Zabaltze eta jarduera lizentziak emateagatiko tasa - Udalaren zabaltze-lizentzia eskatu eta ebaztea

Zergadunek zabaltzeko lizentzia eskatu beharko diote Udalari, lanbide, merkataritza edo industria jarduerak egingo diren areto edo instalazioetarako.

Hauek joko dira zabaltze lizentzia eskuratzeko beharra duten establezimendu edo instalaziotzat, ordenantza aplikatzeko 2. arauak xedatzen duenaren arabera:

  1. Lehenengo ezarpenak, baita tresneria edo merkataritza, industria edo zerbitzurako beste tresna ezarketa bakarra ere, nahiz eta ezarketa horren ondoren martxan jarri edo zabaldu egiten ez den.
  2. Lokalen lekualdaketak.
  3. Jardueraren aldaketak, nahiz ez aldatu ez izena, ez titularra, ez aretoa.
  4. Jardueraren handitzea, Ekonomi Jardueren gaineko Zergaren kuotaren gehitzeak dakartzanean hori egon dela susmatuz, kuotaren gehitze horiek zerga erreformagatik izan direnean izan ezik.
  5. Establezimendua handitzea edo udal zerbitzu teknikoek udal ordenantza eta araudiek nahiz arau orokorrek haren funtzionamendu normalerako galdatzen diren betebeharrak betetzen direla egiaztatzea eskatzen duen edozein aldakuntza.

Lanik egiten bada, aldez aurretik lan handietarako edo obra txikietarako, lizentzia eskatu beharra dago, eta Eraikuntza, Instalazio eta Obren gaineko Zerga ordaindu

Lizentziak ebaztea

  1. Ingurumen eta Iraunkortasun Sailak izapidetzen ditu jarduera sailkatuetarako zein jarduera salbuetsietarako lizentziak, martxoaren 9ko 165/1999 Dekretuak(Beste leiho batean irekiko da) arautzen duenari jarraituz, bertan ezartzen baita 3/1998 Legean aurreikusitako jarduera lizentzia eskatu beharrik ez duten jardueren zerrenda.
  2. Jarduera lizentzien kasuan, Ingurumen eta Iraunkortasun Sailak jarduera zabaldu edo abian jartzeko lizentzia eskuratzeko ezarria duen prozedurari jarraituko beharko zaio.
  3. Hirigintza-Azpiegiturak Sailak (Eraikuntzen Zerbitzua) izapidetzen ditu lizentzia eskatu beharrik ez duten jardueren lizentziak, Euskal Herriko Ingurumena Babesteko otsailaren 27ko 3/1998 Legeak(Beste leiho batean irekiko da) 56. artikuluan ezarritakoari jarraituz.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.