Zainpeko etxebizitzetan ostatatzeko programa

Deskribapena

Harrerarako hiru etxebizitzak osatzen dute baliabidea, gizarte premia egoeran dauden atzerriko familia/pertsonei lehen euskarri bat ematearren; ostatu emateaz gain, hezitzaile batzuek hiria ezagutzen laguntzen diete, lekuetara lagunduz eta egunero babestuz, laguntza psiko-soziala emanez eta kultura ezagutzeko eta hari egokitzeko lantegiak eskainiz.

Zainpeko etxebizitzek helburu hauek dituzte:

• Ostaturik ez duten eta premia batzuk dituzten pertsona edo familiei harrera ematea, behin-behineko edo aldi luzeago baterako.
• Bizikidetza giro egokia osatzea, zerbitzua baliatzen duten pertsona eta familiei laguntza psiko-soziala eman eta beharrezko trebetasunak eskuratzen laguntzeko, eta haien baliabide pertsonalak sustatzeko, aldaketa prozesuak berek gida ditzaten.

Hartzaileak

Gizarte larrialdi egoeran dauden atzerriko pertsonak/familiak.

Argibideak non?

Bizilekuaren arabera egokitutako Oinarrizko Gizarte Zerbitzuan hitzordua eskatu behar da aurretiaz.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.