Jose Uruñuela Udal Dantza Kontserbatorioa

Conservatorio de Danza Uruñuela

Izena eman 2020-2021 | Prestakuntza eskaintza | Egutegia | Ordutegiak | Berriro jardunean hasteko plana | Albisteak | Kontaktua

Kontserbatorioa

José Uruñuela Udal Dantza Kontserbatorioak dantza-ikasketa arautuak eskaintzen ditu; hain zuzen ere, Dantza Klasikoaren espezialitateko oinarrizko ikasketak eta ikasketa profesionalak.

Euskal Autonomia Erkidegoan horrelako ikasketak eskaintzen dituen zentro ofizial bakarra da, eta horrek are interesgarriago egiten du ikasketak bukatu ondoren titulazio ofiziala izango dutela bermatuko dien prestakuntza lortu nahi dutenentzat.

Arautu gabeko ikasketa-ildo batekin osatzen da kontserbatorioaren eskaintza: dantzan lehen urratsak emateko ikastaroak, 5 urtetik 6ra bitartekoentzat, eta dantza-aurreko ikastaroak, 7 urtekoentzat.

Instalazio modernoak ditu zentroak, eta profesional kualifikatuen lantalde bat, zeinek bideratzen baitu hezkuntza-proiektua. Errepertorioko piano-jotzaileek lagundutako klaseak eta fisioterapia-zerbitzua dira zentroak dituen baliabideetako batzuk, Jose Uruñuela kontserbatorioaren helburu nagusia lortzen laguntzen dutenak, zein baita ikasleei kalitateko prestakuntza artistikoa ematea.

Alde pedagogikoaz gain, lehentasuntzat du kontserbatorioak dantzaren sustapenean eta zabalkundean laguntzea, diziplina hori herritarrei hurbiltzeko, pieza koreografikoak eta sorkuntza-lan propioak nahiz errepertorio klasikokoak jendaurrean aurkeztuz, baita beste hezkuntza- eta gizarte-entitate batzuekiko lankidetza-proiektuak gauzatuz ere.

https://www.youtube.com/watch?v=BT4Nnw-P9uo(Beste leiho batean irekiko da)

Ikusi José Uruñuela Udal Dantza Kontserbatorioko bideo gehiago(Beste leiho batean irekiko da).

Gure ikasleak

Dagoeneko ikastegitik atera diren zenbait ikasle han-hemenka ari dira dantzan, hainbat herrialdetan:

  • Igor Goyena: Valentziako zentro koreografikoa eta New English Contemporary Ballet.
  • Oier Lopez de Luzuriaga: Leipzig Ballet eta Compañia Lamov.
  • Raquel Santamarta: English National Ballet eta Angel Corellaren ballet.
  • Patricia Nájera: English National Ballet.
  • Aiara Iturrioz: Stuttgart Ballet.
  • Amaia Basilio: Aukeran Dantza Konpainia.
  • Carmen Derré: Dantzaz Konpainia.
  • Jorge Moro: Hessisches Staatsballett.
  • Ane Anza: Aukeran Dantza Konpainia, Dantzaz Konpainia eta Balletto Teatro di Torino.
  • Laura Pérez: Angel Corellaren balleta, Bordeleko Opera Nazionala eta Dantza Konpainia Nazionala.
  • Leire Otamendi: Club Guy & Roni eta Compañía Cielo Raso.
  • Garazi Etxaburu: Dantzaz Konpainia, Bialy Teatr Taneskatoa eta Lasala Konpainia.
  • Jone Amezaga: Dantzaz Konpainia eta Txintxirrin Konpainia.
  • Miren Lizeaga: Dantzaz Konpainia, Txintxirrin Konpainia eta Lasala.
  • Beñat Andueza: Nationale Balletacademie- The Dutch National Ballet Academy, Atlanta Ballet eta Texas Ballet Theater.
  • Sayoa Belarra: Junior Company - François Mauduit eta Dantzaz Konpainia.
  • Celia Dávila: Dantza Konpainia Nazionala .
  • Diego Urdangarín: Jihočeské divadlo / Balet, Činohra, Malé divadlo, Opera eta Dantzaz Konpainia
  • Saioa Arizaleta: Akitaniako balleta.
  • Zuriñe Benavente: Dantzaz Konpainia eta Altraste Dantza eta Danzálava proiektuaren koordinatzailea.
Argazki galeria

https://www.flickr.com/photos/38143943@N08/sets/72157714311830882(Beste leiho batean irekiko da)

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?            

Nahi baduzu, iruzkinak egin ditzakezu.
Nahitaezkoa da identifikatzea.

Gaia publikoa izatea aukeratzen baduzu, gainontzeko herritarrek zuk idatzitakoa eta udalak emandako erantzunak irakurri ahalko dituzte; baita iruzkinak egin ere. Gaia pribatutzat jotzen baduzu, zuk bakarrik izango duzu gai horretarako sarbidea eta udalak emandako erantzunak irakurtzeko aukera. Gaia idaztean identifikazio kodea emango zaizu.

Aldartea

Harremanetarako beste kontaktu bat: