TAOri buruzko ohiko galderak

1.  Zertan da TAO eremuan 15 minutuz doan aparkatzea?
TAO eremuan gehienez 15 minutu aparkatu nahi dutenek parkimetro hurbilenera joan eta doako tiketa eskuratu beharko dute; horretarako parkimetrora joan, eta sakatu behar dira, lehenik botoi horia, eta gero botoi berdea. Egonaldi bakoitzeko tiket bat eta bakarra eskuratu daiteke, ez elkarren segidako zenbait.
EGOILIARRAK BAKARRIK motako lekuetan ez da 15 minutuz doan aparkatzeko aukerarik.
15 minutuko muga gainditzeagatik salatua izanez gero, salaketa ezin izango da baliogabetu.
2.  Zein dira TAO eremuetan aparkatzeagatik ordaindu beharreko prezioak?
Ikusi tarifak
3.  Baliogabetu al ditzaket TAOren isunak parkimetroan?
Salaketa guztiak ezin dira baliogabetu. Baliogabetu daiteke doakoa ez den tiketa ipini den kasuetan, baldin eta tiketean adierazitako denbora-muga gainditu bada.
Gainera, kasu horietan isuna baliogabetu daiteke soilik tiketean adierazitako denbora-muga eta salaketa baliogabetzen saiatzeko unean parkimetroak adierazten duenaren arteko tartea bi ordu baino txikiagoa bada. Hauxe da salaketak baliogabetzeko prozedura:
Parkimetroan salaketa baliogabetzeko tiketa erosi behar da, eta horretarako prestatutako poltsatxoan sartu, isunarekin batera, agiri hauek (dirurik ez):
  • aparkatzeko erabilitako TAO tiketa

  • salaketa-orria

  • baliogabetzeko tiket erosi berria

Ondoren, poltsa hori parkimetroaren goialdeko postontzian sartu behar da.
4.  Urtarrila ez den hil batean alta hartzen badut urte osoa ordainaraziko didate?
Ez, eskatzen den egunetik abenduaren 31ra arteko zati proportzionala baino ez da ordainduko.
5.  Txartel berria Internetez eska dezaket?
Egoiliarrentzako TAO txartela udalaren egoitza elektronikoaren orrian eskatu eta ordain daiteke. Web-orrian ere ordaindu ahal duzu (Egoilarrentzako TAO txartela,Sozietate- egoilarrentzako TAO txartela eta Merkatarientzako TAO txartela. Kasu guztietan, Herritarrei laguntzeko bulego batera joan beharko da eranskailuaren bila.
6.  Zenbat ordaindu behar dute TAO txartela eskuratu nahi duten egoiliarrek? Eta merkatariek?
7.6 ordenantzaren haritik -"Hiriko trafikoa eta ibilgailuen aparkalekua arautu eta kontrolatzea" - ezartzen dira egoiliar, elkarte eta merkatarientzako TAO txartelen tarifak.
7.  Zein da TAOren ordutegia?
Hauxe da TAOren ordutegia:
Astelehenetik ostiralera. 10.00etatik 14.00etara eta 16.00etatik 20.00etara.
Larunbatetan: 10:00etatik 14:00etara.
Igandea eta jaiegunetan ez da TAO zerbitzurik, ezta abuztuaren 5etik 31ra bitartean ere, egun biak barne.
8.  Zertarako eskubidea ematen du TAO txartelak?
Eranskailuan ageri den zenbakia duten kaleetan aparkatzeko eskubidea ematen du; haizetakoan jarriko da eranskailua, leku ikusgarri batean.
9.  Non eska dezaket TAO txartela?
Herritarrei laguntzeko bulegoetan bulegoan eskatu eta ordainduz gero, unean bertan eskuratu ahalko da txartela. Web-gunearen bidez ere eskatu (Egoilarrentzako TAO txartela) eta ordain daiteke (txartel guztiak), eta herritarrei laguntzeko bulego batera bila joan. Ikusi baldintzak
Indarrean dagoen txartela baduzu, zure etxera bidaliko zaizu datorren urtekoa, baldin eta halakorik izateko baldintzak betetzen jarraitzen baduzu.
10.  Zein agiri aurkeztu behar da egoiliarrentzako TAO txartela eskuratzeko?
Hona hemen aurkeztu beharko diren agiriak:
  • Ibilgailuaren zirkulazio-baimena (jatorrizkoa), helbidea dagokion TAO eremuan dagoelarik.
  • Txartela noren izenean ematen den, haren identifikazio agiriaren jatorrizkoa edo kopia (NAN, egoitza txartela, atzerritarraren identifikazio zenbakia edo pasaportea).
  • Txartela ibilgailuaren jabekidearen izenean egiten bada, jabekidearen nortasuna jasotzen duen Probintziako Trafikoko Buruzagitzak emandako agiria (jatorrizkoa) aurkeztu beharko da. Jabekidearen erroldatze helbideak eta zirkulazio-baimenean ageri denak atari berekoak izan beharko dute, txartela eskatzen deneko TAO eremuaren barruan.
  • Interesdunaren kontu zenbakia ageri den banku agiria, txartelaren zenbatekoa bertan kargatzeko. Banku helbideratzea ezinbesteko baldintza da.


