Eraikin erlijiosoak - Turismoa Vitoria-Gasteizen
Zaharberritze-prozesu liluragarrian barreiatuta dagoen katedrala, hiriko sinbolo bihurtu diren eliza gotikoak edo proportzio ikusgarriak dauzkan konkatedrala. Vitoria-Gasteizek barruan dauzkan adibide batzuk dira horiek.
Erdi Aroko hirigunea
Santa Maria katedralarekin batera, San Migel elizako, San Bizente elizako eta San Pedro elizako dorreek eratzen dute lau dorreen profila, hiriko soslai ezagunena.
Santa Maria katedrala
Denboran zeharreko bidaian aurrera eramaten gaitu "Obretan eta irekia" programak. Birgaiketa-lanak baliatuz, katedralaren jatorriak (Santa Mariaren lehenengo tenplua, estilo erromanikokoa eta harresiari atxikia) eta XXI. mendean katedral gotikoa finkatzeko egin diren lanak ezagut ditzakegu.
Santa Maria katedralari buruzko informazio gehiago
San Bizente Martiriaren eliza
Erdi Aroko hirigunean eraikitako azken eliza izan zen, baina aintzinagoko jatorriak dauzka. Nabeen gaineko egur-sarea da bertako elementu nabarmenenetako bat, buruz behera dagoen itsasontziaren itxura baitauka.
San Bizente elizari buruzko informazio gehiago
San Migel Arkanjeluaren eliza
Andre Maria Zuriaren plazan buru da, eta bertako dorretik jaisten da Zeleoi, Vitoria-Gasteizko jaiei hasiera eta amaiera ematen dizkien pertsonaia. Besteren artean, erretaula nagusia eta hiriaren zaindari den Andre Maria Zuriaren kapera gailentzen dira.
San Migel elizari buruzko informazio gehiago
San Pedro Apostoluaren eliza
Hiriko behe-harresiari atxikita eraiki zen, eta, beraz, defentsa-lana ere egin zuen. Euskadiko eskultura-multzoen artean, nabarmenenetako bat da eliza honen antzinako aurrealdea (Errementari kalea).
San Pedro elizari buruzko informazio gehiago
Hiriko beste toki batzuk
Katedral berria, zabalgunea edo Armentiako San Prudentzio basilika dira hirian nabarmentzen diren beste tenplu batzuk.
Maria Sortzez Garbiaren katedrala (Katedral berria) eta Arte Sakratuaren museoa
Estilo neogotikokoa da; bada, 1907an hasi ziren eraikitzen, eta 1969an inauguratu zen. Elizbarrutiko Arte Sakratuaren museoa dago girolan, eta aldarearen ondoan Antonio Lopezen kristo gurutziltzatu bat jartzea aurreikusi da.
Maria Sortzez Garbiaren katedralari buruzko informazio gehiago
San Prudentzioren basilika, Armentian
Arabako tenplu erromaniko ospetsuenetako bat da, eta Vitoria-Gasteizko erdigunetik 3 kilometrora bakarrik dago. Goi Erdi Aroko erreferentzien arabera, lurraldeko zentro espiritual garrantzitsuena izan zen..
San Prudentzioren basilikari buruzko informazio gehiago
Beste eraikin erlijioso batzuk
Historiaz josiriko beste tenplu batzuk dira San Antonioren komentua (Loma Jeneralaren plaza), Gurutze Santuaren komentua (Pintore kalea 78-94) edo Arriagako San Bizente eliza (Voluntaria Entrega kalea 50). Azken horrek, gainera, Vitoria-Gasteizko historian arkitekto ospetsuenetakoa izandako Justo Antonio Olagibelek diseinatutako dorrea dauka.
Hiritik hurbil
Estibalitzeko Andre Mariaren santutegia eta Arte Erromanikoa Interpretatzeko Zentroa
Vitoria-Gasteiztik 11 kilometro eskasera dago, eta euskal ondare artistikoko altxortzat jotzen da. Toki berean, halaber, Arabako Arte Erromanikoa Interpretatzeko Zentroa bisitatu daiteke.
Estibalitzeko Andre Mariaren santutegiari buruzko informazio gehiago
Zure iritziak axola digu
Nahi baduzu, iruzkinak egin ditzakezu. Nahitaezkoa da identifikatzea.
Página web: Turismo en Vitoria-Gasteiz ? Iglesias
Azken iruzkina ikusi (Noiz egina: 2015/11/10 08:30:46) | Ikus edukia
Hemos ido en varias ocasiones y la torre de la Iglesia está siempre cerrada
Jose
2015/09/17 14:03:04
Estimado Sr.:
la Torre de San Vicente se abre al público durante todos los días en campaña de verano (julio, agosto y septiembre, este año hasta el día 13 inclusive y los días 19, 20, 26 y 27). Además, el mes de octubre se abrirá al publico los días 9 por la tarde (17.00 a 19.00), 10 y 11 de 11.30 a 13.30 y 17.00 a 19.00 y 12 de 11.30 a 13.30.
Para más información puede contactar con la oficina de turismo (945.16.15.98).
Cordiales saludos.
¿Cómo puedo conseguir planos arquitectónicos de estos tres edificios (plantas, alzados, seciones...)?
Unai
2015/11/02 17:34:45
Estimado Sr.:
Si los edificios a los que se refiere son iglesias puede intentar contactar con las parroquias, o con el obispado de la diócesis de Vitoria-Gasteiz 945 148 171.
Cordiales saludos.