Ingurugiro Gaietarako Ikastegia (IGI - CEA)

Mapan kokatu

Arduradun teknikoa:
Luis Andrés Orive
Helbidea:
Teodoro Dublang Margolariaren kalea, 25
01008 Vitoria-Gasteiz
Telefonoa:
+34 945 16 16 16
Webgunea:
www.vitoria-gasteiz.org/cea
Posta elektronikoa:
ceaadmin@vitoria-gasteiz.org

Estatutuak

» Ingurugiro Gaietarako Ikastegiaren estatutuak

Helburuak

  • Hirirako zein lurralde osorako politikarik eraginkorrenak formulatzeko existitzen den informaziorik onena bildu, kudeatu, analizatu eta erabiltzea.
  • Udalerriaren (eta bere bioeskualdearen) funtzionamendua analizatzea sistema ekologiko, sozial zein ekonomiko modura, eta ezagutza hori tokiko zein eskualdeko plangintza eraginkorragorako erabiltzea.
  • Hirirako eta lurralderako eszenatoki iraunkorragoak proposatzera eta artikulatzera zuzendutako plan eta programak sustatzea.
  • Herritarren prestakuntza, informazioa, sentsibilizazioa eta parte-hartzea sustatzea hiri eta lurralde iraunkortasunaren alorrean, inplikaturik dauden eragile sozial eta ekonomiko guztien parte-hartzea segurtatuz.

Lan arloak

CEAk lau area funtzional edo zerbitzu ditu bere zereginak bideratzeko.

Ingurumen sentsibilizazioa eta hiri iraunkortasunaren kulturaren sustapena

Bere helburua garapen iraunkorrak dakarren paradigma aldaketa ahalbidetuko duen eta hiri iraunkortasunerako kultura sustatuko duen komunikazioa, dibulgazioa eta sentsibilizazioa egitea da. Horretarako, arlo honek ingurumen hezkuntzako programak definitu eta gauzatzen ditu (natura eta bioaniztasuna, energia, hondakinak, ura, mugikortasuna eta beste edozein esparrutan), baita sentsibilizaziokoak ere (erakusketak, komunikazio kanpainak, gertaerak eta ospakizunak, lehiaketak, zinema zikloak, hitzaldiak...), Eraztun Berdean egiten diren natura, aisialdi eta kirol arloko jarduerak eta herritarren parte-hartzerako sortutakoak ere.

Iraunkortasunerako informazio eta berrikuntza

Hirirako zein lurralderako eszenatoki berrietara zuzenduriko informazioren kudeaketa eta berrrikuntza sustatzen ditu, eta hirien funtzionamendu ekologiko, sozial eta ekonomikoa ikuspuntu holistikotik analizatzen dituzten I+G+b proiektuen garapenerako parte-hartze teknikoan lan egiten du. Arlo honek estrategia berritzaileen sorrera eta dinamizazioa bultzatzen du mugikortasun iraunkorraren, energiaren eta klima aldaketaren aurkako borrokaren alorretan, bai eta hiri metabolismoaren beste esparruetan ere.

Iraunkortasunaren azterketa, diagnosia eta ebaluazioa

Udalaren Ingurumen Arloaren proiektuak eta lanlerro estrategikoak gauzatzeko beharrezkoak diren diagnosi, ebaluazio eta laguntza azterlanak sustatzen ditu. Horren gain, programatutako proiektu eta lerro estrategikoak gauzatzea laguntzeko balio dezaketen finantziazio bideak eta erakunde markoak ikertzen ditu.

Agentzia Energetikoa

Agentzia Energetikoa udal jardueretan eta udalak herritarrei zerbitzuak ematean energia modu eraginkorrean erabil dadin sustatzen du. Horretarako, klima aldaketaren aurkako borrokan eta energiaren alorrean planifikatutako ekintzak garatzen eta helburuak ezartzen ditu. Lan hori udalaren beste alor, erakunde eta enpresekin elkarlanean egiten du, bai eta alor horretan parte hartzen duten beste sektore batzuekin elkarlanean ere.

Zuzendaritza kontseilua

Lehendakaria

Ana Oregi Bastarrika and. (EAJ-PNV)

Lehendakariordea

Jon Armentia Fructuoso jn. (PSE-EE)

Titularrak

Asistentzia-dietak

Dedikazio jakin bat duten eta horrenbestez soldata kobratzen duten zinegotziek ez dutebestelako inongo dietarik jasotzen.

Udalbatzaren Araudi Organikoaren 80. artikuluan jasota dago ez erabateko dedikaziorik, ez dedikazio partzialik ez duten udalbatzako kideek bakarrik jasoko dituztela dietak kide diren organo kolegiatuen bilkuretara joateagatik (115 euro/saioa).

106. artikuluan araututa dago, berriz, talde politikoek izendatutako pertsonek, zinegotzi ez badira, udal sozietateen administrazio-kontseiluetara nahiz erakunde autonomoen zuzendaritza-kontseiluetara joaten diren aldi bakoitzeko 300 euroko dieta jasotzeko eskubidea izango dutela.

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?            

Nahi baduzu, iruzkinak egin ditzakezu.
Nahitaezkoa da identifikatzea.

Gaia publikoa izatea aukeratzen baduzu, gainontzeko herritarrek zuk idatzitakoa eta udalak emandako erantzunak irakurri ahalko dituzte; baita iruzkinak egin ere. Gaia pribatutzat jotzen baduzu, zuk bakarrik izango duzu gai horretarako sarbidea eta udalak emandako erantzunak irakurtzeko aukera. Gaia idaztean identifikazio kodea emango zaizu.

Aldartea

Harremanetarako beste kontaktu bat: