Autobusen sareari buruzko ohiko galderak

1.  Zenbat linea ditu autobusen sare berriak eta nola daude antolatuta?
Autobusen Sareak 10 linea ditu egunez. Lineek benetako sarea osatzen dute, eta hiri osoa konektatzen dute hiriaren erdialdetik igaro beharrik gabe.
2.  Zein da garraiobide aldaketaren kostua?
Begira ezazu tarifak, aldaketak eta ordaintzeko moduen web orria.
3.  Zein informazio dago autobus geltokietan?
  • Autobusen sare osoaren planoa.
  • Geltokitik igarotzen diren lineen plano xehea, linea horien ibilbidean zehar dauden geltoki guztien kokapena, eta linea bat baino gehiagorako geltoki izanik autobusez aldatzeko aukera ematen dutenen kokapena.
  • Autobusen maiztasuna.
4.  Txartela balioztatu (zulatu) behar da autobus aldaketak egitean?
Bai, beharrezkoa da kasu guztietan. Garraiobideen arteko aldaketak (bai autobusen artean bai tranbiarekin) lehen baliogabetzea egin eta hurrengo 50 minutuetan izan behar da, betiere BAT txartelarekin ordaintzen bada.
5.  Zer dira azken geltokiak?
Lineetako azken geltokiak dira; bertan pertsona guztiek jaitsi egin beharko dute autobusetik. Behin autobusetik jaitsi direlarik, txartela ordaindu beharko dute berriro igo nahi badute. Gaur egun 3, 5, 6, 7, 9 eta 10 lineetan bada azken geltokia, horietan ibilbidea antzekoa delako noranzko bietan.

6.  Zeintzuk dira autobusen tarifak? Existitzen al dira iraupen ezberdinetako abonamenduak eta talde berezientzako hobariak?
Tarifak prezioen taulan daude jasota.
7.  Mugatuta al dago haurren orgak eta gurpildun aulkiak erabiltzea hiriko autobusetan?
Autobusek 2 toki eduki ohi dituzte gurpildun aulkientzat erreserbatuta. Haurren orgek leku hauek erabil ditzakete, okupatuta ez badaude. Edozein modutan, geltoki berean igotzen badira, gurpildun aulkian bidaiatzen duten erabiltzaileek izango dute lehentasuna.
8.  Nondik dabiltza hiriko autobusak? Autobus lerroak al dituzte?
Hiriko autobusak gainerako zirkulaziotik bereizita mugitzen dira, autobus lerroetan zehar, ahal denean. Zenbait kasutan katazuloak (autobus lerro laburrak) sortu dira zirkulazio handia duten bidegurutzeetan, autobusek auto ilarak saihestu ahal izan ditzaten. Garraio publikoari lehentasuna ematen dion erregulazio semaforikoa ere badago.

Kale batzuek ez daukate zabalera nahikorik autobus lerroa egiteko; kasu horietan autobusak gainerako ibilgailuak doazen lerroetatik mugitzen dira.
9.  Zerbitzuak daude industrialdeetara? Zein dira bere ordutegiak?
Sare berria hiriko industrialdeetara ere iristen da, Jundizera barne, eta bere ordutegiak langileen sarrera eta irteera ordutegietara moldatuta dituzte.
10.  Ba al dago gaueko zerbitzua (Gautxoria) ostiral eta larunbatetan? Zein da bere maiztasuna?
Gautxorien sarea 5 lineak osatzen dute. Linea hauek hiriaren erdigunea eta auzoak modu erradialean lotzen dituzte. Zerbitzu honen maiztasunari 30-60 minutukoa da.
11.  Zeintzuk dira geltoki nagusiak?
Bake kalekoak, Prado kalekoak eta Katedralekoak lineen eskaintza zabala daukate.
12.  Zenbatero igarotzen dira autobusak? Maiztasuna aldatu egiten al da asteburuetan?
Autobusen igarotze maiztasuna, oro har, 10 minutukoa da linea bakoitzean. Bi salbuespen daude:

  • L3 lineako bi adarretan maiztasuna 20 minutukoa da eta bien alde komunean, hirian bertan, 10 minutukoa.
  • L5 B edo C lineak Jundizera iristeko duen maiztasuna 30 minutu azpitik dago.