(Erroldatze-helbidea aldatu bada, DGTren 060 telefonoaren (Beste leiho batean irekiko da)bidez zure ibilgailuaren helbidea alda daiteke. Zure datuak egiaztatu ondoren, helbide berria INEren erroldan dagoenarekin bat datorrela egiaztatuko da. Kasu horretan, eskatutako aldaketari ekingo zaio.)
11.  Zein agiri aurkeztu behar da sozietateentzako TAO txartela eskuratzeko?
Hona hemen aurkeztu beharko diren agiriak:
  • Ibilgailuaren zirkulazio baimena (jatorrizkoa).
  • Txartela noren izenean ematen den, horren identifikazio agiriaren jatorrizkoa edo kopia (NAN, egoitza txartela, atzerritarraren identifikazio zenbakia edo pasaportea).
  • Ibilgailuaren aseguru-poliza (jatorrizkoa) eta polizaren ordainagiria; txartela noren izenean ematen den, hura agertu beharko da ohiko gidari gisa polizan.
  • Interesdunaren kontu zenbakia ageri den banku agiria, txartelaren zenbatekoa bertan kargatzeko. Banku helbideratzea ezinbesteko baldintza da.
12.  Zein agiri aurkeztu behar da merkatarientzako TAO txartela eskuratzeko?
Hona hemen aurkeztu beharko diren agiriak:
  • Ibilgailuaren zirkulazio-baimena (jatorrizkoa), establezimenduaren helbidea dagokion TAO eremuan dagoelarik.
  • Txartela noren izenean ematen den, horren identifikazio agiriaren jatorrizkoa edo kopia (NAN, egoitza txartela, atzerritarraren identifikazio zenbakia edo pasaportea).
  • Ekonomi Jardueren gaineko Zergari dagokion alta-ziurtagiria.
  • Interesdunaren kontu zenbakia ageri den banku agiria, txartelaren zenbatekoa bertan kargatzeko. Banku helbideratzea ezinbesteko baldintza da.
13.  Nahitaezkoa da TAO txartelaren ordainketa helbideratzea?
Bai, nahitaezkoa da ordainketa helbideratzea.
14.  Enpresaren ibilgailua dut eta TAO eremu batean bizi naiz. Egoiliar txartelik izan nezake?
Bai, baliteke. Sozietate txartela deritzona balia dezakezu, horretarako ezarri diren baldintzak betez
15.  TAO eremu batean dut lanlekua. Egoiliar txartela izan dezaket nire ibilgailuarentzat?
Ez; egoiliar edo merkatari baldintzak bete ezean ez da onartzen.
16.  Ibilgailu bat baino gehiago badut TAO txartel bat baino gehiago izan dezaket?
Jabetzan duzun ibilgailu bakoitzeko egoiliar-txartel bat eska dezakezu. Merkatari-txartelen kasuan, gehienez lau eska daitezke.
17.  Txartelean adierazitako aparkatzeko gehienezko denbora (90 minutu) igaro ondoren ibilgailua mugitu egin behar dut?
Bai, ibilgailua gutxienez hiru etxadi harago aldatu beharko da, edozein zirkulazio-noranzkoan.
