Nora doaz nire zergak: aurrekontuak modu grafiko eta argian

“Nora doaz nire zergak” online informazio-tresna bat da, udal-aurrekontua nola banatzen den zehatz-mehatz jakiteko aukera ematen duena, bai diru-sarreren aldetik, bai gastuen aldetik. Modu intuitiboan eta irekian, tresna udal-kontuen ideia orokorra izan nahi duten ezagutzarik edo esperientziarik gabeko pertsonentzat nahiz gehiago sakondu nahi dutenentzat pentsatuta dago, elementu bakoitzaren xehetasunak eskuratuz.

Plataformak 2012. urteaz geroztik eskaintzen diren udal aurrekontuen datuak erabiltzen ditu, formatu ireki eta berrerabilgarrietan, eta informazio asko eskaintzen du: udalaren ekonomiaren ikuspegi orokorra ematen dutenetatik hasita, zergadun bakoitzak zenbat diru jartzen duen eta hori zertarako erabiltzen den simulazioraino.

Informazioa

Plataformak lau informazio-atal eta ekonomia-terminoen glosario bat ditu. Honako hauek dira atalak:

• Ikuspegi globala: aukera emango du Udalaren diru-sarreren eta gastuen ideia orokorra egiteko. Horretarako, datu horiek bi bloke grafiko handitan antolatzen ditu, eta denok ulertzeko moduan erakusten du, garrantziaren arabera ordenatuta, zein diren Udalaren diru-sarreren iturri nagusiak eta zer esparrutan inbertitzen diren, urteko bilakaera ikusteko aukerarekin. Atal hau osatzeko, zenbait adierazle ere eskaintzen dira, hala nola gastua biztanleko, sarrera fiskalak biztanleko, Udalaren zor bizia, ohiko aurrezpena…
• Politika zehatzak: grafiko proportzional baten bidez, lehenengo begiratuan ikus daiteke gastuaren zer proportzio duen udal-politika bakoitzak. Horretan, jendearen pertzepziotik gertuago dauden izenekin eta sailkapenarekin ageri dira zerbitzuak, udal-organigramakoarekin izan beharrean. Dirua zertan erabiltzen den erakusteaz gain, aukera dago datuak gastu motaren arabera ikusteko (pertsonal-gastuak, soldatak, finantzarioak…) eta baita bilakaera historikoa ere.
• Ordainketak eta inbertsioak: atal honetan, Udalak egiten dituen ordainketak kontsulta daitezke, zenbait irizpideren arabera: gastuaren kontzeptua, zer udal-sailak egin duen ordainketa, zenbatekoa edo zer pertsona edo erakunde den onuraduna. 2012-2019 aldi osorako zein urteka egin daiteke bilaketa, eta xehatuta erakusten ditu emaitzak.
• Zure ekarpena: atal honetan, bakoitzak kalkula dezake gutxi gorabeherako zenbateko ekarpena egiten dion udalari bere zergen bidez; horretarako formulario erraz bat bete baino ez du behar. Gero, bideratzen den arloen arabera xehatzen da kopuru hori.

Aurrekontuari buruzko datu irekien plataformaren diseinua moldagarria (hau da, ordenagailuan zein gailu mugikorretan kontsulta daiteke) eta irisgarria da. CIVIO Fundazioarekin batera garatu da.

Kontsulta ezazu https://noradoaznirezergak.vitoria-gasteiz.org.

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.