Ingurumena eta iraunkortasuna - Tokiko Agenda 21
Tokiko Agenda 21, hiriek iraunkorrago izateko erabiltzen duten tresna da. Hura erabiliz, hiri eraginkorrago eta aurreztaileagoak, garbiago eta osasuntsuagoak, beste kultura eta errealitateekiko integratzaileago eta solidarioagoak sortu nahi dira. Hiri hauek bertan bizi den jendearen bizi kalitatea eta ongizatea hobetu nahi dute, betiere ingurumenarekiko eta bere baliabideekiko (gizakiak barne) begirunerik handiena erakutsiz.
Gasteizko Udalak 21 Tokiko Agendaren buletina Gasteiz garapen iraungarrirantz aurkezten da urtero. Bertan bi informazio mota ematen zaie herritarrei. Batetik, ingurumen, gizarte eta ekonomi esparruen egungo egoeraren eta izandako bilakaeraren berri ematen zaie (iraungarritasunari buruzko zenbait adierazle bitarte). Bestalde, udalerrian iraungarritasunaren alorrean egin diren gauzatutako jarduera nabarmenenak ere; horien arteko gehienak aldian-aldian indarren dagoen tokiko ekintza planean daude, edo horren baitan planifikatu dira.
Gertaera garrantzitsuak
- 1995ean Vitoria-Gasteizek Iraunkortasunaren aldeko Hiri eta Herrien Aalborg-eko Gutuna sinatu zuen eta bere Agenda 21 abian jarri zuen horrela.
- 1996 eta 1998 urteen artean, lehen zirriborro tekniko bat prestatu zen: "Estrategias y acciones hacia la sostenibilidad" deiturikoa.
- 1998an osoko udalbatzak, aho bateko akordioarekin, adierazleen sistema bat onartu zuen hiriaren eta udalerriaren iraunkortasun baldintzak ebaluatu eta komunikatzeko. Ordutik buletina argitaratzen da urtero adierazle hauen azterketa biltzeko.
- 2002an osoko udalbatzak Vitoria-Gasteizko Agenda 21aren Ingurumen Ekintzako 1. Plana onartu zuen. Honez gain, Udalsarea 21 Jasangarritasunerako Euskal Udalerrien sarearen partaide bihurtu zen.
- 2006an, Iraunkortasun Behatokia sortu zen.
- 2010eko abenduaren 30ean Udalak Agenda 21aren Ekintzako 2. Plana onartu zuen, aurrekoa ordeztuz eta eguneratuz. Plan honetan Vitoria-Gasteizko Udalak 228 ekintza eta 304 jarduera sartu ditu, datozen bost urteetan iraunkortasunaren aldeko helburu lokal zein globaletara hurbiltzeko asmoz.
- Urtero, ekainaren 5ean (Ingurumenaren Nazioarteko Eguna ospatu asmoz) aurkezten da Tokiko Agenda 21 buletina.
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.