Hezkuntza - Material didaktikoak - Hiri Geografia - Aurkezpena

Gasteizko Hiri Geografiari Bigarren Hezkuntzan erabiltzeko pentsatuta daude, baina Vitoria-Gasteizko hirigintzaren ikuspegi orokorra izan nahi dutenentzat ere baliagarri izan daitezke. Lehenik IKUS-MATERIALA aztertzea gomendatzen dugu horretarako, eta gero APUNTEAK atala.

Material hauek Gasteizko Hiri Geografiari buruzko hainbat material dituzte, eta Irakaskuntza Ertaineko ikasleei dagokienez, honako helburu nagusiak dituzte:

  • Ikasleek hiriaren ikuspegi orokorra izatea, eta hirian egiten diren obrei, sortzen diren arazoei edo aurreikuspenei buruzko interesa piztea.
  • Ikasleek hiriko planoak interpretatu eta egiten ikastea.

Oso interesgarria litzateke ikasgelan Hiri Geografia erakusten denean, eduki horiek Gasteizi buruzko material hauekin osatzea, Europako hiri gehienak izan duten bilakaeraren adibide bikaina baita gure hiria. Gainera, material hori egokitu egin daiteke ikasle zaharrago edo gazteagoekin erabiltzeko.

Material ia guztiak erraz egokitu daitezke irakasleek honako hauetara molda ditzaten:

  • Beren programaziora:edukiak murriztuz, handituz edo aldatuz; ikasketa indibidual edo kolektiborako baliabide gisa erabiliz...
  • Hiriaren bilakaerara. Hiria hazi eta garatu ahala material hauetan jasotzerik izan ez diren fenomeno berriak agertuko baitira.

Erabilitako euskarri informatikoak (Power Point, Word...) nahikoa errazak dira, ordenagailu gehienetan erabiltzeko eta edukiak alda daitezela errazteko.

Jarraian materialen oinarrizko ezaugarriak aurkezten dira.

  • IKUS MATERIALA.Power Point formatuan aurkeztuta daude hiriaren hainbat zati, eta horretarako, argazkiak, planoak eta azalpen errazak baliatu dira. 12 zatitan banatua dago. Talde handiekin erabil daiteke proiektagailu bat izanez gero, edo bakarka ordenagailuan. Erraz alda daiteke.

Ikusizkoa eta Irudiak ataletako artxiboak Power Point programan eginak eta konprimituak daude, irekitzeko, aurretik deskonprimitu behar dira deskonprimitzeko programa erabiliz, adibidez, WinZip. Kapitulu batetik hurrengora edo aurrekora pasatzeko hiperesteka dago, funtzionatzeko lehenengo dagozkion kapituluak gure ordenagailura jaitsi beharko ditugu.

  • APUNTEAK.Word formatuan daude aurkeztuta eta ikus materialak baino informazio gehiago dute. Horiek inprimatu eta fotokopiak egitea komeni da ikasleek azter ditzaten. Erraz alda daiteke.

Idatziak zenbait ohar ditu irakasleentzat interesgarriak izan daitezkeenak, ez ordea ikasleentzat, eta horregatik, ikasleentzat inprimatu nahi direnean ez da inprimatuko "dokumentua ikurrekin" eran (modu hori da lehenetsia),"dokumentua"

  • PLANOAK. Hainbat plano daude; egokienak eta erabiltzeko errazenak hauek dira:
    • [[archive:89107.pdf Plano gaika Aholkatua]] [pdf inprimitzeko (648 Kb)] Hiriko zatirik garrantzitsuenak koloretan ageri dira; halere, Jundizko industrialdea ez da ageri, hiriaren guneak hobeto bereizi ahal izateko. Ikasleek kopia bat izan behar dute, A4 formatuan eta koloretan, ikus-materialaren eta apunteen
    • Plano mutua Aholkatua [pdf inprimitzeko (201 Kb)] Ikasleei fotokopia bat eman behar zaie hiriko zatiak ikasi ahala bertan isla ditzaten. Komenigarria litzateke A3 formatuan egitea, errazagoa izan dadin guneak margotzea, eta bide batez, eskala desberdinetako planoekin lan egiten ohitu daitezen. Gasteizko ikasleak hiriko plano mutuarekin ohitzeko komenigarria da bertan irudikatzea ikastetxea, norberaren etxea, eta batetik bestera joateko egiten duten bidea.

Bi planoek badute bertsio handiago bat, eta bertan, Jundizko industrialdea ageri da, baina kaleen xehetasunak ez dira horren garbi ikusten, eta horregatik ez da gomendatzen hori.

Bada plano mutu zabalaren beste bertsio bat, xehetasun gehiago dituena, baina konplexuegia iruditzen zaigu ikasleentzat; halere, baliagarria izan daiteke interesatzen zaigun xehetasunen bat kontsultatzeko.

Inprimatzeko bertsioak JPEG-en daude, eta beraz, ordenagailu guztietan inprima daitezke.Aldaketak onartzen dituzten bertsio moldagarriak Corell Draw 10. formatuan daude. Horiek moldatu daitezke, baina aldaketak egiteko. diseinu grafikoko programa bat erabili behar da.

  • IRUDIAK.Ikus materialeko irudiak Power Point batean jasoak daude, baina ia azalpenik gabe. Azalpenak emateko ikus-materiala oso monotonoa dela pentsatzen duten irakasleek erabil ditzakete.
  • ESTATISTIKAK.Datuak eta bi grafikoak (biztanleriaren eta biztanleria aktiboaren bilakaera) Excel formatuan daude, datuak gehitu ahal izateko.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.