indarkeria matxista - Biktimei laguntzeko protokoloak eta baliabideak

Indarkeria matxistak izan ditzakeen aldagaiek, esaterako tratu txar fisikoak, psikikoak, sozialak, ekonomikoak edo sexu arlokoak, bizitzako arlo guztiei eragiten diete, eta babesgabetasun egoera larriak sortzen dizkiete indarkeria pairatzen dutenei. Egoera horietan babes, laguntza eta tratamendu berezia behar izaten da.

Genero-indarkeria da gizonek bikotekidearen edo bikotekide ohiaren eremuan emakumeen aurka egiten duten indarkeria matxista, emakumeen seme-alaben aurkakoa barne.

Genero-indarkeriako egoera batean egon zaitezkeela uste baduzu, autoidentifikazio-test hau egin dezakezu:

Autoidentifikazio-test

Gasteizko Udalak hainbat protokolo, zerbitzu eta baliabide ditu biktimak artatzeko eta laguntzeko:

Doan joan zaitezke udal-zerbitzu hauetara. Esperientzia duten langile espezializatuek bizitzen ari zaren egoera identifikatzen eta horri aurre egiteko neurriak hartzen lagunduko dizute. Zure kasua erabat konfidentziala izango da eta ez duzu ezer galtzeko.

Oinarrizko Gizarte Zerbitzuak eta Udalaren Gizarte Larrialdietarako Zerbitzua

Informazioa, aholkularitza, laguntza eta babes soziala eta psikosoziala eskaintzen dute.

Oinarrizko Gizarte Zerbitzuak. Gizarte etxeetan daude. Arreta lehentasunez edo premiaz ematen da (beharrezkoa bada).
UGLZ - Udalaren Gizarte Larrialdietarako Zerbitzua. San Antonio, 10, 945 16 12 10.

Gasteizko Udaltzaingoa

Agirrelanda, 8. Larrialdietako telefonoa (24 orduz) 092 – 945 158000

Familia barruko indarkeriaren eta indarkeria matxistaren atala - 945 161 635. Udaltzaingoaren indarkeria matxistaren arloan espezializatuta poliziek osatzen duten taldea da.
LGTBIfobiaren ondoriozko gorroto-delituagatiko salaketak eta argiketak Udaltzaingoaren salaketa-taldeak kudeatu eta izapidetzen ditu.

Udal baliabideak

Alde aurretik Oinarrizko Gizarte Zerbitzuak edo Gizarte Larrialdietarako Udal Zerbitzuak balorazioa egin ondoren, informazioa eta orientabideak emango dizkizute, eta indarkeria matxistako egoerako berariazko babes-programa edo baliabideetara bideratu ahalko zaituzte.

Onarpen. Indarkeria matxistaren biktimei laguntza espezifikoa emateko udal atala.

Bikote-harremana hautsi eta genero-indarkeriatik suspertzeko prozesuan dauden emakumeentzako arretan espezializatutako profesionalen taldea da.

Ostatu zerbitzua - harrera etxebizitzak

Indarkeria matxista jasan duten eta indarkeria horren ondorioei aurre egiteko aldi baterako laguntza behar duten pertsonak hartzeko udalaren ostatu-zerbitzua.

Telelaguntza programa - ATENPRO ((sakelako telefonoa-GPS))

Doako zerbitzu honek mugikorraren bidez lokalizatzen ditu pertsonak, indarkeria jasateko arrisku-egoeren aurrean. Arreta-zentro bati konektatzen zaio eguneko 24 orduetan eta urteko 365 egunetan, biktima dagoen tokitik. Larrialdietako deietan, poliziak berehala ekitea dakar.

Baliabide gehiago

Tximeletak - Sexu-indarkeriaren biktimei laguntza integrala emateko zentroa, urteko 365 egunetan, 24 orduz, telefonoa 650 80 10 80.
Gizarte Ongizaterako Foru Erakundea – Hegoak, telefonoa 945 151 015 / 945 124 892.
Gizarte Ongizaterako Foru Erakundea - Berehalakoan hartzeko zentroa. Berehalakoan, premiaz eta egonaldi laburrean hartzeko foru-zerbitzua. Urteko egun guztietan 24 orduz dago irekita.
Gizarte Ongizaterako Foru Erakundea - Egonaldi ertaineko egoitza-harrerako zentroa CARME. Egonaldi ertaineko harrerarako foru-zentroa da, eta esku-hartze espezializatu integrala behar duten emakumeen babes- eta ostatu-eskaerak artatzen ditu.
Biktimari Laguntzeko Zerbitzua (BLZ). Justizia Jauregian dago, telefonoa 945 004 895 / 900 180 414 (doan) / 945 029 079.
SATEVI. Etxeko indarkeriaren edo sexu-erasoen biktima izan diren emakumeentzako informazio- eta arreta-zerbitzua, teléfonoa 900 840 111
Dokumentuen erregularizazioan laguntzea (CEAR, Biltzen, Cruz Roja).
Ikusgune - Homofobiaren, lesbofobiaren, bifobiaren eta transfobiaren aurkako Behatokia. Pintore kalea, 47, telefonoa [[teléfono:633 309 653]] / 945 282 246.
Berdindu. C/Ramiro Maeztu 3, teléfono 945 02 90 79.

Indarkeria Matxistaren Biktimei Arreta Emateko, Haiekin Esku Hartzeko eta Haien Bidelagun Aritzeko III. Udal Protokoloa (pdf)

Profesionalek indarkeria matxistaren biktimei arreta, esku-hartzea eta laguntza bideratzeko protokoloa da. Halaber, dauden baliabideak jasotzen eta ordenatzen ditu, eta esku-hartzean aplikatu beharreko ikuspegia zehazten du.

Gasteizko gaueko aisialdi pribatuko testuinguruetan gertatzen diren sexu-izaeradun erasoak, jazarpenak, diskriminazioak eta jokabide gogaikarriak jorratzeko Protokoloa (pdf)

Proiektu pilotuarekin bat egin duten gaueko aisialdiko lokalek aplikatzen duten protokoloa da hau. Hauek dira fase pilotu honetan atxiki diren lokalak: Jimmy Jazz, La Comarca, Glass, Gasteiz Bi eta Carajo. Ondoren, protokolo horri atxiki zaizkio hiriko beste lokal batzuk, hala nola Jango Taberna, Anboto, Erdixka, 7 Taberna-jatetxea, El Parral, Virgen Blanca, Sua Taberna eta IAK Kulturgunea (Izaskun Arrue Kulturgunea).
Atxikitako lokalen arduradunek eta gutxienez langile batzuek Berdintasun Zerbitzuak Protokoloari buruz eskaintzen duen prestakuntza izan behar dute.
Informazio gehiago nahi izanez gero, jarri harremanetan Berdintasun Zerbitzuarekin: 945 16 13 45 / igualdad.adm@vitoria-gasteiz.org

Gasteizko Udalak Indarkeria Matxistaren aurrean Jendaurreko Erantzuna emateko Protokoloa (pdf)

Protokolo honek indarkeria matxistaren arloan Udalak maila politikoan eman behar duen erantzun publikoa jasotzen du, baita Udaleko langileek, politikariek zein teknikariek, erabili behar duten terminologia ere.

Gainera, Gizarte Zerbitzuek kontsulta-dokumentu hauek jartzen dituzte eskuragarri arlo horretan lan egiten duten profesionalentzat:

Aurki gaitzazu

www.vitoria-gasteiz.org/indarkeria-matxista

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.