12 eta 18 urte bitartean badituzu, Gazte Gamingen on-line jokoetan aritu zaitezke jende gehiagorekin, gaming-ari buruzko gauzak ikasi eta mundu honetan interesa duten beste gazte batzuk ezagutu.
San Martinen aurkituko gaituzu, ostiraletik igandera.
Sortzea, kulturaz gozatzea eta proiektuak dituzten beste gazte batzuekin ideiak partekatzea gustuko baduzu, zatoz Labe Gazte Laborategira, Gasteizko Alde Zaharrean. Ostegunetik igandera zabalik 12 eta 30 urte bitarteko gazteentzat.
Gazte sorkuntzarako programa da Sortzen. Modalitate desberdineko deialdiak hartzen ditu barne: arte bisuala, argazkigintza, bideoa, kontakizunak... Zehazki, hiru lehiaketa eta beste jarduera batzuk biltzen ditu: Gazte Arte, Gazte Klik Klak&Tetrapack, eta Gazte Hitzak.
Beka-programa honen bitartez, zure euskarazko sormen-proposamena aurkeztu dezakezu, eta errealitate bihurtzeko laguntza ekonomikoa eta aholkularitza profesionala lortu. Horrez gain, programa honek bestelako jarduera batzuk ere antolatzen ditu, beste gazte sortzaile batzuen lana ezagutzera emateko. Eta zuk, zer darabilzu buruan?
14 eta 30 urte bitarteko gaztea bazara eta zure proiektuak eta ideiakaurrera eramateko laguntza bila ari bazara, lehiaketa hau zure interesekoa da. Saritutako ideiek laguntza tekniko eta ekonomikoa jasotzen dute.
Gazte Factory-ak 12 eta 30 urte bitarteko gazteentzako espazioak dira. Bertan, zure interes berberak dituzten beste gazte batzuekin harremanetan jarri eta gauza berriak probatuko dituzu: hiriko dantzak, kantua, Kpopa... edo zuk proposatutako beste batzuk.
Ikus itzazu gazteentzako aukeratu ditugun sari eta lehiaketen deialdiak: zinema, dantza, kartelen diseinua, argazkilaritza, literatura, musika, plastika eta beste batzuk.
