Principal antzokia

https://www.youtube.com/watch?v=uu8CCWJMNYc(Beste leiho batean irekiko da)


Principal Antzokiak, Udal Antzoki Sarea osatzen duten gizarte-etxeetako antzokiekin batera, arte eszenikoen eskaintza kultural anitza eta kalitatezkoa sustatzea du helburu. Eta funtsezko ardatzak kulturarako eskubide unibertsala eta tokiko sorkuntza jasangarria babestea dira.

Principal antzokia Gasteiz hiriaren erdi-erdian dago(Beste leiho batean irekiko da). Guztira 984 leku ditu, eta horietako 20 mugikortasun murriztuko pertsonentzat dira.

Antzokiko programazioak ia urte osoa hartzen du, mantentze lanetarako baliatzen diren tarte laburrak izan ezik.

Ikuskizunak bost denboralditan banatzen dira: negua, udaberria, uda, Nazioarteko Antzerki Jaialdia, eta Gabonak. Denboraldi bakoitzean irekitzen da sarrerak saltzeko berariazko epea.

Urteko programazioak 150 ikuskizun baino gehiago barne hartzen ditu, publiko orokorrari zuzenduak eta antzezte arte mota guztietakoak.

Genero nagusia antzerkia da. Nazioarteko Antzerki Jaialdiak lau hamarkadaz etengabe egindako lanari esker, genero hori kultura ohitura bihurtu da Gasteizko herritarrentzat. Hori dela medio, estatuko zein nazioarteko konpainien emanaldiak programatu ahal dira urte osoan.

Bigarren lekuan musika dugu, estilo guztietakoa; horien artean, Euskadiko Orkestraren abonamendu kontzertuak eta Kontzertu Handien zikloa nabarmendu daitezke. Orobat, musikalak eta jazz, flamenko, pop eta beste estilo batzuetako kontzertuak eskaintzen dira.

Gainera, dantza, umore zein folklore ikuskizunak eta familia osoarentzako ikuskizunak ere izaten dira.

Publikoari ikuskizunak aukeratzen laguntzearren, programazioa abonamenduetan multzokatzen da, zeinak % 30era arteko deskontuarekin eros baitaitezke.

Formakuntza eta bertako sorkuntzari babesa

Orobat, prestakuntza lan handia egiten du Principalak, hainbat ikuskizunetarako (antzerkia, musika, dantza...) bisitaldi gidatuak eskaintzen baitira hiriko ikastetxeetako ikasleentzat.

Antzokiak bertako ekoizpenei laguntzeko deialdiak egiten ditu urtero, esaterako, "Off lokal" eta "Enredados" programak. "Antzerkigintza Berriak" programan ere hartzen du parte, euskal sorkuntza sustatzeko xedez, Bilboko Arriaga antzokiarekin eta Donostiako Victoria Eugenia antzokiarekin batera.

Udal Antzoki Sarearen gainontzeko aretoen programazioak osatzen du eskaintza.

Principal antzokia Sarearen kidea da (Euskadiko Antzoki Sarea)(Beste leiho batean irekiko da), eta Red Escena-rena (Red Española de Teatros, Auditorios, Circuitos y Festivales)(Beste leiho batean irekiko da)

Principal iruditan

https://www.flickr.com/photos/38143943@N08/albums/72157635581063733(Beste leiho batean irekiko da)

Planoa eta tresna teknikoak

Besaulkien planoa pdf deskargatu dezakezu. Gainera, arte eszenikoetako teknikaria baldin bazara, eskuragarri duzu antzokiaren tresneria teknikooari buruzko informazioa.

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.

Jasotako iruzkinak

Página web: El Teatro Principal Antzokia

Azken iruzkina ikusi (Noiz egina: 2018/08/08 13:00:39)  |  Ikus edukia

Iruzkina egin

  • Buenos días, me gustaría acudir a una obra de teatro con dos familiares de edad avanzada ,pero veo que solo quedan entradas en el anfiteatro 2. ¿Existe la posibilidad de que estas personas de edad avanzada puedan utilizar el ascensor para acceder al anfiteatro 2 ? Gracias.

    R.G.L. Normal 2018/08/08 09:22:41 Erantzuna eman zaio

  • Si se puede utilizar el ascensor para acceder al anfiteatro segundo. Si necesita más aclaraciones puede contactar con el 945 16 13 24

    Udalaren logotipoa Udala 2018/08/08 13:00:39

Iruzkina egin