Ikasle berriak - Aurretiko izen-ematea - Luis Aramburu Udal Musika eta Dantza Eskola 2026-2027

bikote bat euskal dantzak egiten

Plaza eskaera

Aurretiko izen-ematea: 2026ko maiatzaren 11tik 24ra.
- Aurretiko izen-emate orokorra irakasle berrientzat (espezialitateak, musika-hizkuntza, musika eta mugimendua eta osagarriak) online egiten da (INIKA).
- Talde instrumentalen eskaerak formularioaren bidez egiten dira.
Zozketa: ekainaren 5ean. Zozketa publiko honetan ausazko zenbaki bat aukeratuko da, pertsona baten izen-emateari dagokiona. Pertsona horren abizena eta izena oinarri hartuta, alfabetikoki ordenatutako zerrenda bat osatuko da. Aurrerago, zerrenda horri jarraituko zaio plazak esleitzeko.
- Zozketan ateratako izen-abizenak: Gainza Martínez de Arrieta, Rosa
Eskatzaileen behin-behineko zerrenda: ekainaren 8an.
- 4-7 urte bitarteko eskatzaileen zerrenda
  - 2022 eta 2019 artean jaiotakoak. 2026-2027 ikasturtea
- 8 urtetik aurrerako eskatzaileen zerrenda
  - Musika-tresna eta musika lengoaia. 2026-2027 ikasturtea
  - Harmonia eta musika-informatika. 2026-2027 ikasturtea
Eskatzaileen behin betiko zerrenda eta esleipenen ordutegiak:ekainaren 15ean. Erreklamaziorik ez badago, behin-behineko zerrendak behin betikoak izatera pasatuko dira.
- 4-7 urte bitarteko esleipenak
  - 2022 eta 2019 artean jaiotakoak. 2026-2027 ikasturtea
- 8 urtetik aurrerako esleipenak
  - Musika-tresna eta musika lengoaia. 2026-2027 ikasturtea
  - Harmonia eta Musika- Informatika. 2026-2027 ikasturtea
Musika-hizkuntza proba: ekainaren 17an. Egoitza bakoitzean derrigorrezkoa baino maila altuagoa duzula egiaztatu behar baduzu (ikus derrigortasuna musika-hizkuntzaren atalean), eta ziurtagiri akademikorik ez baduzu, ekainaren 17an (interesdunek ordutegia email bidez jasoko dute) Aramburu egoitzan, Hedegile kalea108, burutuko den proba egin beharko duzu.Ez egitekotan, 1. mailan matrikulatuko zaitugu.
Dantza-proba: ekainaren 17an. 1. mailatik gora duzula egiaztatu behar baduzu. Proba Musiketxea egoitzan izango da, San Antonio kaleko 14. zenbakian dagoena, ekainaren 17an (interesdunek ordutegia email bidez jasoko dute).

Plazen esleipena

Edozein espezialitatean plaza lortzeko edo itxaron-zerrendan geratzeko, Hedegile kalea 108. zenbakian dagoen Aramburu egoitzara joan beharko duzu aurrez aurre, zerrendetan adierazitako egunean eta orduan. Plazak zerrendaren hurrenkeran eskainiko dira zozketatik aurrera. Ordua baino lehen joaten bazara, zure txandaren zain egon beharko duzu (ez duzu lehentasunik izango).

Zure txanda iristen denean ordutegi librerik geratzen ez bada edo geratzen direnak ez badira zure beharretara egokitzen, itxaron-zerrendan gera zaitezke.

Esleipenean plaza lortzen baduzu, ezin izango zara beste instrumentu baten itxaron-zerrendan egon; era berean, esleipenera joaten ez bazara, zerrendatik kanpo geratuko zara.

Itxaron -zerrenda

Esleipenean plazarik lortzen ez baduzu, itxaron-zerrendan geratzea eska dezakezu. Baldintzak honako hauek dira:

Gehienez ere bi musika tresnaren itxaron-zerrendan geratzeko eska dezakezu.
Ezin da pianoaren eta gitarraren itxaron-zerrendetan geratu aldi berean.
Erroldatzea: Gasteizen erroldatutako pertsonek lehentasuna dute itxaron-zerrendako gainerakoen aldean.
Epez kanpoko zerrenda: epez kanpoko zerrenda indarrean dagoen ikasturtearen hasieran irekiko da. Ohiko itxaron-zerrenda (esleipenaren ondoren ekainean sortutakoa) agortuta badago erabiliko da. Zerrenda honetako pertsonei, izena emateko hurrenkeraren arabera deituko zaie, libre geratu diren plazak eskaintzeko.

Izen emaea

Informazio gehiago kuotak, matrikula eta hobariei buruz

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.