Hiretu Hiria – Hobetuz Gazte: gazteak hiria egiten
Hiretu Hiria-Hobetuz Gazte 2025 programa azken fasera iritsi da: Udalak udal aurrekontuarekin gauzatuko diren proposamenak hautatu ditu eta, bestalde, herri-bozketak zehaztu du jada zein den asteburuko irteerako talde irabazlea.
Aukeratutako proposamenak
Aurkeztutako 17 proposamenetatik, udaleko batzorde teknikoak lau hautatu ditu, eta 100.000 euroko aurrekontua izango dute.
- ‘Belaundiak elkartzen’, Ekialdea 3.DK: 15.000 euro, eguneko arretarako LAR Errenazimentua zentroarekin batera, belaunaldien arteko horma-irudia.
- ‘Bizi(e)tzea’, San Prudentzio 3. B: 62.000 euro, bizikleten konponketa txikiak egiteko tresnak izango dituen bizikletak gordetzeko gune itxia egiteko.
- ‘Ezjakintasunaren Zuloa’, Mendebaldea 4.D: 6.000 euro, gazteei helduarora iristeko tresnak emateko.
- ‘Rompe el silencio’, Sansomendi 4. A: 15.000 euro, ikasleak bullying-aren aurrean sentsibilizatzeko eta hura antzematen irakasteko.
Herri bozketa
Bestalde, jendearen boto gehien jaso duen proposamenak Hiretu-Hiria 2025 saria irabazi du. Zehazki, Mendebaldeko 3. A taldearen ‘Kontzientzia piztu’ proiektua izan da bozkatuena. Hortaz, talde horretako kideek abentura irteera batez gozatuko dute. Proiektuak gazteen artean drogen eta bestelako substantzien kontsumoa prebenitzeko hitzaldiak eta jarduerak proposatzen ditu.
Ezagutu proposamen guztiak
2024-2025 ikasturtean, sei ikastetxetako 17 taldek parte hartu dute: Ekialde, Nazareth, Mendebaldea, San Prudentzio, Sansomendi eta Corazonistas.
“Rompe el silencio / Isiltasuna apurtu” – Sansomendi 4. A
Proiektuaren helburua bullyinga eta ziberbullyinga geldiaraztea da, kontzientziazio-kanpaina baten eta institutuetako tailerren bidez. Horretarako, web orri bat sortuko da kanpainaren berri emateko eta behar dutenei laguntza eskaintzeko. Gainera, txat anonimo bat prestatuko da, non biktimek laguntza jaso ahal izango duten beste tresna batzuk nahikoak ez badira.
“Kontzientzia piztu!” – Mendebaldea 3. A
Nerabeentzat bideratutako drogak kontsumitzearen aurkako hitzaldiak/tailerrak egitea proposatzen dute. Hitzaldiak erakargarriagoak eta interesgarriagoak egiteko, ikuspegi dinamiko batetik egitea proposatzen dute, ikasleen parte-hartzea sustatuz.
“Ezjakintasunaren zuloa” – Mendebaldea 4. D
"Ezjakintasunaren zuloa" proiektuak gazteei zuzendutako hezkuntza-tailerrak eskaintzea du helburu, lan-munduari eta etxebizitzari buruz dituzten zalantzak argitzen laguntzeko. Aldez aurretik egindako inkesten bidez, gai horien inguruko ezjakintasun-maila handia dela antzeman da, eta horrek justifikatzen du prestakuntza eskuragarria eta doakoa emateko beharra.
“Hizkuntzak elkartzen” – Ekialdea 3. A
12 eta 18 urte bitarteko gazte atzerritarrentzat bideratutako hizkuntza tailerrak proposatzen dituzte. Tailerren helburua atzerritarrek hizkuntza eta kultura ezagutzeko aukera ematea da. Tailer hauek gizarte-etxeetan aurrera eraman nahi dituzte, eskolaz kanpoko ordutegietan.
“Kirol fest” – Mendebaldea 4. F
Proiektua Arriaga auzoan egun bateko gazte jaialdi bat antolatzean datza, kirola egiteko prestatutako espazioetan. Ekitaldian zehar, kirola eta zuzeneko musika izango dira protagonista. Gainera, txapelketa bat egingo da hainbat diziplinatan, jarduera fisikoa sustatzeko eta gazteei asteburuetan aisialdirako aukerak emateko.
“Gazte Lakua” – San Prudencio 3. A
“Gazte-leku” bat proposatzen dute 12 eta 16 urte bitarteko gazteentzat, ostiral arratsaldeetan eta asteburuetan joan daitezen. Batez ere, filmen proiekzioetan oinarritzen da, eta gazteen aisialdirako hainbat jarduera eta jolas biltzen ditu: futbolinak, billarra, “zona chill” puffak eta wifiarekin…
“Mendizone” – Nazareth Salesianas 4.
Proiektuaren arabera, futbolina, billar-a, air hockey-a, ping-pong-a eta horrelako beste joko batzuk dituen joko-aretoa sortuko da. Pantailarik gabeko joko interaktiboa sustatzea da asmoa, sozializazioa sustatuz eta gailu elektronikoek askotan egunerokoan sortzen duten isolamendua saihestuz.