18.  Gidabaimeneko puntuak kenduko dizkidate TAOko isunak direla eta?
Ez. Gaur egun ez dago aurreikusita horrelakorik egitea.
19.  Zenbat balio du ordu-muga gainditzeagatik ipinitako isuna baliogabetzeak?
Hiriko Trafikoa eta Ibilgailuen Aparkamenduaren Arauketa eta Kontrolatzeko Tasa Arautzen duen Ordenantzan (7.6 atala) isunaren prezioa ezartzen da.
20.  Ziklomotorea aparkatzeko TAO txartela jarri behar dut?
Ez, motozikleta eta ziklomotorrek ez dute TAO eremuan aparkatzeagatik ordaindu behar, oraingoz.
21.  Banatzailea naiz eta zamaketa lanetarako eremuan aparkatzeko TAO txartela atera behar dudan jakin nahi nuke.
Zamalanetarako erreserbatutako ordutegitik kanpo, parkimetrora joan eta aparkatzeko tiketa atera beharko duzu.
22.  1-B eremuan aparkatu ohi dut, baina parkimetro hurbilena 2-A eremuari dagokio. Txartela bertan atera dezaket?
1 zenbakiko eta 2 zenbakiko eremuetako tarifak desberdinak dira. Horrenbestez, 1-B eremuko parkimetroraino joan beharko duzu ordu-tiketa eskuratzera.
23.  Garraio publikoko zerbitzurik ez duen nekazaritza eremu batean bizi naiz. Zein baldintzak bete behar ditut Egoiliarrentzako TAO txartela ezkatzeko? Zein korrespondentzia dago bizi naizen eremuen eta TAO eremuen artean?
Begira ezazu araudia, Entitateen eta TAO eremuen artean korrespondentzia, etabar.
24.  Zer da TAO?
TAO araudiaren bitartez zenbait joan-etorritarako autoaren erabilera murriztu nahi da, eta, hartara, aparkamendu-eskari handieneko eremuetan ahalik eta erabiltzaile-kopuru handienaren eskuetan jartzea lurrazaleko aparkaleku-kopuru urria, betiere kontuan hartuta eremuko egoiliarren eta merkatarien beharrak.
Araudiak gehienezko aparkaldi-denbora arautzen du, eta ordaindu beharra ezartzen du garraio mota horren –beste batzuen aurrean– kostuari gehitu beharreko gainordain gisa ulertuta.
Nolabaiteko pribilegioak ematen zaizkie bertako egoiliar eta merkatariei, baimentzen zaielarik merkeago eta denbora-mugarik gabe aparkatzea, betiere beraientzako propio mugatutako lekuetan.
Gainera, eta herritarrei iraupen laburreko izapideak egin ahal izatea errazteko, leku guztietan (EGOILIARRENTZAT BAKARRIK direnetan izan ezik) 15 minutuz doan aparkatzeko aukera dago, nahiz eta tiketa ipini behar den nahitaez.
Aparkaleku motak
25.  Zein alde dute TAO eremuek (1-A, 1-B, 2-A, 2-B eta 2-C) elkarren artean?
Aldea aparkatzeko prezioa da. 1 zenbakiko eremuak garestiagoak dira, aparkaleku-eskari handiagokoak direlako.
  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?            

