Gasteizko Udalak antenen datu-basea du, eta administrazio dosierretan jasotako informazioa (teknikoa eta ingurumen eta hirigintza arloetakoa) laburtzen da bertan.
Instalazio irrati-elektrikoak (informazioa eskuratzeko sakatu ikonoetan).
Halaber, Gasteizko Udalak monitore sarea(Beste leiho batean irekiko da) ere badu, eta horren bidez, antenen eremu elektromagnetikoaren mailak neurtzen dira etengabe. Sarea 6 monitore mugikorrek osatzen dute eta hiriko gune estrategikoetan kokatzen dira telefonia mugikorreko estazioetatik datozen eremu elektromagnetikoak ebaluatzeko. Sarera joz gero, monitore bakoitzak gure interesekoak diren egunetan hartutako datuak kontsulta ditzakegu, bai estazio aktiboetako datuak bai ebaluatuetakoak.
Etxebizitzetatik hurbil instalazio irrati-elektrikoak antzematen dituzten herritarrek horien legezkotasuna konprobatu ahal dute, nahi izanez gero,Industria, Turismo eta Merkataritza Ministerioak duen antenen datu-basean kontsulta eginda. Ministerio horrek instalazioei eta horien inguruko eragin-mailari buruzko argibideetarako on-line zerbitzua(Beste leiho batean irekiko da) du.
Gasteizko Udalak arlo honetan duen estrategia ondoren adierazten diren ildoetan oinarritzen da:
Neurketen laburpena duten taulak
Hasierara itzuli
Beti izan ditugu inguruan eremu elektromagnetiko naturalak (eguzki erradiazioak) eta artifizialak (instalazio elektrikoak, irrati eta telebistak, etxetresna elektrikoak), eta ez gara kezkatu. Hala ere, goi tentsioko linea elektrikoek, transformazio-guneek eta telefonia mugikorreko estazioek kezkatu egiten dituzte herritarrak. Erakunde adituek egindako txostenek erakusten dutenez, uhin hauek, maila baxutan, ez dira osasunerako kaltegarri. Horrela adierazten du Osasunaren Mundu Erakundeak 2006ko maiatzean argitaratutako ohar batean(Beste leiho batean irekiko da).
Guregandik hurbilago dauden elkarteei dagokienez, Minbiziaren aurkako Espainiako Elkarteak liburuska bat argitaratu du eta bertan eremu elektromagnetikoen eta osasunaren arteko lotura azaltzen du. Osasun eta Kontsumo Ministerioak ere Eremu elektromagnetikoak eta osasun publikoa (74,3 KB) izeneko txostena prestatzeko eskatu die aditu independenteei. Bestalde, Espainiako Udalerri eta Probintzien Federazioak telefonia mugikorreko anteei buruzko txosten teknikoa (556 KB) prestatu zuen 2006an, eta bertan esposizio mugen oinarri zientifikoetan sakontzeko alderdi nagusiak jorratzen dira.
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.
