Urban Commerce, hiriko merkataritzari buruzko foroa

Urban Commerce ekimena 2006an sortu zen, Gasteizko Udalak Hiri Merkataritzari buruzko Nazioarteko Biltzarra antolatzearen aldeko apustua egin baitzuen, hiria merkataritza biziberritzeko politiken alorrean erreferentzia bihurtzeko asmoz, baita hiri merkataritzaren modernizatze eta berrikuntzarekin lotutako esperientziak trukatzeko ere.

Urban Commerce markaren pean 5 nazioarteko biltzar eta 12 jardunaldi tekniko antolatu dira 2006az geroztik. Foro horiek ospe handiko profesionalen bilgunea bihurtu dira, eta askotariko alorrak aztertzen dira: merkataritzarekin lotutako hirigintza, iraunkortasuna, marketina, kontsumo joera berriak, immigrazioaren fenomenoa merkataritzan, berrikuntza, teknologia aldaketek txikizkako merkataritzan duten eragina, irisgarritasun irtenbideak, merkataritza formatu berriak, eta abar.

2025eko edizioa

"Merkataritza-hiriak birdiseinatzen: inspiratzen duten tokiak". Urriak 30.

Aurreko edizioak

• 2024: "Urban Commerce: Hiriko tokiko merkataritzari beste esanahi bat ematen".
• 2023: "Teknologia eta berrikuntza Hiri Merkataritzaren eragile gisa".
• 2022: "Merkataritzaren etorkizuna birdiseinatzeko aldaketaren gakoak”.
• 2021: "Birkonexioa: hiri-merkataritza COVIDaren ondoren".
• 2019: "Jasangarria eta digitala izan daiteke merkataritza txikia?".
• 2018: "Nola lehiatu aro digitalean".
• 2017: "Slow Commerce, mitoa da ala gure hirietan lortzera irits gaitezke?".
• 2016: "Saltoki konektatuak hiri konektatuetan"
• 2015: "Txikia ederra da. Saltoki txikiak hiriaren bereizgarri gisa".
• 2013: "Merkataritza-aretoak: erabilera berriak, alternatibak eta aukerak" jardunaldia.
• 2012: "Mobile shopping: merkataritza txikia eta telefonia mugikorra. Xehekako merkataritza sektorea egokitzeko erronka berriak".
• 2011: "Krisi garaian birsortzea, merkatariztaren erronka".
• 2010: "Hiri-ekosistemarako merkataritza estrategiak".
• 2009: "XXI. Mendeko merkataritzaren erronka: garai berrietara egokitzea".
• 2008: "Merkataritza berritu, hiria berritu".
• 2007:"Merkataritza eta hiri arloko ideia azoka".
• 2006: "Hiriaren eta merkataritzaren arteko bizikidetza. Mugituz doan agertokia".

Lotutako informazioa

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.