Zer dira zirkulazio lasaituko kaleak?
Oinezkoen eta txirrindularien mugikortasuna sustatzeko eta motordun ibilgailuen zirkulazioa murrizteko moldatu diren kaleak dira. Zirkulazio lerroen zabalera txikitu da eta onartutako gehieneko abiadura 30 kilometro orduko mugan ezarri da.
30eko eremuak - Eremu seguruak. Hasi erabiltzen!
Gasteizen bizikletaz ibiltzen bazara, jakizu badirela zeuretzat bereziki sortutako espazioak, segurtasunez eta erosotasunez zirkulatzerik izan dezazun: 30EKO EREMU berriak.
30EKO EREMUAN
Galtzadan bizikletentzako zirkulazio errei bereziak seinaleztatu dira. Kasu batzuetan txirrindulariek bakarrik erabiltzeko dira; beste batzuetan, automobilekin partekatu beharko dituzte.
EZ ZARA SARKIN BAT, GALTZADA ZEUREA ERE BADA.
Autoek gehienez 30 km/h-ko abiaduran zirkulatu ahalko dute, eta aurretik bizikleta bat badute, haren abiadurara egokitu beharko dute.
ABIADURA MUGA (30 KM/H) ZAINTZEN EZ DUTEN AUTOMOBILEI ZIGORRA JARRIKO ZAIE
EREMU SEGURUA
Kale hauek ez dira automobilen igarobideak. Mantsoago zirkulatzen dutenez, gidariek erreakzionatzeko denbora gehiago izango dute. Guztiok dakigu espazio partekatuak direla eta automobilek eta bizikletek galtzadan elkarren ondoan joan behar dutela.
SAIATU GALTZADATIK ZIRKULATZEN
30EKO EREMUETAN, atera zaitez espaloitik, eta saia zaitez oinezkoei enbarazu ez egiten. Ohartuko zara azkarrago zoazela, erosoago, eta arrisku txikiagoa duzula, ez duzu topatuko atarietatik ateratzen den jenderik edo garajeetatik ateratzen den autorik, eta bidegurutzeetan auto-gidariek hobeto ikusiko zaituztenez nabarmen gutxituko da istripuak izateko arriskua.
* Ezin izango da bizikletaz ibili 3 metro baino estuago diren espaloietatik (hiri hornigarriak kontuan izan gabe), 14 urtetik beherakoak izan ezik.
Oraindik zalantzarik baduzu, har ezazu parte ikastaro batean. Argibide gehiago nahi izanez gero deitu CEAra (945 162696))
Nola irits zaitezke helmugara ESPALOIETATIK JOAN GABE?
Bizikletaz galtzadatik joateak orain arte erabiltzen genituen ibilbideen ordezkoak bilatzera behartuko gaitu. Gasteizko Udalak ibilbideen planifikatzailea eskaintzen dizu, zure helmugara iristeko bide seguruena aukera dezazun:
Zirkulazioa lasaituko den kaleen zerrenda
1- Gorbea. 2- Bruno Villarreal. 3- Navarro Villoslada. 4- Beethoven. 5- Julián de Apraiz. 6- Tenerías. 7- Eulogio Serdán. 8- Portal de Arriaga. 9- Fundadora de las Siervas de Jesús. 10- Manuel Díaz de Arcaya. 11- Aldabe. 12- Plazuela de Aldabe. 13- Cercas Bajas. 14- Beato Tomás de Zumárraga. 15- Félix María Samaniego. 16- Joaquín José Landázuri. 17- Vicente Goicoechea. 18- Madre Vedruna. 19- Koldo Mitxelena. 20- Vicenta Mogel. 21- Lascaray. 22- Monseñor Cadena y Eleta. 23- San Antonio. 24- Eduardo Dato. 25- Lope de Larrea. 26- Isaac Albéniz. 27- Juan XXIII. 28- Canciller Ayala. 29- Jesús Guridi. 30- Plaza Santa Bárbara. 31- Doce de Octubre. 32- Postas / Plaza Jesús María de Leizaola. 33- Olaguíbel. 34- Lehendakari Aguirre. 35- Cuesta de San Francisco. 36- San Francisco. 37- Fueros. 38- Portal del Rey. 39- Nueva Fuera. 40- Abrevadero. 41- La Libertad. 42- Prudencio María Verástegui. 43- La Paloma. 44- La Esperanza. 45- Arana. 46- Pedro Orbea. 47- Los Herrán
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.