Senidegune programa

Zer da Senidegune?

Senidegune 0-3 urte bitarteko haurren gurasoei hezkuntza arloan laguntzeko programa da. Bilobak zaintzen dituzten aitona-amonei eta haurdun dauden emakume zein haien bikotekideei ere zuzentzen zaie. Saioetan zaintzaileek eta haurrek batera hartzen dute parte. Alderdi teorikoak zein praktikoak lantzen dira saioetan.

Programaren helburuak

  • Erantzunkidetasunerako eta umeen beharrak egoki sumatu eta interpretatzeko tresnak ematea.
  • Atxikimenduzko lotura egokiak eraikitzeko jarraibideak erraztea.
  • Beste gurasoekin heziketa-esperientziak partekatuta gizarte laguntzaren balioa sustatzea.

Besteak beste honako gaiak jorratzen dira: osasuna eta zaintzak etapa honetan; atxikimenduzko loturak, erresilientzia, erantzunkidetasuna, gurasotasun positiboa, heziketa estiloak; kasketak, beldurrak eta jelosia; jolasaren garrantzia; eta haurren istripuen prebentzioa.

Ikusi Senidegune taldeak

Oharrak

  • Adingabearen izena eman behar da. Haurdun dauden emakumeek eta beren bikotekideek aukera hauek dituzte izena emateko: 010 telefonoa (945 16 11 00 udalerritik kanpo deituz gero), herritarrei laguntzeko bulegoak edo gizarte etxeak.
  • Lantegiko lau saiotara joaten ez bada, eta horretarako justifikaziorik ez badago, automatikoki baja emango da. Itxarote zerrendan dagoen lehen pertsonari deituko zaio orduan.
  • Senidegune programan izena eta eman eta posta elektronikoko helbide bat jakinarazten diguten familiei inkesta batera bideratzen duen esteka bat bidaliko zaie bi unetan (lantegia hasterakoan eta amaitzerakoan, hiruhilekoaren amaieran). Inkestaren bitartez 3 urte arteko seme-alabak hazteko orduan dituzuen beharrak (hezkuntzakoak, emozionalak eta guraso zaren aldetikoak) ezagutu nahi ditugu. Inkesta betetzea borondatezkoa eta anonimoa da, ez baita datu pertsonalik eskatzen. Galdetegiak Euskal Herriko Unibertsitateko Psikologia Sailaren babesa du, Familiaren Psikologiako katedrarena hain zuzen. Sail hori arduratuko da datuak aztertu eta ondorioak ateratzeaz, eta, horretaz gain, Gurasotasun Positiborako programen edukiak hobetu eta guraso zein haurren premietara egokitzeko gomendioak emango dizkigu. Galdetegiak 25 galdera ditu, eta bakoitzak 3 erantzun aukeran. Hamar bat minututan egiten da eta oso baliagarria izango zaigu zuen premiei eta eskaerei hobeto erantzun ahal izateko.

Argibideak non?

  • Gizarte etxeetako Herritarrei laguntzeko bulegoak
  • Haurtzaro eta Senitarte Zerbitzua, 945 16 13 79

Testigantzak

Web orrialde honetan erakutsitako informazioak zeure informazio-beharrak betetzen ez baditu, eskatu behar dituzun argibideak Herritarren Postontziaren bidez.