“Eskatu euskaraz, eskaini euskaraz”: zure dendan edo tabernan euskara sartzen lagunduko dizugu

https://www.youtube.com/watch?v=WOqY3florBI(Beste leiho batean irekiko da)

Denda edo ostalaritza-establezimenduren bat baldin baduzu, zure jardueran euskara txertatzen lagunduko dizugu, bezeroarentzako zerbitzua hobetzeko eta kalitate-plusa lortzeko. Aldi berean, herritar guztien hizkuntza-eskubideak bermatzen laguntzeaz gain, Eskatu Euskaraz, Eskaini euskaraz kanpainaren bidez, dirulaguntzak, ikastaroak, itzulpenak eta aholkularitza jaso ditzakezu.

Marka bateratua

Gainera, 2023an merkataritza-, ostalaritza- eta zerbitzu-sekotreko establezimenduetan euskara sustatzeko marka bateratu bat sortu da eta indarrean egongo da hemendik aurrera. Marka honek Euskaraz Barra-barra du izena eta askotan e// markaren bitartez adieraziko da. Marka hau gero eta establezimendu gehiagotan agertzea da gure helburua, honek establezimenduan euskaraz hitz egiteko aukera dagoela adierazten baitu. Horrela, bezeroek estres linguistikorik ez izatea lortuko dugu, bereizgarriak bezeroei euskaraz aritzeko eskubidea bermatuta daukatelaa jakinaraziko baitie, erakusleihoetan jarriko diren pegatina gorri handien bidez.

Bereizgarri hau lortzeko honako baldintza betetzea ezinbestekoa izango da: uneoro egon beharko da bezeroaren euskaraz aritzeko eskubidea bermatuta. Hau da, gutxienez langile batek euskaraz ulertu beharko du, gaztelaniaz erantzun arren.

Zure establezimenduan bereizgarria txertatzeko aukera dagoela uste duzu? Jarri gurekin harremanetan orrialde honetan dauden kontaktuetara deituz eta zure establezimendura hurbilduko gara!

Euskara txertatzeko urratsak

1. pausoa: hizkuntza paisaia

  • Materialak: errotulu txikietan, ordutegietan, karteletan, eta fakturetan euskara txertatzen lagunduko dizugu.
  • Dirulaguntza: kanpoko errotulazioan eta gainerako euskarri fisikoetan euskara sartzeko. Ikusi dirulaguntzak
  • Itzulpenak kartelak, materialak eta dokumentazioa itzultzen lagunduko dizugu.

2. pausoa: diagnostikoa

Urrats honetan, zure establezimenduaren hizkuntzen kudeaketari buruzko azterketa egingo dugu, zer hobetuak identifikatzeko.

  • Diagnostikoa: bilera labur bat egingo dugu zurekin, egoeraren diagnostikoa egiteko. Hizkuntza-normalizazioan kalitatea neurtzeko unitateetan oinarrituta, elementu aurreratuak eta hobetu beharreko puntuak identifikatuko ditugu.

3. pausoa: planifikazioa eta ekintzak

Zer hobetuak identifikatuta, neurriak planifikatuko ditugu.

  • Web-orria, ele bietan: Udalak itzulpen eta egokitzapen lanen %50 diruz lagunduko dizu. Ikusi dirulaguntzak
  • Merkatarientzako euskara ikastaroak. 60 orduko moduluak, A1 eta B1.2 mailan. Ikusi euskara-ikastaroak
  • Euskaltegiko matrikula ordaintzeko dirulaguntza (merkatarientzako berariazko programa). Ikusi euskaltegirako dirulaguntzak
  • Sare sozialetan hizkuntzak kudeatzeko eskuorria: nola erabili hizkuntzak sare sozialetan? Nola eman euskarari lehentasuna?
  • Hizkuntza irizpideak ezarri: nola erabiliko dugu hizkuntza bakoitza une bakoitzean? Bezeroen ahozko arretan lehen hitza euskaraz egingo dut, bezeroentzako inprimakiak ele bietan emango ditut, emailean euskaraz egiteko gonbidapena gehituko dut...
  • Itzulpenak: bezeroentzako eskuorriak, sare sozialetako argitalpenak edo bestelako dokumentuak ele bietan jartzeko itzulpen lanetan lagunduko dizugu.
  • Ziurtagiriak: zure saltokia euskararen normalizazioan egindako aurrerapausoengatik identifikatu eta bereiztu nahi duzu? Kontsultatu Bai Euskarari Ziurtagiria baieuskarari.eus(Beste leiho batean irekiko da)
  • Arabako Enpresen Foroa: hizkuntza kudeaketan aurreratuak dauden enpresen bilgunea. Foroari buruzko informazio gehiago(Beste leiho batean irekiko da)
  • Lanhitz: Eusko Jaurlaritzaren dirulaguntza deialdia euskararen normalizazio ekintzak finantzatzeko. Lanhitz-i buruzko informazio gehiago(Beste leiho batean irekiko da)

Zerbitzu katalogoa

Lagunduko dizugu?

Zalantzaren bat baduzu edo zure establezimenduan hobekuntzak egin nahi badituzu, telefonoz edo e-mailez jarri zaitezke gurekin harremanetan::

656 79 78 05 ARTEZ enpresako lagunek artatuko zaituzte.

merkataritzaeuskaraz@vitoria-gasteiz.org

Webgunetik ere idatzi ahal diguzu: https://eskatueskainieuskaraz.eus(Beste leiho batean irekiko da)

Sare sozialak

Instagram3030 @EskatuEskaniEuskaraz(Beste leiho batean irekiko da)

facebook @eskatueskainieuskaraz(Beste leiho batean irekiko da)

Antolatzaileak

Gasteizko Udalak garatzen du kanpaina gure udalerrian, Eusko Jaurlaritzaren eta Aenkomer, Gasteiz On eta Arabako Merkataritza Ganberaren eskutik. Ekimen hori Euskadiko beste hiri askotan ere gauzatzen da.

Zure iritziak axola digu

Nahi baduzu, iruzkinak egin ditzakezu. Nahitaezkoa da identifikatzea.

Izartxoarekin markatutako eremuak derrigorrezkoak dira.

Gai mota *
Aldartea *
Hautatu gaiaren hizkuntza.
Harremanetarako beste kontaktu bat: