Garbiguneak
Etxeetako hondakinak eta antzekoak -berriro erabili edo birzikla daitezen- gaika biltzeko lekua da garbigunea. Hau da, erabiltzaileen eskura jarritako instalazio bat, zabor poltsetan sartzen ez diren eta nola edo hala baliagarri izan daitezkeen materialak bertara eramaterik izan dezaten -etxe eta dendetan luzaro eduki edo gorde ezin den zaborra, berehalakoan bota beharrekoa ere eraman daiteke bertara-.
Beraz, birziklatzea du helburu nagusia garbigune edo ordezko hondakin biltegiak. Partikularrentzako zerbitzua da.
Puntu garbiak
Erabilpena
Modu ordenatuan bota beharko dituzte materialak erabiltzaileek materialen ezaugarrien arabera jarrita dauden edukiontzietan.
Mugak
- Eguneko: 500 kg.
- Asteko: 750 kg.
- Hileko: 2.500 kg.
Bolumena
Gehienez ere metro kubiko bat
Bertan utzi daitezkeen hondakinak
- Metalezkoak: somierrak, erradiadoreak, antenak, bizikletak, trizikloak, sehaskak, aulkiak eta bestelako armazoi metalikoak, hutsik dauden bonbonak eta su-itzalgailuak, etxean erabiltzen diren bidoiak eta margo latak.
- Egurrezkoak: oheak, aulkiak, ateak, zokaloak, armairuak eta etxean sortzen diren egurrezko bestelako elementu handiak, saltoki txiki eta etxebizitzetan sortzen diren enbalaje eta kutxak.
- Etxebizitzetan egindako lanen obra-hondakinak: harri-morroilo, obra-hondakinak, konketak, komunontziak, dutxak eta bainuontziak, loreontziak, etxeko baxeraren hondakinak, zeramika zein beira lauarenak.
- Ehunkiak: trapuak, erabilitako arropa, errezelak eta koltxoiak.
- Plastikozkoak: ontziak, bilgarriak, botilak eta mota guztietako plastikoak.
- Gomazkoak eta kautxuzkoak: pneumatiko erabiliak, lantegi eta garajeetatik ekarriak.
- Bizikleten kamerak eta estalkiak.
- Pilak, metagailuak, fluoreszenteak eta tonerrak: mota guztietako pilak, ibilgailuetako bateriak, lantegietatik ez datozenak, erradiografiak, aerosolak, sakelako telefonoak, inprimagailuko tonerrak...
- Etxeetako olio begetal erabiliak.
- Papera eta kartoia: aldizkariak, egunkariak eta bestelako argitalpenak, enbalajea eta idazteko papera.
- Beira: botilak, poteak eta beirazko beste edozein ontzi.
- Lorezaintza: partikularrek egindako sega eta inausketen hondakinak (bakarrik Oto, 44 kalearen Garbigunean).
- Aparailu elektriko eta elektronikoen hondakinak: etxetresna elektrikoak, telebistak, musika ekipoak, ordenagailuak...
- Amiantoa duten hondakin kopuru txikiak: baimenduta, eta polietilenozko eta galgazko 400 plastikozko erretraktilatuak. Baimen eskaerak: garbigunes@vitoria-gasteiz.org
Tresen berreralbipena
Tresnak berrerabiltzeko, kontsultatu ezazu Berrerabili programa.
Kontsultak eta zalantzak
Informazio gehiagorako garbigunes@vitoria-gasteiz.org posta elektronikoa dago eskuragai.
Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.