Quesería Izoria

Deskribapena

Latxa ardiaren artzaintzan eta erlezaintzan antzinako tradizioa duen familia gara Izorian, Aiarako Haranaren bihotzean dagoen herrian, Araban. Gasteizen, Lakuako, Simon Bolivarreko eta Santa Barbara plazako (Ekoizleen Merkatu Tradizionala) merkatuetan aurki gaitzakezue. Merkatura hurbiltzen dizkizuegun produktuak prozesu jasangarrien emaitza dira, tradizioarekin koherenteak, inguratzen gaituen paisaiarekin konprometituak eta gure inguruko biodibertsitateari laguntzen diotenak. IZORIA da gure marka, gaztak eta eztia dira gure standean aurki ditzakezun produktuak. Km0 produktuak dira. Latxa artaldearen esne-gaztak, gure baserriaren inguruko belardi eta mendietan libre bazkatzen den artaldearenak. Idiazabal jatorri-deitura duen gazta. Gazta samurra, "saski-gazta" OTZARA gazta eta TXURIA gazta freskoa; Eusko Label Kalitate zigiluarekin. Errezeta osatzeko, gatzagi naturala eta Gesaltza Añanako iturburuko gatza.Benetako gaztak, naturalak eta kontserbatzailerik gabekoak sortzen dituen konbinazioa. Eta, jakina, Izoria Baserrian familiarengandik jasotako esperientzia eta pasioa, belaunaldiz belaunaldi. Gorobel mendilerroan dauden gure bost erlategietatik lortzen dugu eztia. Erauzketaren bidez lortutako txilar-eztia. "Abaraskatik ontzira" zuzenean, operkulua kentzeko artisau-prozesu batekin. Ezti krematsua; naturak oparitzen dizkigun usaina, aho-sabaia eta propietateak. Erlezaintza lanak ere gure familian errotuta daude eta egungo baldintzetara egokituta daude. Gure ibilbidea eta ekoizpena, aurtengo Gasteizko Santiago Nekazaritza eta Abeltzaintza Azokaren karpa nagusian saritua. Slow Food Araba Saria 2022 Izoria Baserriko Leire Ibarrolarentzat. Hurbildu merkatura eta gustura aurkeztuko gara, gure produktuak ezagutaraziko dizkizugu eta zure eskaera eta iradokizunei erantzungo diegu.

Harremanetarako datuak

Zerbitzuak

Ikusi Geo Vitoria-Gasteizen

Filtroak

Eztia gazta gazta Gazta freskoa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.