Farolen Museoa - Turismoa Vitoria-Gasteizen

Farolen Museoa

Farolen Arrosarioa osatzen duten farolen eta karrozen oparotasunak gasteiztarrak liluratzen zituzten urtean behin, hots, abuztuaren 4ko gauean. Horregatik, kofradiak beharrezkotzat jo zuen publiko orokorrari, eta, zehazki, gasteiztarrei, modu iraunkorrean erakustea. Horretarako, Farolen Museoa sortzea proposatu zen. 2000 urtean prozesioko elementu guztiak eta gordetzen ziren eraikina zaharberritzen bukatu ziren eta Museo gisa ireki.

Eraikina

1900.ean egin zen farolak gorderik dauden eraikina. Zapatari kaleko bi etxe bota ondoren geratu zen orubean, Fausto Iñiguez de Betolaza udal arkitektoaren proiektu, plano eta zuzendaritzapean.

Museoa

Ezkogileen gremioak ( kandelagileek, alegia) Ama Birjin Zuriaren Kofradia bultzatu zuen 1613an hura gurtzeko zaletasuna hedatzearren. Gremio haren jarraitzaile edo oinordeko da gaur egundo gozogile eta pastelgileak elkartzen dituena.

Manuel Díaz de Arcayari, gasteiztar irakasleari- garai hartan Zaragozan bizi zena- bururatu zitzaion 1895ean "Farolen Arrosario" Ama Birjin Zuriaren omenez abuztuaren 4ko gauean egiten zen prozesio arras apalari ospe handiagoa ematearren.

Ezinbestekoa

  • Arrosarioa: Pozezko, Nahigabezko eta Aintzazko 15 Misterio, 15 Aita Gure, 15 Aintza, 150 Agur Maria.
  • Letania: 9 Kirie, 3 Agnus, 5 Agur Maria, 48 Adbokazio.
  • Salbe.
  • Ama Birjin Zuriaren irudia.
  • Urtero pizten dira, abuztuaren 4an, Prozesioa osatzen duten farol ezin ederragoak, hiriko kale nagusietan zehar ohiko ibilbidea egiteko.

Kokapena

Zapatari kalea, 35.

Ikusi Geo Vitoria-Gasteizen

Google Maps aplikazioan ikusi(Beste leiho batean irekiko da) | 360º-ko ibilbide birtuala(Beste leiho batean irekiko da)

Bisitak eta informazio gehiago

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.