Luis Aramburu Udal Musika Eskola - Matrikulazioa eta tasak

1. Ikasle berriak

  • 2024-2025 ikasturterako izena emateko epea maiatzaren 6tik 21era da.
  • Ikasle berriak dira:
    • Gaur egun Musika Eskolan matrikulatuta ez dauden pertsonak.
    • Matrikulatuta dauden ikasleak, baina instrumentu edo ahots espezialitate berri bat egin nahi dutenak (1. mailatik datozen ikasleak izan ezik, horiek ez baitira ikasle berritzat hartuko).
  • Aurre inskrpzioan 3 instrumentu edo ahots espezialitate hautatu ahalko dira (Bakarreko kantua, Eskolania eta Helduen Abesbatza).

Matrikula online

Matrikula Inika kudeaketa akademikoko plataformaren bidez egiten da:

Inika plataforma(Beste leiho batean irekiko da)

Izena emateko araudia

  • Izena emateko eta matrikulatzeko araudia pdf.
  • Gasteizen erroldatuta egon behar zara Luis Aramburu Musika Eskolan izena emateko. Salbuespen gisa, udalerri honetan erroldatuta ez dauden ikasleak onartuko dira, baldin eta leku libreak dituzten ikasgaietan eman nahi badute izena.

2. Eskolaren ikasleak

Berritzea eta baja

  • Matrikula automatikoki berritzen da, hala dagokionean. Beraz, egun Eskolan egiten duen lanarekin jarraitu nahi izanez gero, ez da inolako izapiderik egin beharko.
  • Baja, osoa edo partziala (irakasgaiak, taldeak, etab.), idatziz formalizatuko da Eskolako Idazkaritzan edo plataforma digitalaren bidez(Beste leiho batean irekiko da).
  • Aurreko ikasturtean ikasle izan direnei banku-helbideratzearen bidez kobratuko zaie matrikula berritzea.

Instrumentu berria

Egungo ikasleek INIKAren aplikazioaren bitartez instrumentu berri batean aurreinskripzioa egin dezakete:

INIKA plataforma(Beste leiho batean irekiko da)

3. Matrikularen prezioa eta kuotak

Matrikularen zenbatekoa eta hiru hileroko hiru kuota ordaindu beharko dira (urriko, urtarrileko eta apirileko erdialdean).

» Luis Aramburu Udal Musika Eskolaren tasak.

4. Itxaron-zerrendak

Irizpideak

Zerrendako ordenan, irizpide hauek erabiliko dira:

  • Lehenengoa: I. mailako ikasleak, esleipenean parte hartu arren plazarik lortu ez zutenak eta Gasteizen erroldatutako pertsonak eskatzaile berriak esleitzera joan baina plazarik lortu ez zutenak, zozketan ezarritako abizenaren arabera alfabetikoki ordenatuta.
  • Bigarrena: Gasteizen erroldatu gabeko pertsonak, eskatzaile berrien esleipenera joan baina plazarik lortu ez zutenak, zozketan ezarritako abizenaren arabera alfabetikoki ordenatuta.
  • Hirugarrena: I. mailako ikasleak, esleipenera joan ez zirenak, eta Gasteizen erroldatutako pertsonak, eskatzaile berrien esleipenera joan ez zirenak, zozketan ezarritako abizenaren arabera alfabetikoki ordenatuta.
  • Laugarrena: Gasteizen erroldatu gabeko pertsonak, eskatzaile berrien esleipenera joan ez zirenak, zozketan ezarritako abizenaren arabera alfabetikoki ordenatuta.

Funtzionamendua

  • Ikasturtea hasi ondoren eta eskolak ezartzen duen egunera arte, ikasleen bajengatik hutsik gera litezkeen plazak itxaron-zerrendaren bidez eskainiko dira.
  • Ikasleen bajaren ondorioz eskaintzen diren plazek beren baldintza espezifikoei eutsiko diete, eta eskolak ez du aldatzeko derrigortasunik izango, eskatzailearentzat egokienak ez izan arren.
  • Musika-hizkuntza ezagutzen ez duten pertsonen kasuan, musika-hizkuntzako taldeetan sartu arte soilik deituko zaie, normalean urrian.
  • Jakinarazpena telefonoz egingo da (gehienez 3 dei ordu desberdinetan).
  • Interesdunek 24 orduko epea izango dute, jakinarazpena jasotzen dutenetik, eskainitako plaza nahi duten ala ez baieztatzeko.
  • Itxaron-zerrendan egoteari uko egin nahi dioten pertsonek eskolako idazkaritzarekin harremanetan jarri ahal izango dute helbide elektroniko honen bidez: emmla.administracion01@vitoria-gasteiz.org

Epez kanpoko itxaron-zerrendak

  • Epez kanpoko itxaron-zerrenda irailean zehar irekiko da. Eskatzaile berriek zein instrumentu-espezialitate bat ikasten ari diren ikasleek eman ahal izango dute izena (kontuan hartuta gehienez 2 espezialitate egin daitezkeela).
  • Izen-ematea aurrez aurre egingo da eskolako idazkaritzan eta zerrendako ordena bera izango da.
  • Zerrenda horretako pertsonei deituko zaie libre geratu diren plazak eskaintzeko, ohiko itxaron-zerrenda agortu ondoren.
  • Era berean, eta Eskolak argitaratu ondoren, musika-tresna bat aukeratu duten pertsonek, plaza librerik geratzen bada, Kantu Koralean (Helduak) edo Eskolanian ere matrikulatu ahal izango dute.

Informazio gehiago

» Esleipenak eta itxaron zerrendak 24-25 pdf.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.