Nahi baduzu, iruzkinak egin ditzakezu.
Nahitaezkoa da identifikatzea.

Jasotako iruzkinak

Página web: Preguntas frecuentes OTA

  • Me corresponde la zona 2C por vivir en esa zona. Estando justo en la muga con la zona 2B ¿puedo aparcar en esa zona 2B?

    maria Normal 2016/10/04 10:02:17 Erantzuna eman zaio

  • Según el artículo 2 de la Ordenanza reguladora del servicio de estacionamiento limitado en superficie (OTA), "se considerarán zonas contiguas a una determinada zona, la anterior o posterior en la lista siguiente: 1-A, 1-B, 2-A, 2-B, 2-C. Siendo la zona 1-A la posterior a la 2-C, y ésta la anterior a la 1-A. "

    Esperamos que esta información le sea de utilidad.

    Udalaren logotipoa Udala 2016/10/13 08:42:04

  • Ahí tarjeta de recarga para la ota como por ejemplo Pamplona que tiene la tarjeta monedero de la zona azul la recargas y pagas con ella para no tener que estar pendiente de si llevas monedas

    Para un funcionamiento más eficaz del buzón ciudadano, este comentario se ha trasladado a Movilidad y transporte - Aparcamiento.

    Rober Normal 2017/09/20 02:24:05 Erantzuna eman zaio

  • Los coches híbridos pueden aparcar en zona de OTA?

    Juan Normal 2018/03/09 03:17:44 Erantzuna eman zaio

  • si, como todos..

    Alex Alegre 2018/03/09 13:15:07 Erantzuna eman zaio

  • Lso expendedores de talones existentes en Vitoria no aceptan tarjetas bancarias. Sin embargo existen unas tarjetas propias de nuestra ciudad que pueden ser recargadas con monedas en los expendedores y luego utilizarlas en ellos para pagar de 5 en 5 céntimos.

    Dichas tarjetas pueden ser solicitadas a un vigilante de aparcamiento, o en el Servicio de Tráfico del Ayto. de Vitoria-Gasteiz

    Respecto de los vehículos híbridos: la regulación OTA no establece ninguna restricción diferente al resto de plazas de la ciudad respecto de los vehículos que pueden estacionar. Los vehículos no tienen diferentes restricciones en función del tipo de motor que utilicen, por lo que los híbridos sí que pueden estacionar en plazas reguladas por OTA

    Udalaren logotipoa Udala 2018/03/19 08:01:51

  • La zona de "aparcamiento de 15 minutos" , con talón obligatorio (gratuito), alrededor de la plaza Santa Bárbara, ¿funciona como el resto de las zonas OTA? Es decir ¿Es obligatorio el talón durante las horas de funcionamiento OTA, al igual de el resto de zonas?

    Santa Barbara Normal 2019/07/22 09:06:07 Erantzuna eman zaio

  • Hola,

    Tengo 2 preguntas:

    a) En las zonas de residentes (zonas verdes), fuera del horario OTA, un coche No Residente puede aparcar ahí gratis?

    Por ejemplo: Yo sin ser residente, podría aparcar mi coche en zona verde un lunes de 14:00 a 15:00h (fuera del horario OTA)?

    b) En las zonas exclusivas de residentes (zonas verde y rojo), la normativa dice: "En estas plazas sólo podrán aparcar quienes tengan tarjeta de residente o comerciante de la zona. Estas plazas se regirán por esta norma las 24 h. del día, con excepción de los días festivos, y el período comprendido entre el 5 y el 31 de agosto, ambos inclusive."

    La excepción de los días festivos incluye a los domingos, es decir, un coche No Residente puede aparcar ahí gratis un domingo?

    Gracias,

    Aitor Normal 2019/10/30 10:09:15 Erantzuna eman zaio

  • Fuera del horario de OTA, las plazas señaladas en verde (DE RESIDENTES) son de uso libre y gratuito.

    Otra cosa son las zonas SOLO RESIDENTES, en las que la exclusividad para residentes rige las 24 h. (excepto festivos). Estas zonas estarán señalizadas con línea alternativamente rojo-verde.

    Los domingos son festivos, oficialmente.

    En cuanto al aparcamiento en la Plaza de Santa Bárbara, habrá que colocar talón, en el horario que figure en la señal.

    Udalaren logotipoa Udala 2019/10/30 11:09:27