Etxeko Laguntza Programa

Gizarte zerbitzuen irudia.

Zer da? | Programaren xedeak | Zer zerbitzu eskaintzen ditu? | Nork eskatu ditzake? | Argibideak non?

Zer da?

Aldi batean edo modu iraunkorrean eguneroko oinarrizko jarduerak egiteko mugak dituzten pertsona eta familiei zuzenduriko programa da, arreta pertsonala, akonpainamendua edo hezkuntza-laguntza eskaintzen dituena.

Programaren xedea da pertsona horien bizi-kalitatea hobetzea, beren ohiko bizilekuan jarraitzerik izan daitezen; duen erantzukizunean familiaren sostengua eta osagarria da, baina hura inola ere ordeztu gabe.
(Igo)

Programaren xedeak

Etxean Laguntzeko Programak prebentzio-, laguntza- eta hezkuntza-arloak barne hartzen ditu, eta helburu hauek lortu nahi ditu:

  • Autonomia galerari aurrea hartzea edo hura arintzea, eguneroko jardueretan lagunduz eta etxea bizitzeko egoera egokian mantenduz.
  • Arreta sare naturala osatzen duten zaintzaileei laguntzea.
  • Adinekoei beren etxebizitzetan jarraitzen laguntzea.
  • Erabiltzaileak beren komunitatean integratzen laguntzea.
  • Gurasoak haur eta nerabeei behar bezalako arreta emateko gaitzea.
  • Elkarbizitza giroa hobetzea, arriskuren bat ekar dezaketen egoerak saihestera bideratutako esku-hartzeen bidez.
  • Premia-egoerak hautemateko tresna izatea.

(Igo)

Zer zerbitzu eskaintzen ditu?

ETXEKO LAGUNTZA
Irudia Zerbitzua Deskribapena
Exebizitzaren irudia ETXERAKO LAGUNTZA ZERBITZUA Erabiltzailearen etxean zenbait prestazio egitea.
Bazkariaren irudia BAZKARIA ETXERA ERAMATEKO ZERBITZUA Janari prestatua etxez etxe banatzea, hotz-katean.
Gizarte-langileen irudia GIZARTE ZEIN HEZKUNTZA ALORRETAN ESKU-HARTZEKO ZERBITZUA Gizarte langileak prebentzio eta hezkuntza jarduerak bideratzen ditu etxean bertan, haiek guraso- edo/eta gizarte-trebetasunak ikasi eta gara ditzaten, helburu hauekin.

(Igo)

Nork eskatu ditzake?

Pertsona hauek eska dezakete Etxean Laguntzeko Zerbitzua:
  • Mendekotasuna edo mendekotasun-arriskua aitortuta duten pertsonak, Foru Aldundiak egindako balorazioaren arabera, haien Banakako Arreta Planean etxean laguntzeko zerbitzua agertzen bada eskatutako zerbitzutzat.
  • Mendekotasun-arriskua edo mendekotasuna duten pertsonen zaintzaileak.
  • Mendekotasunaren edo mendekotasun-arriskuaren ebazpenik ez izan arren, autonomia funtzionalean mugak dituzten pertsonak, ia mendekotasunetik hurbil, eta horretaz gain zaurgarritasun-egoeran daudenak.
  • Dena delakoagatik, eguneroko oinarrizko zereginak egiteko autonomia murriztua dutelarik beren etxebizitzetan jarraitzeko aldi baterako laguntza behar duten pertsona eta familiak. baldin eta premiei aurre egiteko familiaren laguntzarik edo laguntza sozial edo ekonomikorik ez badute.
Pertsona hauek eska dezakete Bazkaria Etxera Eramateko Zerbitzua:
  • 65 urtetik gorako pertsonak, autonomia mugak dituztenak janaria beren kabuz prestatzeko eta Adinekoen Zerbitzuko jantokietan sartzeko, bestelako laguntzarik ez badute.
Pertsona hauek eska dezakete Gizarte eta Hezkuntza alorretan Esku Hartzeko Zerbitzua:
  • Dena delakoagatik trebetasun pertsonalak, familiakoak eta/edo sozialak eskuratzeko hezkuntza-laguntza behar duten pertsonak/familiak, trebetasun horiek autonomiaz moldatzen eta familia- eta komunitate-ingurunean bizikidetza egokia izaten lagunduko baitiete.

(Igo)

Argibideak non?

Herritarrek bizilekuaren arabera dagokien Oinarrizko Gizarte Zerbitzura (OGZ) jo dezakete zerbitzuren bat eskatzeko bete beharrekoei buruzko informazioa eskuratzeko.

Etxean Laguntzeko Zerbitzua eskatu nahi izanez gero, Arabako Foru Aldundiak mendekotasuna edo mendekotasun-arriskua aitortu badio, eta Banakako Arreta Planean Etxean Laguntzeko Zerbitzua agertzen bada eskatu beharreko baliabide gisa, Etxean Laguntzeko Zerbitzuaren arreta bulegora jo daiteke (Pablo Neruda kalea 5) edo 945 16 13 75 telefonora deitu.

(Igo)

Oharra, Etxean Laguntzeko Zerbitzuko, Bazkaria Etxera Eramateko Zerbitzuko, eta Gizarte eta Hezkuntza alorretan Esku Hartzeko Zerbitzuko erabiltzaileentzat.

Erabiltzaileei jakinarazten zaie telefonogune bat dagoela Etxean Laguntzeko Zerbitzuarekin, Bazkaria Etxera Eramateko Zerbitzuarekin eta Gizarte eta Hezkuntza alorretan Esku Hartze Zerbitzuarekin lotutako komunikazioak jaso eta kudeatzeko.

Komunikazio horiek 9:00etatik 14:30era bitartean egin ahalko dira, 945 16 13 74 telefono zenbakira deituta, edo helbide elektroniko honen bidez: sad@vitoria-gasteiz.org

Azken bide hori baliatzea erabakiz gero, xehetasun hauek adierazi beharko dituzu: izen-abizenak, zer programatan hartzen duzun parte eta zer ordutegitan, eta jakinarazi nahi duzun mezua.

Etxean ez egotera, gutxienez 3 egun lehenago jakinarazi beharko da, premiazko egoeretan izan ezik.

Premiazko komunikazioetarako, arreta-ordutegitik kanpo, zerbitzu horiek kudeatzen dituzten enpresek horretarako dituzten larrialdi-telefonoetara jo daiteke. Telefono horiek zerbitzuaren erabiltzaile bakoitzari emango zaizkio.

Lotutako informazioa

  

Zure iritziak axola digu

Lagun iezaguzu hobetzen. Informazio hau baliagarria gertatu zaizu?

Nahi baduzu, iruzkinak egin ditzakezu.
Nahitaezkoa da identifikatzea.

Izartxoarekin markatutako eremuak derrigorrezkoak dira.