Garapenerako Lankidetza – Jardun-arloak

Gasteizko Udala 1988an hasi zen garapenerako laguntza ematen; urte hartan hartu zuen Osoko Bilkurak udal aurrekontuko % 0,7 nazioarteko elkartasunera bideratzea.

Ordutik hona erroak bota ditu Udalean lankidetzak, zeinak funtsean Garapenerako Gobernuz Kanpoko Erakundeen bidez (GGKE-ak) gauzatzen den, diru-laguntzen deialdia bitarte. Alabaina, bada baita beste udal batzuekin batera bideratutako lankidetza, Euskal Fondoa(Beste leiho batean irekiko da)-ren testuinguruan, edo garapen bidean dauden herrialdeetako erakundeekin zuzenean.

Jardun-arloak

  1. Garapenerako laguntza: zehazki, garapen, giza laguntza edo giza eskubideen aldeko proiektuak egitea, garatzen ari diren herrialdeak deiturikoetan. Normalean, proiektu horiek helmugako herrialdeetako erakundeek egiten dituzte, hemengo erakundeekin lankidetzan, bereziki Garapenerako Gobernuz Kanpoko Erakundeekin (GGKE).
  1. Garapenerako sentsibilizazioa eta hezkuntza Gasteizen: hau da, hirian elkartasunaren kultura sustatzen laguntzen duten ekintzak edo programak egitea, nazioarteko dimentsioarekin eta, bereziki, garapen bidean dauden herrialdeekin, herritartasun globalaren ikuspegitik.

Zer egiten dugu?

  • Udalak sinatutako dirulaguntza deialdien edo hitzarmenen esparruan erakundeek aurkezten dituzten proiektuak (lankidetzakoak edo hezkuntzakoak) aztertu eta balioestea. Horretarako, proiektu jakin batzuen balorazio teknikoa egiteko udal zerbitzu espezializatuen laguntza jaso behar da (bereziki, uraren udal enpresa, AMVISA, ur- eta saneamendu-proiektuetarako).
  • Diruz lagundutako proiektuen jarraipena, hau da, egindakoa egiaztatzea eta justifikazio ekonomikoa.
  • Hirian sentsibilizazio-jarduerak egitea eta hezkuntza-programak kudeatzea.
  • Lagundutako proiektuen ebaluazioak egitea, normalean erakunde espezializatuak kontratatuz.
  • Gasteizko Udalak garapeneran laguntzeko egiten duen lanari buruzko informazioa eta komunikazioa.

Helburuak

Garapenean Laguntzeko Plan Zuzentzaileak honako helburu hauek ezartzen ditu:

  • Gure hirian elkartasunaren kultura sustatzen laguntzea, garapenerako lankidetza eta hezkuntza uztartuz.
  • Garapenean laguntzeko eta elkartasuneko programak eta ekintzak gauzatzea, hiriko pertsonak, kolektiboak eta erakundeak modu eraginkorrean tartean direla (Udala bera barne).
  • Berekin honako hauek dakartzaten tokiko giza garapeneko prozesuak laguntzea:
    • Biztanleriaren bizi-baldintzak hobetzea eta, bereziki, oinarrizko gizarte-premiak easetzea.
    • Gaitasun instituzionalak, giza gaitasunak eta gaitasun sozialak indartzea.
  • Nazioarteko ekintza bateratuko esperientziak eta estrategiak erraztea, gizartea eraldatzeko helburu zehatzekin.

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.