Antzerkia zabaltzen

piszifaktoriaFoto: Piszifaktoria

Beste urte batzuetan bezala, Gasteizko Nazioarteko Antzerki Jaialdiak bertako eszena sortzaileek ohikoez bestelako espazioetan beren proposamenak erakustea helburu duen ekimena bultzatu du, zeinetan ikuslearekiko hurbiltasuna eta konplizitatea funtsezkoak baitira. Berritasun bezala hiru mikropieza eskaintzen ditugu bereiz.

Antzerki Jaialdiaren atal honetan Off lokal eta Enredados nabarmentzen dira. Bakoitzak bere ezaugarri bereziekin eta publikoarekin, proposamen berritzaileak dakartza, antzerkia leku eta ingurune ez-konbentzionaletara eraman nahi dutenak, hurbiltasun-proposamen batetik abiatuta. Proposamen eszeniko horiek, halaber, tokiko konpainien garapenean laguntzen dute.

Sail honek eskaini dien aukerari esker, bertako konpainia askok beren proposamenak aurkeztu ahal izan dituzte. Proposamen hauek hazi eta gero, Euskal Herriko beste antzoki batzuetan antzeztu dira. Horri ezker, El mono habitado, Pez Limbo, Larrua danza eta beste hainbat konpainiek merezitako ospea dute egun antzerki-panoraman.

Azken urteotan sekzio horiek hartu dituzten hiriko espazioak ere ugariak dira, hala nola Baratza aretoa, La Mostrenka, Montehermosoko ur-biltegia, igerilekuak, gizarte-etxeak eta etxe partikularrak.

Solasaldiek ere, onarpen handia izan dute, sortzaileen eta ikusleen arteko zuzeneko topaketa baitakarte. Jaialdiko emanaldiren baten ondoren ospatzen dira, eta, bertan, nazioko eta nazioarteko sortzaile handiak izan dira: Claudio Tolcachir, Alfredo Sanzol, Lola Herrera, Luis Bermejo, Alberto San Juan, Julieta Serrano...

Sail honetako jardueren hurrengo edizioa 2021eko Nazioarteko Antzerki Jaialdiaren barruan egingo da.

Off Lokal. 2021eko Nazioarteko Antzerki Jaialdia

Lehen atala (euskaraz)

urriak 21,22, 23, 24

Ordutegiak

Egunak, 21, 22: 19:00 - 20:00

Egunak, 23, 24: 12:00 - 13:00

Topalekua: C.C. Ibaiondo G.E.

Taldeak:

  • Piszifaktoria Laborategia
  • La Claqueta
  • Arrapala

60 m, 12 €

Leku mugatua

Online erosketa(Beste leiho batean irekiko da) irailaren 28tik aurrera (10:00)

Antzezlanak

Noiz utziko dio euria egiteari

Piszifaktoria Laborategia

Demagun Thelma eta Louise Ibaiondoko biribilgune batean galdu zirela, Grand Canyonera bidean, 66ko Thunderbird kabriolet berdean. Demagun, oharkabean, ekaitz amaigabe bat eta pandemia bat iritsi zirela eskutik helduta. Aterkien eta maskaren azpian ezkutatuta nabarmendu gabe ibiliko ziren hara eta hona Louise eta Thelma. Azkenean, ematen du ateri dela eta berreskuratu dugula aurpegi osoa kaletik ibiltzeko. Baina utzi al dio zinez euria egiteari?

Turista: Irati Agirreazkuenaga

Gidari turistikoa: Mikel Ayllon

Kaleko musikaria: Igor Arzuaga

Influenzerra: Pablo Ibarluzea

Lilith & Dalila

La Claqueta

Lilith eta Dalila maitasun ezaren errepidean elkar topo egiten duten emakume biren arteko istorioa da. Ordu laurden baten zehar, bizi osoko amodioaren laburpena eskeiniko digute. Badago modurik maitasuna edo maitasun eza hamabost minututan azaltzeko? Gure iritziz bai, badago.

Antzerkigintza: Ozkar Galan

Zuzendaritza: Carmen San Esteban

Antzezleak: Carmen San Esteban, Vene Herrero.

Titapia

Arrapala

Titapiak amatasunari aurrez aurre begiratzen dio. Nekane eta Bakartxo tabua hausten ausartuko dira emakumeek bizi duten alde gogor eta ez hain erakargarria plazaratuz. Haien bizipenak zintzotasunez partekatuko dituzte, norberaren ezinegon eta kezkez sakonki mintzatuko dira eta, bereziki, beren buruez egingo dute barre, hori baita askotan terapiarik onena.

Zuzendaritza: Arrapala.

Testua: Iratxe Gallardo, Anaiz Mendiboure.

Antzezleak: Iratxe Gallardo, Anaiz Mendiboure

Bigarren atala (gastelaniaz)

Datak: azaroak 11,12, 13, 14

Ordutegiak:

Egunak, 11, 12: 19:00 - 20:00

Egunak, 13, 14: 12:00 - 13:00

Topalekua: C.C. Salburua G.E.