Oro har, erabiltzaileek 5 minutuz itxaron behar dute geltokian batez beste. Jaiegunetan autobusen maiztasuna txikiagoa da, eta 20 minutu ingurukoa da.
13.  Zenbat denbora behar da edozein bidaia egiteko?
Bidaia denbora ez dago inoiz 35 minututik gora.
14.  Beti aldatu behar al da autobusez?
Soilik kasu batzuetan aldatu behar da autobusez helmugara iristeko.
15.  Zein ordutan hasi eta amaitzen da autobus zerbitzua? Eta asteburu eta jaiegunetan?
  • Arau orokor gisa, zerbitzuak goizeko 7etan hasten dira lanegunetan eta larunbatetan. Ordu hori baino lehen zerbitzu bereziak daude, goizeko 5etatik aurrera eta beharrezkoak diren autobus aldaketa guztiekin, industrialdetako sarrerak errazteko.
  • Zerbitzua ordubete geroago hasten da jaiegunetan.
  • Lanegunetan eta jaiegunetan, oro har, autobusen azken zerbitzua 22:20an irteten da linearen hasierako geltokitik. Zerbitzua ordubete gehiagokoa da larunbatetan.
  • Gautxoriek zerbitzu jarraitua bermatuko dute ordutegi arruntetik kanpo.
16.  Erabili ahal dituzte beste ibilgailu batzuek autobus lerroak?
Bai, taxiek eta larrialdietako ibilgailuek.
  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?            

Nahi baduzu, iruzkinak egin ditzakezu.
Nahitaezkoa da identifikatzea.

Jasotako iruzkinak

Página web: Preguntas frecuentes sobre la red de autobuses

  • Egunon.

    Egunero erabiltzen dut 8.lerroa, eta Unibertsitateko geltokia lerroaren burua izaten utzi zutenetik( zerbitzua murrizten) , ordutegia ez da batere zehatza.

    Pasa den astean 25m egon ginen zain 14:30 ets 15:00 artean.

    Gaur ia 20 M izan dira...

    Hemendik pasatzen den lerro bakarra da, eta ez dabil ondo.

    Beharrezkoa zen, Nere ustez kendu ziren zerbitzuak.

    Eskerrik asko

    Biki Triste 2018/03/16 14:57:32 Erantzuna eman zaio

  • Sentitzen ditugu eragin daitezkeen eragozpenak eta eskertzen dugu horien berri ematea.

    Kontuan hartuko dugu gai honetaz egin diguzun iradokizuna; herritarren ekarpenak beti dira ongi etorriak, erabakiak hartzen eta udal zerbitzuak hobetzen laguntzen baitigute.

    Udalaren logotipoa Udala 2018/03/21 08:52:37

  • tengo una duda... la linea L5 B , esta funcionando? porque he intendado cogerla y no hay rastro del autobus, mas de media hora esperando y ni rastro

    susanan Triste 2019/08/02 11:55:46 Erantzuna eman zaio

  • Sí que está funcionando pero debe tener el cuenta que, según está publicado en la página web municipal, las paradas y autobuses de la línea, durante el mes de Agosto los horarios serán los siguientes:

    Los días laborables del mes de agosto los servicios de la extensión a Jundiz serán los siguientes:

    Salburua a Jundiz (Ariñez-ITV):

    5:20; 6:20; 7:15; 7:45

    13:15; 14:15; 14:45

    18:15; 18:45; 19:45; 21:15

    Jundiz (Ariñez-ITV) a Salburua:

    6:05; 7:05; 8:05

    13:35; 14:05; 15:05; 15:35

    17:05; 18:05; 19:05; 19:35; 22:05

    Además será un único autobús el que realice las paradas de las líneas 5B y 5B, quedando sin servicio las paradas de "Las Arenas/Mercedes"

    Udalaren logotipoa Udala 2019/08/22 14:50:13