”Komuniplan” – Ekialdea 3. G
Ekimen honen helburua agenda digital bat sortzea da, Gasteizen eta inguruetan gazteei zuzendutako jarduerei eta ekitaldiei buruzko informazioa biltzeko eta zabaltzeko. Proposamenak sare sozialak eta beste bitarteko digital batzuk erabiltzea du helburu, informazioa ahalik eta gazte gehienengana argi eta erraz iritsiko dela bermatzeko. Gaur egun, gazte askok ez dute ezagutzen beren hiriko jardueren eskaintza, informazio faltagatik eta udalaren webgunean nabigatzeko zailtasunagatik. Plataforma horren bidez, irisgarritasuna hobetu eta tokiko ekitaldietan gazteen parte-hartzea sustatu nahi da.
“Waka_festival” – Ekialdea 3. F
Proiektua 14 eta 17 urte bitarteko adingabeei zuzendutako jaialdi bat antolatzean datza. Inauteriak eta Halloween bezalako egunetan egingo da. Ekitaldian zehar, zuzeneko musika izango da djen partaidetzarekin, gazteek euren adinerako giro seguru eta egokiaz gozatzeko gune bat sortuz. Gainera, jaialdia ongintzazkoa izango da, eta bildutako dirua minbizia duten haur eta nerabeei eta haien familiei laguntzen dien Aspanafoa elkartera bideratuko da.
“Pictozebras” – Corazonistas 3. D
Proiektua zebrabideen hasieran piktograma batzuk jartzean datza, batez ere ikastetxeetatik gertu daudenetan. Ekimen honen helburua haur txikiei, garapenean zailtasunak dituzten pertsonei eta telefono mugikorrekin adigalkorra ibiltzen diren gazte eta helduei laguntzea da.
“Bizi(e)txea” – San Prudencio 3. B
El Boulevard merkataritza-gunearen inguruan bizikletak uzteko kapsula bat jartzea proposatu dute. Kapsula honek bizikleta askorentzako lekua izango du eta zulaketak konpontzeko, gurpilak puzteko eta konponketa txikiak egiteko materiala izango du. Era berean, estalita eta bideozaintza izango du, erabiltzaileei segurtasun handiagoa emanez.
“Garraio konexioa guztiontzat” – Ekialdea 3. E
Proiektuaren helburua garraio publikoaren sarbidea eta zerbitzuaren kalitatea hobetzea da, batez ere Araba bus sisteman. Hori lortzeko, autobusen erabiltzaileen artean laguntza-sare bat ezarri nahi dute, informazio garrantzitsua zentralizatuko duen web-orrialde bat garatuz. Plataformaren bidez, erabiltzaileek orduteegiei, zerbitzuaren egoerari eta autobusen erabilgarritasunari buruzko datuak eskuratu ahal izango dituzte. Gainera, web-orrialdearen barruan txat mugat bat sortu nahi dute, autobusen zerbitzuan sortzen diren gorabeherak bertan idazteko helburuarekin. Ikuspegi nagusia herritar guztientzat garraioa irisgarria eta eraginkorra izango dela bermatzea da.
“Eman eta eragin” – Ekialdea 3. B
Gasteizen dauden dohaintza-aukerei buruzko informazio-kanpaina bat egitea proposatzen dute. Horrela, Kooperaren edukiontzi-sareari esker jasotzen den arroparen prozesuaren berri eman nahi dute, ontzian qr-ak jarriz donatzeak dakarren prozesua zehazten duen web orrialde batera lotuta. Bertan, Arabako larrialdietarako funtsari buruzko informazioa eskuragarri egongo da.
“Belaunaldiak elkartzen?” – Ekialdea 3. DK
Cad Renacimiento eguneko zentroko helduen eta ekialdea institutoko Ekialdea institututuko 3.DK-ko ikasleen artean topaketak egitea proposatzen dute, ikasturteetan zehar jarraikortasuna izatearekin batera. Lehenengo proiektua eguneko zentroaren aurrean dauden paretari bigarren bizitza bat ematea da, helduen eta gazteen arteko kolaborazio-margolan bat eginez, artista baten bozetoa oinarriz hartuz.
“Hiria garbitu, artea sortu” – Ekialdea 3. C
Salburua parkean zabor bilketa bat antolatzea proposatzen dute, hiriko boluntarioen eskuz. Jasotako zaborrarekin, plastikozko eta metalezko materialekin mural edo eskultura erakargarria egitea proposatzen dute, zaborraren kontsumoari eta kutsadurari buruz kontzientziatzeko.
“Zuk kalean txakurra parkean!” – Ekialdea 3. D
Gasteizko Salburua parkean txakur parke bat egitea proposatzen dute, Zabalganan dagoenaz gain. Datu estadistikoek dioten bezala, txakur gehiago daude jaioberriak baino eta txakurrek ez dute non jolasteko lekurik. Beraz, proposamena txakurrak korrika egiteko eta jolasteko leku gehiago izatea da.
“Arte zone” – Mendebaldea 3. H
Ikasle hauek sortutako proiektua Arte zone izena du eta birziklapenaren garrantziaz kontzientziatzea du helburu. Artearen bitartez ikasleen sormena garatzea ahalbidetzen duen proiektua da. Proiektua, insitutuetan zabaldu nahi dute birziklapenaren inguruko tailerren bitartez, eta institutu bakoitzak artelan bat sortzeko helburuarekin egiten dira. Gainera, Fanzone deituriko ekitaldia sortu dute non tailerretan landu dutenari garrantzi handia emango zaion. Bertan hainbat motatako jarduera egongo dira, hala nola birziklatzeko tailerrak edota ikaskuntza eta aisialdi-guneak. Egun horretan institutuen arteko lehiaketa bat egongo da, tailerretan material birziklatuekin sortutako artelanaren arabera.
Zer da Hiretu Hiria-Hobetuz Gazte?
Xehetasunak
Taldeka hartzen da parte: klaseko taldearekin, aisialdikoarekin edota bestelako gazte-talde batekin (kirol-taldea, jarduera artistikoekin harremandutakoak, kuadrillak...).
Talde horietan, zuen inguruko errealitatea aztertuko duzue, dinamizatutako 9 lan-saioetan. Gai zehatz bat aukeratuko duzue, eta, ondoren, hobekuntza edo aldaketa proposamenak landuko dituzue. Gai bakoitzean sakontzeko, adituekin elkarrizketak egingo dituzue.
Prozesuaren erdialdean, ideiak elkar-trukatzeko bilera bat egiten da talde parte-hartzaile bakoitzeko ordezkariekin, talde bakoitzaren proposamena ekarpen desberdinekin janzteko.
Proposamen guztiak Hiretu Hiria galan aurkeztuko dira: bertan izango dira alkatea, udal ordezkariak, gazte parte-hartzaileak, irakasleak, familiak, lagunak, elkarteak, herri-erakundeak eta herritarrak.
Galaren aurreko asteetan, aurkeztutako proposamenen herri bozketa egingo da. Bozka gehien jasotzen dituen proposamenaren egileek Hiretu Hiria saria irabaziko dute (egunpasa bat taldean).
Era berean, proposamenen balorazio teknikoa egingo da egingarritasuna zehazteko, eta egingarrien artean onenak hautatuko dira (Hobetuz Gazte saria). Hauei udal aurrekontua esleituko zaie egikaritu daitezen.
Galan jakitera emango da zeintzuk izango diren egikarituko diren proposamenak eta zein izan den bozkatuena.
Lan-saioak urritik martxora bitartean egingo dira dira, ikastetxeetako geletan, aisialdi-taldeetan, edota bestelako gazte taldeen espazioetan, kasuan kasu.
Guztira 50 minutuko iraupeneko 9 saio izango dira.
Behar izatekotan, proposamenak borobiltzeko kale ekintzak egingo dira.
Ideiak trukatzeko bilera urte hasieran izango da, eta amaierako gala apirilean.
- Epea: Irailaren 6tik 19ra (Lehentasuna duten eskolek irailaren 4tik aurrera eman ahalko dute izena).
- Eskola bat bazara: kontsultatu eskolentzako informazioa.
- Aisialdi taldea edo beste motatako gazte taldea bazara: idatzi hiretuhiriavg@gmail.com helbidera* Ez zehaztu saioen data zehatzik. Zuekin harremanetan jarriko gara saioen egutegi pertsonalizatua egiteko.
- Eskola edo aisialdi/gazte talde bakoitzetik lau talde onartuko dira.
- Ezingo dira bi klase talde batean batu.
- Talde parte-hartzaileen behin betiko zerrenda irailaren 20an baieztatuko da.
- Nahitaezkoa izango da talde bakoitzaren ardura duten irakasleak/begiraleak saioetan parte hartzea.
- Ikasturtearen hasieran eskola/aisialdi talde bakoitzaren arduradunekin informazio bilera bat egingo da. Bertan parte hartzea derrigorrezkoa izango da. Ezinezkoa suertatzekotan, taldearen ardura izango duen pertsonari informazioa behar bezala helarazi beharko zaio.
- Antolakuntzak harreman zuzena izango du talde bakoitzaren arduradunarekin, komunikaziorik eraginkorrena bermatzeko.
- Behin dinamika hasita, zehaztutako egutegian aldaketarik egin behar izatekotan, 5 eguneko aurrerapenarekin jakinarazi beharko dira. Horrela egin ezean saio hori galdutzat emango da.
- Hiretu Hiria saria irabazten duen taldearen eskolak edo aisialdi taldeak txangoa ahalbidetzeko konpromisoa hartuko du.
- Zehaztutako parte-hartze arauak ez betetzeak programatik kanpo geratzea suposa dezake.
Kontaktua
945 16 16 16 / Luzapena:6511
Gazteria Zerbitzua. Fray Zacarias kalea, 3 - 01001 Vitoria-Gasteiz
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.