Taldeak

  • El Mono Habitado
  • Kolectivo Monstrenko
  • Ékoma Teatro

60 m, 12 €

Leku mugatua

Online erosketa,(Beste leiho batean irekiko da) irailaren 28tik aurrera (10:00)

Antzezlanak

La buena letra

El Mono Habitado

Bikote batek, faltsifikatzaileen eta aingeruen artean, bizitza osoa eman du bizilagunak zoriontsu egiten. Gutunak eta mezuak zabaltzen dituzte, hitzak eta esaldiak aldatzen dituzte, eta, horiekin batera, askoren bizitzaren zentzua.

Testua eta zuzendaritza: El Mono Habitado.

Antzeleak: Begoña Martín Treviño y Raúl Camino.

La madre del cordero

Kolectivo Monstrenko

Ekoizpen- eta kontsumo-kateetan mugimendu berberak errepikatzearen poderioz, gure nortasuna gal dezakegu -gizaki gisa eraikitzen eta duintzen gaituena-, merkatuko gizartearen beste produktu bat bihurtzeraino. Cesarrek ondo daki: hiltegi batean lan egiten du.

Sorkuntza kolektiboa

Zuzendaritza: Jasón Guerra

Antzezlea: Andrés Bezares

Ekoizpena: Kolectivo Monstrenko

Una historia de estos tiempos

Ékoma Teatro

Aurelio eta Justino ezin dira besoak gurutzatuta geratu, bizi izandako garaiak hainbeste gogorarazten dizkieten politika totalitario batzuen hedapenaren aurrean. Biek, zahar-etxean haiekin bizi diren pertsona batzuekin batera, plan bat martxan jartzen saiatuko dira.

Zuzendaritza: Aitor Pérez

Antzerkigintza: a 4 manos (Aitor Pérez / Javier Liñera)

Antzeleak: Aitor Pérez / Javier Liñera

Antzerkiari buruzko solasaldiak

Artisten eta ikusleen arteko topaketak antzezpena bukatutakoan

  • Renacimiento, la Tristura: urriak 16
  • Las canciones, El Pavón teatro Kamikaze: azaroak, 13
  • Mal vivir, Ay teatro: azaroak 26

Gonbidapenak irailaren 28tik aurrera

Ikastaroa: La dramaturgia de las imágenes

Onirika Mekanikoa izenarekin, sortzaile honek mundu poetiko-mekaniko-imajinarioak eraikitzen ditu. 12 urte daramatza publiko guztiarentzako proposamen ezberdinak ikertzen, publiko garaikidearen interes, kezka eta lengoaiei arreta berezia eskainiz.

Edukiak:

  • Irudi bisualaren eta sorkuntza eszenikoaren arteko loturak.
  • Zuzeneko arteak mundu digitalera eramatea. Publikoarekiko harreman-ibilbide berriak.

Teatro Abadia antzokian egindako Ronem ram on-line proiektu eszenikoaren aurkezpena.

Egutegia:

  • Azaroak 21: 10etatik 14etara eta 16etatik 19etara
  • Azaroak 22 eta 23: 16:00etatik 20:00etara

Iraupena: 15 ordu

Lekua: Teatro Federico García Lorca

Hartzaileak: Arte Eszenikoetako profesionalak

Izena emateko: urriaren 1etik aurrera, teatroparaiso.com webgunean

Matrikula orokorra: 50 €eta 25 €Arabako artistentzat

Carlos Perez Uralde Irrati eta Antzerki Lehiaketa

Lehiaketa hau Gasteizko Nazioarteko Antzerki Jaialdiaren ekimena da, Radio Vitoria eta Laboral Kutxarekin elkarlanean. Bere helburuak arte eszenikoen arloko sorkuntza ikuspegi berezi batetik bultzatzea da: irratiko gidoia.

Seigarren deialdi honetan 71 proposamen jaso dira, 65 gaztelaniaz eta 6 euskaraz. Gehienak Espainiako Estatutik datoz, 48 (horietatik 17 Euskal Herrikoak), Hego Amerikako 20 lan eta Europar Batasuneko beste herrialde batzuetako 3 ere jaso dira.

Epaimahaia honako pertsona hauek osatu dute:

  • Felipe Juaristi Galdos, idazle eta kazetaria.
  • Pedro Espinosa Ortiz de Arri, kazetaria eta Radio Vitoria-EITBko erredaktorea.
  • Marta Monfort Ayestarán, Gasteizko Udaleko Antzoki Sareko burua.

Euskarazko lan saritua, Laboral Kutxa saria jaso duena hau izan da:

“Ezkontzaren katramila", Goiz Eder Iturain Aramendirena, Zumaiakoa, gipuzkoarra.

Gaztelaniazko lan saritua honako hau izan da:

“El tiempo de las sirenas”, Tomás Afan Muñozena, Jaen-goa.

Bi sariek 2.000,00 euroko dirusaria dute, eta EITB taldeko irratietan saritutako lanak ere emitituko dira. Emisio hori azaroko azken hamabostaldian egingo da. Aurretik, sari banaketa bat egingo da irabazleen presentziarekin eta haien lanen zati baten irakurketa dramatizatua egingo da.

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.