Udaleko hezkuntza jarduerak – Ibilbidea. Udala
Azalpena
Ibilbidean, zuen hiriko Udala hobeto ezagutuko duzue: nola jaio zen, non dauden bere eraikin nagusiak, zer eginkizun dituen eta zer zerbitzu eskaintzen dizkizuen. Jarduerak hiru zati ditu: ibilbide bat gertuko hainbat toki eta zerbitzu ezagutzeko; Udaletxe barruko bisita; eta osoko bilkura baten simulazioa, Lehen Hezkuntzako ikasleen kasuan (aurretiaz gelan prestatua: ikusi Irakaslearen koadernoa).
Balioak
Gizalegea, prestakuntza eta nortasuna.
Helburuak
- Udal erakundearen jatorria, gaur egungo antolakuntza eta eskaintzen dituen zerbitzuak ezagutaraztea.
- Udaletxeko aretoak ezagutzea eta dituzten funtzioak azaltzea.
- Ikasleek historia- eta arte- ondarea baloratzea eta errespetu jarrera izatea.
- Hiriaren ezagutza praktikoa sustatzea. Hartara, hiriak eskaintzen dizkigun baliabide eta zerbitzuak ezagutu eta erabiltzeko behar den informazioa ematen zaie ikasleei.
- Ibilbidearekin lotura duten emakumeak ikustaraztea; aitortzea eta balioan jartzea historian, kulturan, artean eta politikan egin duten ekarpena.
Hartzaileak
DLHko 5. eta 6. mailak, DBHO, HHI eta eskolako ez diren beste kolektibo batzuk.
Parte hartzeko betebeharrak
- Lekua: Montehermoso jauregia.
- Hasiera-ordua: 9:45. Edonola ere, jardueraren hasiera-ordua ez badator bat zure ikastetxeko ordutegiarekin, adierazi "Oharrak" atalean izena emateko orrian, eta ordutegia egokitzen saiatuko gara.
- Iraupena: 1:30ean.
- Material didaktikoak:
- Parte-hartzaile kopurua, gehienez: ikastaldea. 26 ikasle baino gehiago badatoz, taldea bitan banatuko da. Taldea bitan banatuz gero (26 ikasle baina gehiago etorriz gero) ezinbestekoa da ikastetxetik bi arduradun etortzea, talde bakoitza irakasle batekin joan dadin.
- Ordaintzekoa: ez.
- Garraioa: ikastetxeek garraiorako dirulaguntza eskatu ahal izango dute, gastuen zati bat ordaintzeko.
- Hizkuntza: euskara, gaztelania.
- Parte hartuko duten ikastetxe eta taldeek Vitoria-Gasteiz Hiri Hezitzailea proiektua berariaz aipatu beharko dute, jardueraren inguruko informazioa hedatu edo komunikatzean.
- Epez kanpo jasotako eskaerak bakarrik onartuko dira lekurik eta aurrekonturik badago.
- Behin izena emanda, taldea ezin bada jarduerara joan, Hezkuntza Zerbitzuari jakinarazi behar dio, gutxienez hiru egun baliodun lehenago, data berria aukeratu ahal izateko.
- Talde bakoitza bere irakaslearekin batera joango da, eta irakasle horren ardura izango da haiek behar bezala jokatzea.
Informazioa
- Antolatzailea: Hezkuntza Zerbitzua. Hezkuntza eta Kulturaren Saila.
- Helbidea: Frai Zacarias Martinez 3, 01001 Vitoria-Gasteiz.
- Harremanetarako: Maite Viteri (945 16 16 16 – 6542 luzapena / mviteri@vitoria-gasteiz.org) eta Blanca Pastor (945 16 16 16 – 6555 luzapena / bpastor@vitoria-gasteiz.org).
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.